Genese 40:22 - Iaai Bible 1901 (New Caledonia)

²² ke e ame uhno taben tavat bi han, helâ me hnö Josefa hna ha bongon ködru.

Genese 40:22 ပူးပေါင်းရင်းမြစ်များ

Genese 40:1

KE hwaban ta je ûnyi e haba at ame khöp utköiö belen than Aigupito, me at minya ame bi han, ame kong hwakecidru ka anyidru than, a than Aigupito.

Genese 40:19

ke tiga ca um kun ta bong ame he Farao ka ogörânyâ bâm ûnyi hnyi unyâm, me uhni u hnyi ûö; kʼ ame he ka an unyâm hnen ta je meno ame gâ.

Genese 40:8

Kʼ ödru me thu kâu, ka habe, Öhme bwi, ke ba at ae khana he ka ha bongon. Ke haingö Josefa ködru, ka habe, Hawa, ca hamen Khong he ka ha ta je bongon? Bethe ha thö könya.

Genese 41:16

Ke Josefa ame thu kö Farao, ka habe, E ca khanö nya: ke ame he Khong ka thu kö Farao ûnyi ae so.

Esetera 7:10

Me ödrin e uhni Hamana hnyi tap uto waleji e ame penapena hobi kö Modikai. Me ame hia ju hmonyin anyin than.

Jeremia 23:28

Haba perofeta ae hu bwi, me hamen bi he ka ha bwi; ke haba at ae hu gan hok hofuc, hamen he ka ha hnathoâ hok hofuc. Hawa, e ûcû thatûnyin hwit me je wan? haingö Iehova.

Daniela 2:30

Ke haba inya, me adre me ca omanenâ könya ûnyi ang ae iyong can a iny metâ hon tavat hia ae möt, ke so bi hnân omanenâ bongon ka than, me me khanö u thö je ûnykûmenen hnyekom.

Daniela 5:12

anyin adre me wâ hnyok ae beönua unyi Daniela eling, ke wâhmakhmeto, ke wâ ûnykûme, kʼ ame omanenâ bongon je bwi, kʼ ame wia je hofuc ae iyong, ke thang ta je vhet, ke haba than ame hwenyi ien e me Beletisaza. Ke walang, e so he ka hum Daniela, me ame he ka omanenâ bongon.

Ta je huliwa 5:30

Haba Khongon lakamötâ e ame otilö Iesu, waleji öbun e hlingâ me uhno hnyi ûö.