Genese 4:14 - Iaai Bible 1901 (New Caledonia)

¹⁴ Wâ bi u je hia but obö nya hnyi bong ang ûnyi hnyi hon kânâ: ke oge me he ka iyong ut hnyimâkâm; ke oge me he bi nya ka at baû me he monu eang hmelen; wale mʼ adre me he ka hlingö nya hnen tavat hia adre me he ka ō nya.

Genese 4:14 ပူးပေါင်းရင်းမြစ်များ

Genese 3:24

Waleling e ame obö Adamu but; ke e ame ip eiö hnyi hnyei Edena ta je Kerubi, me hele vat ae ubâhlâ ame wiwia ka hnyi je ke keihen hnyei hia, me hnân tuö gethen ka hnyi ûö hnân melen.

Genese 4:13

Ke haingö Kaina ko Iehova, ka habe, E gan hmâ hwaban könya ke ca khanö nya he ka hok hnyokâ.

II. Samuela 14:7

Ke wâ bi, ame tha todrö lap hia könya athnyabaem, ke haingödrin dö, ka habe, Hna but at a hlingâ liamekeiny mē, mʼ öhmun e he ka hlingâ e can möt anyin liamekeiny mē, waleji e ame hlingâ, me ohia minya helâe at ame he ka tren ta je omjeû u ka mok bi: he haba helâe me ödrin e he ka omoko walep a kolon unyik, me me ba but ien me kolon ka öiök eang hmeledrany.

Salamo 109:10

E so e he monu bala bi lakon, me sumat; Me so adre me heleû jeû hnyi hwaban hnödra je hna laba.

Salamo 109:12

E so e ba at ama betenge gan; Ke so e ba at ame he ka betenge ge lakon a je nakahme.

Salamo 143:7

Iehova lö, mweimwei thö he ka thu könya; ame sënyin hanuk; Ca ikhâlâ bi gak hnyimâkâm; Wâ oge nye ûcû me tavat adre me utut ka hnyi erkemok.

Ta je Vejec 14:32

Adre hagutâ hnyikânâi at ae kong hnyi anyin monu: Ke haba at ae wisa, me hu gejon hnyi anyin mok.

Ta je Vejec 28:1

A ME kec at ae kong ke ba at ame hnu: Ke haba tavat ae wisa ödra helâ me liona ame ca ot.

Isaia 8:22

ke adre me he! ka wâ hmeledrany, ke wâ bi, vec me menekholom, kʼ ame he ka lit ge vec; ke adre me he ka obʼ ödra ka hnyi menekholom ae khot.

Jeremia 52:3

Anyin a can hmonyin anyi Iehova adre me ânyâ ka Jerusalema me Juda ke ne o but ame digic ödra hnyi hnyimakan: ke haba Zedekia ame ûkhin fuc ka than Babulona.

Hosea 13:3

Anyin a wale adre me he ka helâ me ûlâ hnyi hnyomakatu, ke helâ me dân hau ae logot hia, ke helâ me unen hwit ame oû ang dö ûnyi hnyi hna huje hwit, ke helâ me hai ûnyi hnyi deny hai.

Levitiko 26:17

Ke oge me he ka wâ hmʼ öbun, kʼ adre me he ka hlingʼ öbun hnyi hnyimakan je iwahnaihmiony möbun: kʼ ame he ka musi öbun tavat adre me hûköti öbun; kʼ öbun e he ka kec ke ba at ame hnu öbun.

Levitiko 26:36

Ke haba je kolon gabun, me oge me he ka okûâ ot eû hnyi je hnyekudrin hnyi je hnyei iny je iwahnaihmiony mödrin: kʼ ame he hwan lan ûö ka hnu odrin; kʼ odrin e he ka kec helâ me at ame kec ge hele vat; kʼ odrin e he ka ta ke ba at ame hnu.

Numera 35:19

Ke hamen at bi hwaban komok he ka hlingâ at ûhlingö: e ka ûkhanö mê e ame he ka hlingâ.

Numera 35:21

kʼ ame ne kot e ge hnyamen hnyi hmönyin, me me mokcu: me adre he bi ka hlingâ at a ûkhulup; at ûhlingö e: kʼ ame he at a bi hwaban komok ka hlingâ at ûhlingö, e ka ûkhanö mē.

Numera 35:27

kʼ ame ne wâ e hnen at ame bi hwaban komok hnyi hoton hnyiʼ göulen tauniny lubaduöng, kʼ ame ne hlingâ at ûhlingö hnen at ame bi hwaban komok, awe, e ame ca he ka hulö ge dren:

Mataio 25:41

Ke e ame he ka ha kodra hnyi ke keihen a meny, ka habe, Ûsâkâûö but mönya, öbun tavat ae hnaûhango ka hnyi meic ame ca mok balua, waleji adre penapena hobi kö diabolo me anyin ta je angela:

Mataio 25:46

Ke haba tavat ang, me adre me he ka he ka hnyi hna bi hwaban ame ca ba balua; ke haba tavat ae wisa hwakecidra ka hnyi möt ame ca ba balua.

Deuteronomi 28:64

Ke ame he Iehova ka ovesei u ka hnyi je hnyei hia, hwân hnyi ke can hmeledrany ke ne o but ka hnyi obiny hmeledrany; ke u me he ka huliwa ka je khong ae ca khanö u, u, me lakâmâm, a utö me veto.

Deuteronomi 28:65

Ke u me ca he ka laba wia hnyi je hnyei hia eling, kʼ ame ca he ka menâ hnyeûcam: ke ame he Iehova ka ham eling köu hnyok ae öbubuny, me li ecmak ae dit, me hanu ae höcö:

II. Thesalonika. 1:9

tavat adre me he ka kap hwaban, wale hnaûhango ame ca ba balua ûnyi hnyi hnyimakan Than me hmanenanginy maniny man,