Genese 43:9 - Iaai Bible 1901 (New Caledonia)

⁹ Oge me he ka bi singiny; kʼ u ma he ka elâm e unyik: iny ka ca he ka hom hmetu e köu, me ip hnyi hnyimâkâm, e so e takû nya konginy nyiele balua:

Genese 43:9 ပူးပေါင်းရင်းမြစ်များ

Genese 31:39

Ke oge ca hom köu at adre usu kia; ke oge bi hwaban bi; kʼ u je elâm unyik hna venöu hnyi lany, me hna venöu hnyi lit.

Genese 42:37

Ke haingö Reubena ka kamen, ka habe, U ma he ka hlingâ lakuk li baga, iny ka ca hom hmetu e köu: hna but e ka hnyi hnyamök, ke oge me he ka hmeto e köu.

Genese 43:10

anyin adre ne ca ovheli öhmun, mʼ öhmun e ne hmetu but ang aloiny.

Genese 9:5

E hnathu oge me he ka bi hwaban dröbun, wale anyibun möt; oge me he ka bi hwaban e ka ta je meno hia: me tavat minya, oge me he ka bi hwaban melen at ka liamekeiny më.

II. Samuela 14:9

Haba momo Tekoa ame ha ka than, ka habe, Than a tuhok lö, e so ame he hulö ang ka ta huk me lap anyi cica; ke ba konginy than me anyin theron.

I. Je Than 1:21

Ke a ne ba, adre me he ka hai kongu nya me Solomona a nokuk, u ka tha mokut ut me je lakâmâm.

Jobu 17:3

Ip ju haten walang ang, u ma he bi ka ha hnathu nya; Ie at ame he ka ûkhöûhnyam mönya?

Salamo 119:122

Bi singiny ju athnyabaem, me me so: Ca hna but tavat ae bi gan he ka okongu nya.

Ezekiela 3:18

Iny ka ha ka at ae kong, ka habe, U me he ka mok; ke u je ca koû kâu, ke ca fuc he ka khû hnyikonyen at ae kong ûnyi hnyi deny gethen ae kong me me möt; awe, ame he at ae kong ka mekiny anyin hulo; ke oge me he bi nya ka elâm dren gam.

Ezekiela 3:20

Ke haba khaca, ame ne hmetu thö at ae wisa ûnyi hnyi hwakecin ae wisa, me ânyâ hulo, ke inya oge me ip ûnyi hnân öthöâ hnyi hnyimakan, me e ame he ka mok: e ame he ka mekiny anyin hulo, kʼ adre me ca he ka ûnykûme hwakecin ae wisa e ame ânyâ, anyin a u je ca koû kâu; kʼ oge me he bi nya ka elâm dren gam.

Ezekiela 33:6

Ke ame ne wâ hele vat hnen at hmâkâ, kʼ ame ca tûâ trutru, me ba haten ka tavat, me ame o but hele vat me hlingâ ke at unyidra; me ame mekiny hwakecin ae kong, me oge me he ka elâm dren bi unyin at hmâkâ.

Ezekiela 33:8

Iny ka ha ka at ae kong, ka habe, At ae kong lö, u me he ka mok, ke u me ca he bi ka fuc me koû ka at ae kong hnyi deny gethen; awe, ame he at eling ae kong ka mekiny hwakecin ae kong, ke oge me he bi nya ka elâm dren gam.

Luka 11:50

mʼ adre me he ka hnö dren ta je perofeta hia thithö unyin dö ang, waleji adre me hingâlâ hwân hnyi hna bi taben hmeledrany;

Heberu 7:22

ke helâe minya adre me wiö Iesu hnân haten hnathuiny ûhihinyköu ae beönua.