Genese 4:7 - Iaai Bible 1901 (New Caledonia)

⁷ U je ne ânyâ so, hawa adre me ca he ka köp u? ke u ka ca ânyâ so, awe, ame bate-tot hulö hnyi hwanuma: kʼ ame ke ka e hmelâm weny, ke u ma he ka musö e.

Genese 4:7 ပူးပေါင်းရင်းမြစ်များ

Genese 19:21

Me e ame ha kâu, ka habe, Wâ bi oge hia but köp u hnen ûnyi ang minya, me oge me ca he ka ohia taun e u me ha.

Genese 3:16

Ke e ame ha ka momo, ka habe, Oge me he ka osehia ânyâm vec u ka erkin; u ma he ka hnokoâ hnyi vec; ke u me he ka wem bi hmelen âiâm, ke e ame he ka musi u.

II. Samuela 24:23

haba ta je ûnyi hia eling, than lö, a ham Aruna ka than. Ke haingö Aruna ka than, ka habe, E so ame he Iehova a Khongom ka kop u.

II. Je Than 8:28

Ke e ame tha he me Jorama nöku Ahaba he ka vat me Hazaela than Suria hnyi Ramothe-gileada: ke ame aat dö Jorama ge at Suria.

Jobu 11:14

Ame ne hu hulö hnyi hnyamâm, degec ut e sâkâu ai, Ke ca hna hulö ka mokut hnyi umâm je uma mano:

Jobu 11:15

Ke helâe u me he ka bwele thö goranyai me ba hnyikongom; Eke, u me he ka hwege, me ca ot bi:

Jobu 29:4

Helâji me je bong a iny hmai hnyin, Hnyi ûen ame tha e mönya Khong hnyi umök uma mano;

Jobu 42:8

Ke walang ang hom dö hobi köbun bi je bolok a seven, me je mamoe baga a seven, ke he thö ko Jobu athnyabaik, me hudo hobi köbun hudiny leû; ke ame he Jobu athnyabaik ka hic hobi köbun; anyin a oge me he ka kap e, mʼ oge me ca he ka ânyâ köbun hoton anyibun monu; anyin a öbun e ca ha gak ûnyi ae wisa helâ me Jobu athnyabaik.

Ta je Vejec 18:5

E ca so he ka tha hien me at ae kong, Me ohaûâ at ae wisa hnyi hna owisa.

Ta je Vejec 21:27

Ûnyi ae ikiki hut anyin at ae kong: Ke beönua monuiny, e ka hom e me ûnykûmenen ae kong.

Jeremia 3:12

He thö me ha ta je hofuc ang hnyi ke keihen hnyi hwadro, ka habe, Hmetu ju u Isaraela, at ame labö kolu, haingö Iehova; oge me ca he ka ōʼ bun hnyi hmonyin; anyin a inya at ibetengiö, haingö Iehova; oge me ca he ka ip hmonyin nyiele balua.

Jeremia 6:20

Hnân eû könya libanu adre me oâ ûheny Sheba, me ûö ae hnebwia ûnyi hnyi hnyei ae sâkâu? oge me ca kap soâ je hudiny anyibun leû, ke oge me ca senyinâ anyibun ta je hut.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Malaki 1:10

Nakainy ame ne hu ke at unyibun he ka hlöng je hwanuma, mʼ öbun e ca he ka vâc baûâ meic hon anyik taben hut! Haingö Iehova tuhan sabaoth, ka habe, Oge me ca senyin köbun, ke oge me ca he ka kap hnobun hna hudo.

Malaki 1:13

Ke haingöbun, ka habe, Wâ bi, ûnyi hnân höciâ! ke öbun e hia but hûkötiâ e, haingö Iehova tuhan sabaoth: ke öbun e hia but hom ûnyi adre me hûgûnâ, ke at ae kong can, ke hna takoû hnen mok; wale hut öbun e hom: hawa e ûcû könya he ka kap e ûnyi gabun? haingö Iehova.

Malaki 1:8

Ke hnyi ûen öbun e hudo meno ae wadröu hnân hut, e ca hulö e! ke hnyi ûen öbun e hudo ta je meno ame ci, ke at ame takoû mok, e ca hulö bi e! Ham dö e walang ang ka tuhâm: hawa, e ame he bi ka senyin köu? hawa, e ame he ka kop u? haingö Iehova tuhan sabaoth.

Numera 32:23

Ke öbun e ne ca ânyâ e, me wâ bi, öbun tavat hulö kö Iehova: ke wâhmakhmeto ju öbun, a gʼ ame he ka omanenʼ öbun ge anyibun hulö.

Ta je huliwa 10:35

ke e ame kap at ame outen e hnyi ta je hnyei hia, wale at ame ânyâ hwakecin ae wisa.

Roma 12:1

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

Roma 14:18

Anyin a Khong ame senyin ka at ame bi athnyaba kö Iesu Keriso hnyi ûnyi eling, ke ame haisoâ minya hnen at.

Roma 15:16

me inye he ka bi athnyabai Iesu Keriso ka Aten ta je hnyei, he ka ânyâ hanymen at bihut hnyi ûthumetu ae so anyin Khong, me me he ka kap soâ hut wale Aten ta je hnyei, me okabi ödra hnen Hanu Kap.

Roma 6:12

Anyin a wale e so e ca he ka dokhu hulo hnyi je unyibun ame he ka mok, wale he ka long hoton je weny e:

Roma 6:16

E ca khanʼ öbun, a haba at öbun e ka hnʼ öbun kâu he ka bi athnyabainy me long hoton me je lathnyabainy jut öbun ka at öbun e long kâu; ame ne hulo, ka hnyi mok, kʼ ame ne ûling, ka hnyi hwakecin ae wisa?

Efeso 1:6

hnân ogânâ hmanenanginy anyin ibetengiö baû, waleji a betenge baû köta ûnyi ge Oûnykûminy:

I. Timoteo 5:4

Ke a ne ke safac ae hu lakon, ke ame ne laöbiny, me so ödrin e mö nâ he ka ânyâ hwakecin ae so hnyi hnyabadrin bi, me bi troban ka lakamödrin me lahinyödra: anyin a wale ûnyi ae so hnyi hnyimakan Khong.

Heberu 11:4

Hnen labageju Abela ame hudo ka Khong hut ae nua hon hut anyi Kaina, me adre me ohnathoâ e hnen e a e wisa, ke Khong ame ohnathoâ ge anyin je bwihlany: a mok ut e, kʼ ame fuc bala bi hnen e.

Iakobo 1:15

Ke e ka erkin dut weny ae kong me ame hnokoâ but hulo: ke e ka at hnathu but hulo me e ame hnokoâ but mok.

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.