Genese 42:6 - Iaai Bible 1901 (New Caledonia)

⁶ Ke Josefa ame musi hnyi hnyei, kʼ ame ûcû jeû me tavat hia hnyi hnyei: kʼ ame o but je latuhö Josefa me nom ju hnyikânâi kâu.

Genese 42:6 ပူးပေါင်းရင်းမြစ်များ

Genese 18:2

ke e ame bwele me wâ, ke wâ bi ta hnyat a kun ödrin e tot hnyi hnyimakan: ke e ame ö ʼdrin me wadring dö he ka iouny mödrin ûheny hnyi uma mano, me nom ju hnyikânâi,

Genese 19:1

KE haba li angela ödru me o hnyi Sodoma hnyi sahac; ke Lota ame laba hnyi homagöuleny Sodoma: ke Lota ame ö ʼdru, me e ame tot he ka iouny mödru, ke e ame nom hnyikânâi;

Genese 33:3

Ke e ame he bânâ, me oseven nom hnyikânâi ke ne o but ame hakekeüyâ tuhan.

Genese 41:43

kʼ ame ip e hon anyin ûkariota a loiny; kʼ adre me hongot hnyi hnyimakan, ka habe, Iâû ju öbun: kʼ ame otilâ e hon hnyei Aigupito hia.

Genese 41:54

Me ame hwân ka o je hunainy hmiâ a seven, helâ me hnö Josefa hna ha: ke e but hmiâ hnyi te je hnyei hia; ke e hu han bi hnyi hnyei Aigupito hia.

Genese 41:57

Kʼ ame he Aigupito ai ta je hnyei hia he ka ûcû jeû ûnyi Josefa, anyin ae gan hmâ hmiâ hnyi ta je hnyei hia.

Genese 44:14

Kʼ ame o but Juda me je liamekeiny më ka hnyi uma umö Josefa; ke tiga e e: kʼ ödrin e ta ju hnyikânâi hnyi hnyimakan.

Genese 45:26

Ke ödrin e thumeto e ka habe, E tiga möt Josefa, ke e at ame musö hnyei Aigupito hia. Kʼ ame hmak hnyekon, anyin a e ame ca köp ödrin.

Genese 45:8

Anyin öbun e ca kunö nya jem, ke hnen Khong: ke a hia but otilö nya hnân kamö Farao, me thaniny hnyaban hia, me at musi hnyei Aigupito hia.

Genese 48:12

Ke Josefa ame hum ödru ûnyi hnyi wanben li boucan me nom ju hnyikânâi.

Ta je Vejec 11:26

Haba at ame behânâ hwit, ame he tavat ka hangâ e: Ke ame he hnahic ka laba hon ban at ame ûco e ka tavat.

Isaia 60:14

Ke ame he lakon tavat adre me oveci u ka o me iyâû gam; ke ame he tavat hia adre me hûkötiö u ka nom ju ka hnyi li hnyeûcam; ke adre me he ka haiö u, a Taun anyi Iehova, Ziona anyin Kabi Isaraela.

Ta je huliwa 7:10

kʼ ame omelö e ûnyi hnyi anyin ta je vec hia, me ham kâu ibetengiö me metâ hnyi hnyi-makö Farao than Aigupito; ke e ame otilâ e me me musi hnyi Aigupito me hnyaban hia.

Hna Omanenâ 3:9

Wâ bi, oge me he ka ham keihen hanen sunago anyi Satana, wale a tavat adre me ha, ka habe, Ödra tavat Juda, ke ba bi, kʼ adre me thoi; wâ bi, oge me he ka wiʼ ödra, mʼ adre me he but jem he ka khudrung hnyi hmelen li cam, ke adre me he ka khana a oge me hia but betenge gam.

I. Samuela 20:41

Ke a he but da, me Davita ame o ûheny hnyi hwaiöu, me ta hnyikânâi, me okun nom: ke ödru me ûcimhnyimak, me ûtengiö, ke beönua tenge a Davita.