Genese 41:8 - Iaai Bible 1901 (New Caledonia)

⁸ Ke haba hnyi hnyomakatu me ame hmak hnyekon; me e ame ûkhûnöng ka hawâ ta je magoi Aigupito hia me tavat ae metâ hia: ke Farao ame aû gaga ködrin bwiny; ke ba at ae khana he ka ha bongon kö Farao.

Genese 41:8 ပူးပေါင်းရင်းမြစ်များ

Genese 40:6

Ke ame didrö Josefa ködru hnyi hnyomakatu ka ō ʼdru, ke wâ bi, ödru me hlöuhlöu.

Genese 40:8

Kʼ ödru me thu kâu, ka habe, Öhme bwi, ke ba at ae khana he ka ha bongon. Ke haingö Josefa ködru, ka habe, Hawa, ca hamen Khong he ka ha ta je bongon? Bethe ha thö könya.

Genese 41:15

Ke haingö Farao kö Josefa, ka habe, Oge bwi ke ba at ae khana he ka ha bongon: ke oge löng ut gam, ka habe, U je ne löng bwi e khatö u he ka ha bongon.

Genese 41:24

ke haba je wan hwit ae kong ame han je wan hwit a seven ae so: ke oge me omanenâ e ka je magoi; ke ba at ae khana omanenâ bongon könya.

Genese 41:7

Ke haba je wan hwit ae kong ame han je wan hwit a seven ae wa se me hlau. Ke a hmak dö Farao, ke wâ bi, bwi bi.

Salamo 25:14

Haba ûbnenamö duöng ûnyi ga Iehova me wale unyin tavat adre me outen e; Ke e ame he ka omanenâ kodra anyin ûhihinyköu.

Esodo 7:11

Me haba Farao ame hawâ tavat metâ me tavat tren khong: me haba odrin minya a je magoi hnyi Aigupito odrin e ânyâ helâe ge anyidrin je bibihwakeoin.

Esodo 7:22

Haba ta je magoi hnyi Aigupito odrin e ânyâ helâe ge anyidrin ta je bibihwakeoin: ke ame nâk hnyeku Farao, me ca ling ödru, helâ me hna ha hnö Iehova.

Esodo 8:7

Ke ame ânyâ helâe ta je magoi ge anyidrin je bibihwakeoin, me oâ ta je rana hon hnyei Aigupito.

Esodo 9:11

Ke ca khana ta je magoi he ka tot hnyi hnyimakö Mose, can je ohuc; anyin a e bi hon ta je magoi me at Aigupito hia ta je ohuc.

Isaia 19:3

Kʼ ame he Aigupito ka gâon hnyin e; ke oge me he ka ohia ûhnenamöiny: ke adre me he ka elâlâm je idola, me tavat ulit, me tavat tren biobotkong, me tavat bi khong.

Isaia 29:14

anyin a wale wâ bi, oge me he bala ka ânyâ ûnyi ae ke bongon bi ka tavat ang, a ûnyi hnân lâiâ me ûnyi a ûöman: ke ame he ka hia metâ anyin tavat ae metâ gadra, kʼ ame he ka iyong ûnykûmânen tavat wâ wia gadra.

Isaia 8:19

Ke ödra ka ha köbun, ka habe, Elâm dö unyin tavat tren je khong, me tavat bi khong, tavat adre me cûk me fufuc: hawa, ca hamen hnyei he ka elâm unyin Khongudra? hawa, adre me he ka elâm hobi kâu tavat ae möt unyin ta je komok?

Daniela 1:20

Ke haba hnyi ta ûnyi hia ge metâ me wâhmakhmeto, wale ame hnei ödrin gan than, e ame ö ʼdrin a ten beonuâ anyidrin metâ hon metâiny ta je magoi hia me tavat bihihwakecin hnyi dokhon dokhu hia.

Daniela 4:18

Wale bwik waleji oge bwo, inya Nebukaneza than: ke hamâm Beletisaza he ka omanenâ bongon könya, anyin ae ca khana bi tavat hia ae metâ hnyi dökhuk dokhu he ka omanenâ könya bongon; ke e khanö u, anyin a e unyâm hanon je khong ae kap.

