Genese 4:15 - Iaai Bible 1901 (New Caledonia)

¹⁵ Haba Iehova ame ha kâu, ka habe, Anyin a wale, haba at ame he ka hlingö Kaina, me, adre me he ka ibi oseven bi hwaban hmetu kâu, Ke haba Iehova ame bi hatö Kaina, wâ e nye hlingâ hnen ke at ame he ka wâ e.

Genese 4:15 ပူးပေါင်းရင်းမြစ်များ

Genese 4:24

Adre ne he ka oseven bihwaban ga Kaina, A we, sevente seven ga Lameka bi.

I. Je Than 16:7

Ke ame o but hofuc ho Iehova minya a deny Jehu a perofeta nöku Hanani ga Baasa, me ga anyin lap, can ta je monu hia e ame ânyâ hnyi hnyimakö Iehova he ka okûâ anyin hmonyin ge huliwa anyin li hnyamen, wale me me helâ me lap anyi Jeroboama, me khaca minya anyin a e ame hlingâ.

Salamo 59:11

Ca hlingʼ ödra bi, wâ e nye he lakeik ka hnying: Than lö, a becihmun, Ovesei ödra but ge manâm man, ke hagutʼ ödra but.

Salamo 79:12

Ke bi hwaban ju a oseven ka hnyi ûlainy tavat adre me laba hakekenyi öhmun Hnödra hna haikongoâ, adre me haikongu u gan Than.

Ta je Vejec 6:31

Ke ödra ka kât e, e ame he ka oseven bi hwaban; E ame he ka ham hia onyen umen uma.

Ezekiela 9:4

Ke haba Iehova ame ha kâu, ka habe, Vheno thö taun wanben Jerusalema, ke u me he ka bi haten hnyi je bariny tavat adre me mâng me tenge can ta je ûnyi hia ae ikiki wale adre me ânyâ hnyi wanben e.

Ezekiela 9:6

hlingâ degecâ but wahingat me wahidröu, me wahlu, me wanakat, me omomo: ke ca he ka hakekenyâ ke at ae hu haten; ke hwân dö hnyi anyik dok ae kap. Me adre me hwân ge wahingat hnyi hnyimakan uma.

Hosea 1:4

Ke haba Iehova ame ha kâu, ka habe, Hwenyi ien do, ka habe, Jezerela; ke haba me okhaca me oge me he bi nya ka bi hwaban drö Jezerela ka lap anyi Jehu, ke oge me he ka bi obiny dokhu dokon lap anyi Isaraela.

Levitiko 26:18

Ke öbun e ne ca he bala ka ling nya can ta je ûnyi eling, me oge me be bi nya ka oseven kuc öbun can anyibun je hulö.

Levitiko 26:21

Ke öbun e ne he ka hna degeci nya, me höcö ling nya, me oge me he ka oseven oâ köbun je mok hoton anyibun je hulö.

Levitiko 26:24

me oge me he bi nya ka digic öbun; ke oge me he ka oseven kuc öbun can anyibun je hulö.

Levitiko 26:28

me oge me he bi nya ka hna degeci öbun hnyi hmönyin: ke oge me he minya ka oseven kuc öbun can anyibun je hulö.

Mataio 26:52

Haba Iesu ame ka kâu, ka habe, Inâ hmeto but ânyâm hele vat ka hnyi tangen; anyin a haba tavat hia adre me hom hele vat, me adre me he ka mok ge hele vat.

Hna Omanenâ 14:11

ke ame sâ goranyai nyiele balua hainy hna oveci ödra; ke adre me ca menâ bi hnyi lany me lit tavat adre me khudrung ka meno ke we e, me tavat hia adre me kap haten ien e.

Hna Omanenâ 14:9

Ke ame he hotudru ke angela a kuniny, kʼ ame ha ge ifucin ae gan, ka habe, A ne hu at ame khudrung ka meno, ke we e, kʼ ame kap haten e hnyi hon bariny, a ne hnyi hnyamen,