Genese 41:43 - Iaai Bible 1901 (New Caledonia)

⁴³ kʼ ame ip e hon anyin ûkariota a loiny; kʼ adre me hongot hnyi hnyimakan, ka habe, Iâû ju öbun: kʼ ame otilâ e hon hnyei Aigupito hia.

Genese 41:43 ပူးပေါင်းရင်းမြစ်များ

Genese 41:42

Ke Farao ame uny wen banyen me inâ ga Josefa, me okhavâ e ge ta je ûkhaû lino, me ovhekinyâ e ge sa gol;

Genese 41:44

Ke haingö Farao kö Josefa, ka habe, Inya Farao, ke u ka ca musi, e ba at ame he ka ogörânyâ hnyamen me can hnyi hnyei Aigupito hia.

Genese 42:30

Ame fuc hwege köhmun at, wale thaniny hnyei, me ha, öhmun e ecmâkâ hnyei.

Genese 42:33

Ke ame ha köhmun at, wale thaniny hnyei, ka habe, Walang haten mʼ inye he ka wâhmakhmetoâ a öbun e hnathu, hnen biju ang unyik ke at gabun je liamekeiny ke hok ö ʼbun dö ka anyibun je lap ae mekihnânem, ke he thʼ öbun:

Genese 42:6

Ke Josefa ame musi hnyi hnyei, kʼ ame ûcû jeû me tavat hia hnyi hnyei: kʼ ame o but je latuhö Josefa me nom ju hnyikânâi kâu.

Genese 45:26

Ke ödrin e thumeto e ka habe, E tiga möt Josefa, ke e at ame musö hnyei Aigupito hia. Kʼ ame hmak hnyekon, anyin a e ame ca köp ödrin.

Genese 45:8

Anyin öbun e ca kunö nya jem, ke hnen Khong: ke a hia but otilö nya hnân kamö Farao, me thaniny hnyaban hia, me at musi hnyei Aigupito hia.

Genese 50:18

Kʼ ame he minya je liamekeiny më me ta ju hnyi hnyimakan, me ha, ka habe, Wâ bi öhmun je athnyabaem.

Genese 50:9

Kʼ ame tha he me ta je ukariota me tavat adre me tabö hos: ke gan hmâ bunyen.

Esetera 10:3

Anyin a haba Modikai at Juda me ûtang-köu me Asueru than, ke at ae gan hmâ unyin at Juda, ke haba je liamekeiny më ae se hia me adre me kap soâ; kʼ adre me elâm soiny iny hnyei, me ha hnahicâ je mâtrâniny hia thithö.

Esetera 3:2

Ke haba lathnyabainy than a ödrin hnyi homagouleny than, me ödrin e labö nom, me iyâû kö Hamana; anyin a than ame hûna helâe gan. Ke haba Modikai ame ca nom me iyâû kâu.

At Khet 4:14

Anyin a e ame dit ut unyi hnyi uma ceat he ka than; eke, adre me hnokoâ hnyi dokhon dokhu ke ba omjeû.

Daniela 2:48

Me haba than ame ogöranyi Daniela, me ham kâu je bwihlany ae gan, me otilâ e he ka muso hnyei Babulona hia, me wia e me taben ae beönua hon tavat ae metâ hia hnyi Babulona.

Ta je huliwa 7:10

kʼ ame omelö e ûnyi hnyi anyin ta je vec hia, me ham kâu ibetengiö me metâ hnyi hnyi-makö Farao than Aigupito; ke e ame otilâ e me me musi hnyi Aigupito me hnyaban hia.

Filipi 2:10

mʼ adre me he ka cibouca hia thithö ka hnyi iö Iesu, ödra ethö hnyi drany, me hmeledrany, me hmelen hmeledrany,