Genese 41:30 - Iaai Bible 1901 (New Caledonia)

³⁰ ke hwaban e ame he ka o ta hunainy hmiâ a seven; kʼ adre me he ka hnying widran hnyi hnyei Aigupito; kʼ ame he ka aû but hnyei hnen hmiâ.

Genese 41:30 ပူးပေါင်းရင်းမြစ်များ

Genese 41:21

ke ödrin ka hia but ön ödrin, me ca manen dö, ka habe, ödrin e hia but ön ödrin; kʼ ödrin kong bala ka wâ helâ me eja. Mʼ inya oge me hmak dö.

Genese 41:27

Ke haba je kau ae dela me kong a seven ame o hwabödrin, me wale seven ta je huna, ke haba je wan hwit ae ba önyen ame ohû hnen anghwei; me wale seven ta je hunainy hmiâ.

Genese 41:31

Kʼ ame ca he hmetu ka manen widrany hnyi hnyei anyin ae gan hmâ hmiâ hwaban e, anyin ame he ka ti gan hmâ hmiâ eling.

Genese 41:51

Ke Josefa ame hwenyi ien atö, Manase: haingen, ka habe, Anyin a hia but Khong okhöti nya hnyi anyik ta je vec hia, me hnyaba cica hia.

Genese 41:54

Me ame hwân ka o je hunainy hmiâ a seven, helâ me hnö Josefa hna ha: ke e but hmiâ hnyi te je hnyei hia; ke e hu han bi hnyi hnyei Aigupito hia.

Genese 41:56

Ke hmiâ hia thö je hnyei hia: ke Josefa ame khöng ut ta je uma jeû hia, me ûcû ka at Aigupito; ke gan hmâ but hmiâ hnyi hnyei Aigupito.

Genese 47:13

Ke ba areto hnyi hnyei hia; anyin ae gan hmâ but hmiâ; ke mat ut hnyei Aigupito me hnyei Kanana hnen hmiâ.

II. Samuela 24:13

Ke ame o but Gada kö Davita, me thumeto e, me ha kâu, ka habe, Hawa, ame he ka o köu hmiâ hnyi em hnyei ke ne o but seven je huna? ke hawa, u je bekec ge je iwahnaihmiony möu adre me hnu u ke ne o but kun ta tehi? ke hawa, adre me ne kunâ mok ae cap hnyi em hnyei ke ne o but kun ta bong? awe wâhmakhmeto thö hofuc oge me he ka ha hmeto ka at a kunö nya.

I. Je Than 17:1

KE haba Elia at Tisebi, hanen tavat adre me laba hnyi Gileada, ame ha kö Ahaba, ka habe, Kia inya Iehova, Khongu Isaraela, wale oge me tot hnyi hnyimakan, a ame he ka ba hau, me we hnyi je huna, ke so bi hoton hok hofuc.

II. Je Than 8:1

KE a hia but Elisaia fuc ka momo waleji e ame omelö nokon, me ha, ka habe, Todrö, me u me he, me ânyâm lap, me laba kanyua hnyi hnâm hna he ka wâ: anyin a hia but hawâ hmiâ ga Iehova; kʼ ame he ka o minya hnyi hnyei ke ne o but hnyi seven je huna.

Salamo 105:16

Ke e ame hawâ hmiâ ka hnyi hnyei; E ame thu uciny jeû hia thithö

Ta je Vejec 31:7

E ame he ka ic me hnying anyin theduoc, Me ca ûnykûme hmetu bi anyin vec.

Isaia 65:16

me me he at ame ha hnahicâ e bi hnyi hmeledrany, me ame he ka ha hnahicâ e bi ge Khong ae hnathu; ke haba at ame khemanyin hnyi hmeledrany, me ame he ka khemanyin ge Khong ae hnathu; anyin a hia but hnying ta je vec a bân, ke adre hia but ikhâlâ ta je ûnyi e ge li emakök.

Luka 4:25

Ke e hnathu inya oge me ha köbun, ka habe, E se hia ta je safac hnyi hnyei Isaraela hnyi je bong bongu Elia, waleji hnyi ûen adre me hlöng drany hnyi kun ta huna ke siks ta tehi, ke ame o hmiâ hnyi hnyei hia;

Iakobo 5:17

At helâ mʼ öta Elia, ke e ame hic ûjöng me me ca he ka ta we; me ame ca ta we ka hnyi hon kânâ hnyi kun ta huna ke siks ta tehi.