Genese 40:15 - Iaai Bible 1901 (New Caledonia)

¹⁵ anyin adre hia but venöu nya ûnyi hnyi hnyeiny at Heberu: ke ba ke ûnyi oge hia but ânyâ eang mʼ adre me ip nya ju hnyi hmonop.

Genese 40:15 ပူးပေါင်းရင်းမြစ်များ

Genese 14:13

Ke ame o but ke at a kec möt, me thumetu Aberama at Heberu: wale ame laba hnyi aawajo anyi Mamere at Amora, liamekeiny me Esekolo ke liamekeiny me Anere; wale hnyat ödrin e tha hien me Aberama.

Genese 39:20

Ke haba tuhö Josefa ame hom e me ip eiö hnyin uma ceat unyin tavat adre ca ûnyi ge than: ke e ame laba eiö hnyin uma ceat.

Genese 40:16

Ke a wâ but taben tavat bi han, a e so hna ha bongon, me e ame ha kö Josefa, ka habe, Oge bwi minya, ke wâ bi, kun ta tang areto ae hau hon bök:

Genese 41:12

Ke e bi unyihmu ke hidröu at Heberu, athnyabainy taben tavat tue; me öhmu me aû gaga kâu, ke e ame ha köhmun bongon li bwihmu; e ve bongon li bwihmu hnyi hnen hna ha.

Salamo 105:18

Adre me ovecâ li can ge fao ûceat; Kʼ adre me ca e ge cen a fao:

Salamo 109:2

Anyin adre hia but khong hnyem ae kong me hnyem ae iyawö könya: Adre hia but bi fuc könya ge bohmen ae thoi.

Esodo 21:16

Haba at ame venâu at me ûco hwaban mone, kʼ adre me ne wâ e unyin, me, adre me he ka hlingâ e.

Daniela 6:22

Haba Khonguk ame kunâ anyin angela, me obuhlumo hnyimen je liona, mʼ adre me ca okongu nya: anyin adre me wâ ae ba hnyikonguk hnyi hnyimakan: ke haba khaca, than lö, e ba monu oge me ânyâ hnyi hnyimâkâm.

Ioane 10:32

Ke Iesu ame thu ködra, ka habe, E se hia ta je huliwa ae so oge hia but omanenâ köbun ûnyi ge Kamök; can ie huliwa öbun e lûö nya gan?

Ioane 15:25

Waleling me me hwâdâ but hna sihnalimen hnyi anyidra hnanyibu, ka habe, Adre hia but hûkötiö nya ke ba can.

Deuteronomi 24:7

Adre me ne wâ ke at ame venâu liamekeiny mē a at Isaraela, ke ame ânyâ kâu helâ me ka at adre ûco, me ûco bi; awe ame he ka mokcu at venöu eling: helâe u me he ka ohia hulö unyâm.

I. Timoteo 1:10

ke tavat bi ûnyi monu, ke tavat adre me hwen Sodoma, ke tavat venöu at, ke tavat thoi, ke tavat khemanyin thoi, ke ame ne hu ke hwakecin ae ca ûcû me hna ûne ae wisa;

I. Samuela 24:11

Ke haba khaca, wâ bi, cica lö, me wâ bi obiny ânyâm ûkhaû eang hnyi hnyamok: ke oge me subâ obiny ânyâm ûkhaû me ca hlingö u, anyin a wale khanö u thö me wâ a e ba ûnyi ae kong me hulö unyik, ke ca kong hwakecik köu, eja ke ne u je ne elâm melik he ka ohia.