Genese 42:5 - Iaai Bible 1901 (New Caledonia)

⁵ Ke ame o but je laku Isaraela he ka ûcû jeû, unyin tavat adre me o eling: anyin ae hmiâ but hnyei Kanana.

Genese 42:5 ပူးပေါင်းရင်းမြစ်များ

Genese 12:10

Ke e hu hmiâ hnyi hnyei: me Aberama ame he Aigupito ai he ka më laba e; anyin ae gan hmâ hmiâ hnyi hnyei.

Genese 26:1

HE hmiâ thö hnyei, ke ke hmiâ ehac hnyi bong bongu Aberahama. Ke Isaaka ame he Gerara ai kö Abimeleke thaniny at Filisiti.

Genese 41:54

Me ame hwân ka o je hunainy hmiâ a seven, helâ me hnö Josefa hna ha: ke e but hmiâ hnyi te je hnyei hia; ke e hu han bi hnyi hnyei Aigupito hia.

Genese 41:57

Kʼ ame he Aigupito ai ta je hnyei hia he ka ûcû jeû ûnyi Josefa, anyin ae gan hmâ hmiâ hnyi ta je hnyei hia.

II. Samuela 21:1

KE e hu hmiâ hnyi ûö Davita a kun hunainy, ke huna me ke huna; ke Davita ame elâm hnyimakö Iehova. Ke Iehova ame thu, ka habe, Ga Saulo me anyin lap ame hingâlâ dra, anyin a e ame hlingâ at Gibeona.

Ta je huliwa 11:28

Ke ame todrö ke at gadrin, Agabo ien, me omanenâ ge Hanu a gʼ ame he ka hu hmiâ ae gan hmâ hnyi hmeledrany hia: wale a hwâdâ thö hnyi ûö Kalaudio.

Ta je huliwa 7:11

Ke ame o but hmiâ me vec ae gan hmâ nnyi Aigupito hia me Kanana: me ba jeû an lakamöta.