Genese 42:13 - Iaai Bible 1901 (New Caledonia)

¹³ Ke haingödrin, ka habe Haba öhmun lathnyabaem je liamekeiny a twelv, lakon at a khaca, hnyi hnyei Kanana; ke haba wakeiat hmönyin tha e biju me kamöhmun walang ang, ke hia but khaca.

Genese 42:13 ပူးပေါင်းရင်းမြစ်များ

Genese 37:30

Me e ame he ka je liamekeiny më, me ha, ka habe, E hiö thö thöth; ke oge me he biju kâ?

Genese 42:11

Je lakon at a khaca öhmun hia; öhmun e hnathu, öhmun e ca he ka ecmâkâ hnyei, a öhmun lathnyabaem.

Genese 42:12

Ke haingen ködrin, ka habe, Ohe, öbun e o but he ka ecmâkâ hnyei ae ba ûnyi.

Genese 42:14

Ke Josefa ame ha ködrin, ka habe, Wale hnök hna ha köbun, ka habe, öbun je hnyat ame he ka ecmâkâ hnyei:

Genese 42:32

öhmun je liamekeiny a twelv, ke khaca thibi kamöhmun; a hia but ke at, ke haba wakeiat hmönyin e unyin kamöhmun hnyi bong ang hnyi hnyei Kanana.

Genese 42:36

Kʼ ame ha ködrin Jekob a kamödrin, ka habe, Öbun hnyat öbun e ohia lakuk: a hiö Josefa but, ke hiö Simeona but, kʼ öbun e he minya ju ka hum Beniamina: hnân okongu nya ta je ûnyi hia thithö eling.

Genese 42:38

Ke e ame ha, ka habe, Ame ca he nökuk ka tha he möbun; anyin a mokcu keiny, ke hake biju e: ke a ne o but kong kâu eû hnyi gethen öbun e he, me öbun e he ka otengiö nya kʼ iny hûen dut ke ne o but ka hnyi erkemok.

Genese 43:29

Ke e ame bwele me ö Beniamina a keiny, a tha hinyen më, me ha, ka habe, Wale keibun wakeiat hmönyin, waleji öbun e ha könya? Ke haingen, ka habe, Nokuk lö, e so Khong ame he ka betenge gam.

Genese 43:7

Ke ödrin e thu, ka habe, A hnö wia gahmun hnen at me je lahanöhmun, me ha, Hawa, e tiga möt kamöbun? ke e hu keibun biju eiö? mʼ öhmun e thu kâu hoton ta je ûnyi eling: anyin ae ca khanöhmun a gʼ ame he ka ha, ka habe, He thʼ öbun ka hom keibun?

Genese 44:20

Ke öhmun e thu ka than, ka habe, E hu kamöhmun, a hingat, me nokon hingat a e a wakeiat at ae ûhnyûkong; ke a mokcu tuhan, ke hake e biju nokon hinyen, kʼ ame betenge gan hnen kamen.

Genese 44:28

kʼ ame he but gak ke at, ke haingök, ka habe, A hia but oloû usu kia e; kʼ oge me ca wâ hmetu e:

Genese 45:26

Ke ödrin e thumeto e ka habe, E tiga möt Josefa, ke e at ame musö hnyei Aigupito hia. Kʼ ame hmak hnyekon, anyin a e ame ca köp ödrin.

Jeremia 31:15

Walang hna ha hnö Iehova, ka habe, Adre me long hnyi Rama, hwa tenge thungaû, me tenge hwege, Rakela ame tenge ge lakon; kʼ ame ca tubet bala bi ge lakon, anyin adre aû but.

Je tenge anyi Jeremi 5:7

A hia but monu je lakamöhmun, me hiʼ ödra but; Ke ohmun e hia but hanö obiny anyidra ta je hulo.

Mataio 2:16

A wâ but Heroda a je magoi ödrin e iyawâ e, me e ame hmonyin gan hmâ, me ûkhûnöng he ka hlingâ ta je wanakat hia thithö hnyi Betheleema, ke hnyi je hnyigoulen e, hwân ge tavat a lo hunaidra ke ne o but ka ta je mendreng, hoton ûen e ame hia but hnö wia hnyin ta je magoi.

Mataio 2:18

Adre me long hnyi Rama hwan, Hwatenge me tenge thungaû, Rakela ame tenge ge lakon; Kʼ ame ca tubet bi, anyin ae hiʼ ödrin dut.