Genese 41:51 - Iaai Bible 1901 (New Caledonia)

⁵¹ Ke Josefa ame hwenyi ien atö, Manase: haingen, ka habe, Anyin a hia but Khong okhöti nya hnyi anyik ta je vec hia, me hnyaba cica hia.

Genese 41:51 ပူးပေါင်းရင်းမြစ်များ

Genese 41:30

ke hwaban e ame he ka o ta hunainy hmiâ a seven; kʼ adre me he ka hnying widran hnyi hnyei Aigupito; kʼ ame he ka aû but hnyei hnen hmiâ.

Genese 41:50

Ke ame hnokoâ li laku Josefa a baga, ke tiga hia je hunainy hmiâ, wale ame hnokoâ hnö Asenatha nöku Potifera at bihut hnyi Ona.

Genese 41:52

Ke e ame hwenyi ien wakeiat Eferaima: haingen, ka habe, Anyin a Khong ame osi nya hnyi hnyei adre oveci nya hnyin.

Genese 48:1

HWABAN ta je ûnyi e, adre me thumetu Josefa, ka habe, Wâ bi e hu mok anyin kâmâm: me e ame hom li lakon Manase me Eferaima.

Genese 48:5

Ke walang ang haba li lakom jia Eferaima me Manase adre hnokoâ gam hnyi hnyei Aigupito, kʼ iny tiga ca o köu eang Aigupito, me ödru li lakuk bi, helâ me Reubena me Simeona.

Jobu 11:16

Anyin a u me he ka hnying ânyâm vec; U me he ka ûnykûme gan helâ me je di a hia but:

Salamo 30:11

U je hia but wia anyik hloûhloû ka hnyi biâ; U je hia but uny anyik ûkhaû ae gan nân, me oweikö nya bi ge senyin:

Salamo 30:5

Anyin ae ti okhulit anyin hmonyin; E hu möt bi hnyi anyin ibetengiö baû Adre me ne tenge hnyi sahac, Me ame o thö senyin hnyi hnyomakatu.

Salamo 45:10

Nokuk hlu lö, long ju, me ûnykûme ju, me tevehlöng ju; E so u ma hnying ut em hnyei me hnyaban kâmâm;

Ta je Vejec 31:7

E ame he ka ic me hnying anyin theduoc, Me ca ûnykûme hmetu bi anyin vec.

Isaia 57:16

Anyin oge me ca he ka ivino ke ne o but nyiele balua, ke oge me ca he bala ka hmonyin: anyin ame he ka ta sēnyin hnyok hnyi hnyimakök, me hanu o ge op.

Isaia 65:16

me me he at ame ha hnahicâ e bi hnyi hmeledrany, me ame he ka ha hnahicâ e bi ge Khong ae hnathu; ke haba at ame khemanyin hnyi hmeledrany, me ame he ka khemanyin ge Khong ae hnathu; anyin a hia but hnying ta je vec a bân, ke adre hia but ikhâlâ ta je ûnyi e ge li emakök.

Numera 26:28

Ke haba laku Josefa hoton anyidra je lap: Manase me Eferaima.

Deuteronomi 33:17

E hmanenang nokon haleny bolok a bân; Ke haba li faoiny, me wale faoiny bolok ae hiny: Ge li ûnyi e e ame he ka hukâ je hnyei hia ke ne o but je obiny hmeledrany: Ke haba ödra, me, je ten thauzan anyi Eferaima, Ke ödra je thauzan anyi Manasi.

Josua 14:4

Anyin a haba lo li tribu, li laku Josefa, jia Manase me Eferaima; ke ödrin e ca ham ka at Levi ke keihen hnyei; ke so bi je taun hnân me labā, me utkânâ igigilö e hobi kâu haledrin je meno me anyidrin je anyi.

Josua 17:1

KE walang jekhon tribu anyi Manase; anyin a e nöku Josefa a bân. Hobi kö Makir nöku Manase a bân, kamö Gileada, anyin a e at vat, me adre me ham me iny Gileada me Basana.

I. Samuela 1:20

Ke a hwâdâ thö ûen me ame erkin dut Hana, me e ame hnokoâ da, me hwenyi ien Samuela, ame ha, ka habe, anyin oge sumâtâ ga Iehova.