Genese 41:15 - Iaai Bible 1901 (New Caledonia)

¹⁵ Ke haingö Farao kö Josefa, ka habe, Oge bwi ke ba at ae khana he ka ha bongon: ke oge löng ut gam, ka habe, U je ne löng bwi e khatö u he ka ha bongon.

Genese 41:15 ပူးပေါင်းရင်းမြစ်များ

Genese 40:8

Kʼ ödru me thu kâu, ka habe, Öhme bwi, ke ba at ae khana he ka ha bongon. Ke haingö Josefa ködru, ka habe, Hawa, ca hamen Khong he ka ha ta je bongon? Bethe ha thö könya.

Genese 41:8

Ke haba hnyi hnyomakatu me ame hmak hnyekon; me e ame ûkhûnöng ka hawâ ta je magoi Aigupito hia me tavat ae metâ hia: ke Farao ame aû gaga ködrin bwiny; ke ba at ae khana he ka ha bongon kö Farao.

II. Man Ûlabainy Je Than. 26:5

Ke e ame penapena hnyekon he ka elâm Khong hnyi je bong bongu Zakaria, at a hu metâ hnyi je hna omanenâ hnen Khong: ke haba hnyi ta je bong e ame elöm Iehova me haba Khong ame ohnahicâ e.

Salamo 25:14

Haba ûbnenamö duöng ûnyi ga Iehova me wale unyin tavat adre me outen e; Ke e ame he ka omanenâ kodra anyin ûhihinyköu.

Daniela 2:3

Ke haingen than ködrin, ka habe, Oge hia but bwi, kʼ ame hlohlo hnyekuk ae bekhanö nya bwik.

Daniela 4:18

Wale bwik waleji oge bwo, inya Nebukaneza than: ke hamâm Beletisaza he ka omanenâ bongon könya, anyin ae ca khana bi tavat hia ae metâ hnyi dökhuk dokhu he ka omanenâ könya bongon; ke e khanö u, anyin a e unyâm hanon je khong ae kap.

Daniela 4:9

Beletisaza lö, tuhan je magoi, e khanö nya but a e unyâm hanon je khong ae kap, ke ba ke ûnyi ae iyong ae hmak köu, anyin a wale ha thö könya hna wâ hnyi bwik waleji oge me bwo, me bongon e.

Daniela 5:12

anyin adre me wâ hnyok ae beönua unyi Daniela eling, ke wâhmakhmeto, ke wâ ûnykûme, kʼ ame omanenâ bongon je bwi, kʼ ame wia je hofuc ae iyong, ke thang ta je vhet, ke haba than ame hwenyi ien e me Beletisaza. Ke walang, e so he ka hum Daniela, me ame he ka omanenâ bongon.

Daniela 5:14

Oge hia but löng gam a e unyâm hanon je khong, ke adre me wâ melam unyâm, ke wâ ûnykûme, ke metâ ae beönua.

Daniela 5:16

Ke oge me löng gam a e khanö u he ka omanenâ bongon, me thang ta ja vhet: ke walang a ne khanö u he ka aû hna sihnalimen, me omanenâ könya bongon, me adre me he ka okhaûo u ge ûkhaû ae udrudrâ hlit, me ovhekinyi u ge sawakiny gol, ke u me he ka at a kuniny bi unyin je musi hnyi dökhu.