Genese 41:50 - Iaai Bible 1901 (New Caledonia)

⁵⁰ Ke ame hnokoâ li laku Josefa a baga, ke tiga hia je hunainy hmiâ, wale ame hnokoâ hnö Asenatha nöku Potifera at bihut hnyi Ona.

Genese 41:50 ပူးပေါင်းရင်းမြစ်များ

Genese 41:45

Ke Farao ame hwenyi iö Josefa, ka habe, Zafenatha-paenea; kʼ ame ham kâu Asenatha nöku Potifera at bihut hnyi Ona, hnân âiân. Ke Josefa ame vheno hnyei Aigupito hia.

Genese 41:49

Ke Josefa ame ûkhöûnâ hwit helâ me önyin köiö, e ti gan hmâ, waleling me me ca aû hmetu e; anyin a ca hnân aû.

Genese 41:51

Ke Josefa ame hwenyi ien atö, Manase: haingen, ka habe, Anyin a hia but Khong okhöti nya hnyi anyik ta je vec hia, me hnyaba cica hia.

Genese 46:20

Ke adre hnokoâ lo laku Josefa hnyi hnyei Aigupito, jia Manase me Eferaima, wale hnö Asenatha nöku Potifera, at bihut hnyi Ona.

Genese 48:5

Ke walang ang haba li lakom jia Eferaima me Manase adre hnokoâ gam hnyi hnyei Aigupito, kʼ iny tiga ca o köu eang Aigupito, me ödru li lakuk bi, helâ me Reubena me Simeona.

II. Samuela 8:18

ke Benaia nöku Jehoiada ban ka at Kerethi me Pelethi; ke je laku Davita tavat musi.