Genese 45:5 - Iaai Bible 1901 (New Caledonia)

⁵ Ke walang ang ca hmak je hnyekubun, ke ca tenge can anyibun monu, hnyi hnöbun hna ûcû nya kââng; anyin a Khong ame kunö nya bân inya hnân ûhömeli.

Genese 45:5 ပူးပေါင်းရင်းမြစ်များ

Genese 37:28

Ke ame he ka gethen unyidrin at Midiana tavat ûcû; me ödrin e öû Josefa ûheny û hnyi hmonop, me ûcû. Josefa ka at Isamaela hwaban je sileva a twente. Ke ödrin e hum Josefa Aigupito ai.

Genese 47:25

Ke haingödrin, ka habe, U je hia but omeli öhmun; ö u betenge gahmun than, kʼ öhmun e ka bi athnyabai Farao.

Genese 50:19

Ke haingö Josefa ködrin, ka habe, Ca ot: hawa, hwaban Khong inya?

Genese 50:20

Ke haba öbun eja ke ne öbun e ûnykûme ehac he ka okongu nya, haba Khong ame ûnykûme he ka osoâ bi, me me hwâdâ helâ me hnyi bong ang, he ka omelö tavat ae se hia madre me möt.

Genese 50:21

Anyin a wale ca ot: oge me he ka hat öbun, me je lakubuu ae ûhnyûkong. Ke e ame otubweli ödrin, me fuc menyik ködrin.

II. Samuela 12:12

Anyin a u je ânyâ duöngâ e, ke oge me he bi nya ka ânyâ ûnyi ang hnyi hnyimakö Isaraela hia, me hnyimakan seûno.

II. Samuela 17:14

Me ame ha Abasoloma me at Isaraela hia, ka habe, E beönua hofuc ho Husai at Areki hon hofuc ho Ahithofela. Anyin a Iehova ame muso he ka ohavâ hofuc ae so ho Ahithofela, me me he Iehova ka oâ ûnyi ae kong kö Abasoloma.

Esetera 4:14

Anyin a u je ne laba hnyibû hnyi ûen ang, me ame he ka hu menâ me möt ka at Juda ûnyi hnyi ke dok bi, ke haba u, me lap anyin kâmâm, me, adre me he ka ohia hia: ke khanö ia, hawa, ame ne o but köu dokhu hnân hobi kâu ûen helâng?

Jobu 1:21

me haingen, ka habe, Oge o thu ûnyi hnyi hnyeku bai, ke oge me he ka he thu hmetu kâ e: a ham Iehova, kʼ ame he Iehova ka hom hmetu; e so he ka haisoâ iö Iehova.

Luka 23:34

Haba Iesu ame ha, ka habe, Cica lö, hnʼ ödra but; anyin ae ca khanʼ ödra hnödra hna mâdrâ. Ke adre me khenâ anyin je ûkhaû me ugleköbâ.

II. Korinito 2:11

wâ e nye iyâûʼ öta Satana, anyin ae ca iyong köta anyin ta je bihihwakecin.

II. Korinito 2:7

waleling me me so köbun he ka nuâ anyin monu me okahwâ e, wâ e nye utâ but at helâe hnen anyin hlöuhlöu ae ti gan hmâ.

Filemona 1:15

Anyin adre ohia e unyâm la, hnyi ke ong ûen, me me he e unyâm bi nyiele balua;

I. Samuela 1:19

Ke ödrin e vesâkong me hic hnyi hnyimakö Iehova, me hmetu, me o hnyi hnyabadrin hnyi Rama: ke Elekana ame khanö Hana a âiân, me Iehova ame ûnykûme kâu.