Genese 41:25 - Iaai Bible 1901 (New Caledonia)

²⁵ Ke Josefa ame ha kö Farao, ka habe, Khaca thibi hnö Farao hna bo: a hia but Khong omanenâ kö Farao ûnyi e ame he ka ânyâ.

Genese 41:25 ပူးပေါင်းရင်းမြစ်များ

Genese 40:8

Kʼ ödru me thu kâu, ka habe, Öhme bwi, ke ba at ae khana he ka ha bongon. Ke haingö Josefa ködru, ka habe, Hawa, ca hamen Khong he ka ha ta je bongon? Bethe ha thö könya.

Genese 41:16

Ke Josefa ame thu kö Farao, ka habe, E ca khanö nya: ke ame he Khong ka thu kö Farao ûnyi ae so.

Genese 41:26

Haba je kau a seven ae so, me wale seven ta huna; ke haba je wan hwit a seven ae, me wale seven ta huna: khaca thibi ang bwi.

Genese 41:28

Wale ûnyi oge me ha kö Farao, ka habe, Khong ame hia but omanenâ kö Farao hnen hna he ka ânyâ.

Genese 41:32

Ke Farao ame olo bo, waleling me me he Khong ka ohmâ ûnyi e, kʼ ame ie he Khong ka ohwâdâ.

Salamo 98:2

A hia but Iehova omanenâ anyin ûhömeli: E ame hia but omanenâ hwakecin ae wisa hnyi hnyimakan ta je hnyei.

Esodo 9:14

Anyin a haba hnyi ûen ang oge me he ka kunâ anyik ta je kong hia ka hnyi hnyekom, me hon lathnyabaem, me lakem: me me khanö u ae ba at ae ûcû mönya eang hmelen hia.

Isaia 43:9

Ûkhacaköuâ thö ta je hnyei hia, me ame he tavat ka ûkhacaköu: ie at gadra ame he ka haimemenâ e, me omanenâ köta ta je ûnyi a bân? hamödra he ka hawâ tavat ohnatho, mʼ adre me he ka ohnathu ödra: ke adre me ne he ka long me ha, ka habe, E hnathu.

Daniela 2:45

Anyin a u je wâ a gʼ adre sö veto ûnyi hnyi bucen, ke ca hnen hnyam, me e ame kot omomono fao, me bras, me kânâ ae kece, me sileva, me gol; haba Khong ae gan ame omanenâ ka than ta je ûnyi ame he ka o nyiele: ke e hnathu bwi, ke hmâ bi hna ha bongon.

Daniela 2:47

Ke haingen than kö Daniela, ka habe, E hnathu, haba Khongubun me Khongon ta je khong, ke Tuhan ta je than, ke at ame omanenâ ta je ûnyi ae iyong, anyin ae khanö u he ka omanenâ ûnyi e ae iyong.

Amosa 3:7

E hnathu ame ca he bi Than Iehova ka ânyâ ke ûnyi a ne ca bân ka omanenâ weny ka je perofeta a je athnyabainy.

Mataio 24:40

Hnyi ûen eling ame belök li at a lo; adre me he ka hom khaca, me hnen biju khaca:

Mareko 13:23

Ke wâ eâu Öbun: wâ bi, oge me omanenâ bânâ köbun.

Efeso 1:17

me me he Khongon Tuhöta Iesu Keriso, Kamen ae hmanenang, ka ham köbun hanuiny metâ me hna omanenâ, mʼ öbun e he ka wâhmakhmeto e:

Josua 11:6

Ke Iehova ame ha kö Josua, ka habe, Ca he ka oût ödra; anyin a nyi hnyi ûen a helâng, oge me he ka hnʼ ödra hia thithö adre hlingʼ ödra, hnyi hnyimakan at Isaraela: u me he ka sö can haledrin je hos, me le anyidrin je kariota ge meic.

Hna Omanenâ 4:1

HWABAN ta je ûnyi e, oge me wâ, ke wâ bi adre bia but khong hwanumen drany, ke haba hofuc a bân oge me löng helâ me hwan khoto ame fuc könya, me ha, ka habe, Ölö thö kââng, me oge me he ka omanenâ köu ta je ûnyi ame he ka o nyiele.