Daniela 4:19

Me ame hlohlo Daniela, Beletisaza ke ien, hnyi ong ûen, ke ame ohmâkâ e hnen je hna ûnykûme. Me ame ha than, ka habe, Beletisaza lö, ca he ka hmak ge bwi me bongon e. Ke haingö Beletisaza, ka habe, thân lö, e na ödrin ju tavat adre me hûkötiö u bwi e, ke e na ödra ju je iwahnaihmiony möu bongon e.

Daniela 4:5

Oge me bwo bwi, me ame ooti nya; ke oge me hmak ge je hna ûnykûme hon hnok hna mokut, ke ta je ûnyi ae manen könya.

Daniela 4:6

Anyin a wale oge me otilâ hnanyibu he ka hom könya tavat metâ hia hnyi Babulona, me me hamödra he ka omanenâ bongon bwi.

Daniela 4:7

Me ame o könya ta je magoi, ke tavat bihihwakecin, ke at Kaledaia, ke tavat tren khong: me oge me ha bwi hnyi hnyimakodra; ke adre me ca omanenâ könya bongon.

Daniela 5:11

e hu ke at hnyi dokhom dokhu a e unyin hanon je khong ae kap; ke haba hnyi ûen kamâm, me adre me wâ unyin melam, ke wâ ûnykûme, ke metâ, helâ me metâ anyin je khong: ke haba Nebukaneza than a kamâm, wale than a kamâm bi, me e ame otilâ e hnân taben ka ta je magoi, ke tavat bihihwakecin, ke at Kaledaia, ke tavat tren khong;

Daniela 7:28

Walang obiny ûnyi. Ke haba inya Daniela oge me hmak ge ta je ûnykûmenök, me ame ke man bi hnyimakök: ke oge me tuö unyi eling eû hnyi hnyekuk.

Daniela 8:27

Ke inya Daniela oge me ta hnyikânâi me mok hnyi ke je bong; me oge me todrö me mâdrâ huliwa anyin than: ke oge me lâiâ hna omanenâ, ke ba at ame wâ ûnykûme.

Levitiko 19:31

Ca he öbun ka saû ka tavat tren hanu, me tavat bibihwakeoin; ca elöm odrin, inʼ öbun e ca he ka kong: Inya Iehova Khongubun.

Levitiko 20:6

Ke haba at ame saû ka je hnyat tren hanu me tavat bibihwakeoin, he ka bi ûnyi monu hotudrin, me oge me he ka wâ hmâ at eling me subâ degecâ ûnyi hnyi iny hnyei.

Habakuka 3:16

Oge me long, me ame ututut hnyekuk, Ame öbubuny li esongodik ge hwan; E amam but je jeiök, ke oge me öbubuny hnyi hnok: Mʼ oge me he ka menâ hnyi bonginy vec, Hnyi ûen e ame o but ûcon hnyei wale ame o kâu a je deo vat,

Mataio 2:1

A DRE me hnöku Iesu hnyi Betheleema hnyi hnyei Juda hnyi ta je bong bongu Heroda a than, ke wâ bi, ame o but ta je magoi hnyi Jerusalema ûhedrin jimeyö,

Ta je huliwa 17:18

Me ame ivinö me keihen hnyat bemetâ a latö Epikureo, me hnyat Setoiko. Haingen keihen ka habe, Ieû ame he ka ha hnen at ang ame fuc bebehu? Ke haingen keihen, ka habe, Haba e, me helâ me at ame omanenâ ta je khong kanyua: anyin a e ame kheti Iesu ke möt hmetu.

Ta je huliwa 7:22

Ke adre me nö Mose hnyi ta je metâ hia anyin at Aigupito; kʼ ame metâ but hnyi hofuc a hwan, me anyin ta je huliwa.

I. Korinito 1:19

Anyin adre hia but sihnalimen, ka habe, Oge me he ka ohia metâ anyin tavat ae metâ, Ke oge me he ka oûnyibâûâ hna wâ ûnykûme hnen tavat adre me wâ ûnykûme.

I. Samuela 6:2

Haba at Filisiti ödrin e hawâ tavat bihut me tavat bi khong, me ha ködrin, ka habe, Ohmun e he ka hawa ka tang tangö Iehova? bethe omanenâ thö kohmun dok ohmun e he ka kunâ e ka hnyin.