Genese 40:5 - Iaai Bible 1901 (New Caledonia)

⁵ Ke ödru me ve bwi hnyi hnyinghet a khaca, ke ve bongon li bwidru, wale at ame khöp utköiö belen than Aigupito, me at ame bi han, wale adre cʼ ödru hnyin uma ceat.

Genese 40:5 ပူးပေါင်းရင်းမြစ်များ

Genese 20:3

Ke Khong ame o but kö Abimeleke hnyi bwi hnyi hnyinghet, me ha kâu, ka habe, Wâ bi u me helâ me at ae mokcu can momo u je hom; anyin a e âiân ke at.

Genese 40:1

KE hwaban ta je ûnyi e haba at ame khöp utköiö belen than Aigupito, me at minya ame bi han, ame kong hwakecidru ka anyidru than, a than Aigupito.

Genese 40:4

Ke haba taben tavat tue ame ip ödru unyi Josefa, me e ame huliwa ködru: kʼ ödru me laba hnyi ke je bong hnyi uma ceat.

Genese 40:6

Ke ame didrö Josefa ködru hnyi hnyomakatu ka ō ʼdru, ke wâ bi, ödru me hlöuhlöu.

Genese 40:8

Kʼ ödru me thu kâu, ka habe, Öhme bwi, ke ba at ae khana he ka ha bongon. Ke haingö Josefa ködru, ka habe, Hawa, ca hamen Khong he ka ha ta je bongon? Bethe ha thö könya.

Genese 41:11

ke öhmu me bwi hnyi lit a khaca, inya më; ke öhmu me ve bwi me ve bongon bi li bwihmu.

Esetera 6:1

HABA hnyi lit eling ame ca mokut bi than; me e ame ûkhûnöng he ka hom tusi hnân oûnykûmeâ ka hnyi ta je bong eji, me adre me aû e hnyi hnyimakan than.

Daniela 4:19

Me ame hlohlo Daniela, Beletisaza ke ien, hnyi ong ûen, ke ame ohmâkâ e hnen je hna ûnykûme. Me ame ha than, ka habe, Beletisaza lö, ca he ka hmak ge bwi me bongon e. Ke haingö Beletisaza, ka habe, thân lö, e na ödrin ju tavat adre me hûkötiö u bwi e, ke e na ödra ju je iwahnaihmiony möu bongon e.

Daniela 4:5

Oge me bwo bwi, me ame ooti nya; ke oge me hmak ge je hna ûnykûme hon hnok hna mokut, ke ta je ûnyi ae manen könya.

Daniela 4:9

Beletisaza lö, tuhan je magoi, e khanö nya but a e unyâm hanon je khong ae kap, ke ba ke ûnyi ae iyong ae hmak köu, anyin a wale ha thö könya hna wâ hnyi bwik waleji oge me bwo, me bongon e.

Numera 12:6

Ke e ame ha, ka habe, Löng ju hok hofuc: a ne hu perofeta unyibun, me haba Inya Iehova oge me he ka omanenö nya kâu hnyi hna omanenâ, me fuc kâu hnyi bwi.