Genese 39:9 - Iaai Bible 1901 (New Caledonia)

⁹ ke ba at ae beönua huk hnyi hnyaba eang; ke e ame ca behânâ gak ke ûnyi ke u thiju, anyin a u bi âiân: oge ma hawa ka ânyâ monu e ae gan, ke kong ka Khong?

Genese 39:9 ပူးပေါင်းရင်းမြစ်များ

Genese 13:13

Ke e kong at Sodoma, ke beönua anyidra monu hnyi hnyimakö Iehova.

Genese 20:3

Ke Khong ame o but kö Abimeleke hnyi bwi hnyi hnyinghet, me ha kâu, ka habe, Wâ bi u me helâ me at ae mokcu can momo u je hom; anyin a e âiân ke at.

Genese 20:6

Me Khong ame ha kâu hnyi bwi, ka habe, Eke, e khanö nya a u je ânyâ e hnyi hnyekom ae hnathu, me oge me hom behanö u, wâ u nye kong könya: waleling mʼ oge me ca hnö u he ka kâlâ e.

Genese 20:9

Me Abimeleke ame hawo Aberahama, me ha kâu, ka habe, Ieû ang u je hia but ânyâ köhmun? ke ieû anyik monu köu, wale me u je bi jönik gan hmâ me dökhuk dökhu? u je hia but ânyâ könya ta je ûnyi a ca hnân ânyâ.

Genese 24:2

Ke Aberahama ame ha ka athnyabainy, a hingatiny hnyaba, at ame musö anyin ta je ûnyi hia, ka habe, Inâ ju hnyamâm hmelen jevak:

Genese 39:10

Ke e ame fuc kö Josefa hnyi ta je bong hia, ke e ame ca löng kâu, he ka tha mokut mē, me tha e mē.

Genese 41:40

u thibi at ame he ka hon hnyabak, kʼ u ma he ka musö ik hnyei hoton hwâm hofuc: ke theron thiju oge ma he ka beönua hom.

Genese 42:18

Ke haba hnyi bong a kuniny Josefa ame ha ködrin, ka habe, Ânyâ thʼ öbun ûnyi ang mʼ öbun e möt; anyin a iny outen Khong:

II. Samuela 11:27

Ke e a hia but tenge, me haba Davita ame ûkhûnöng he ka hom e ka hnyi umen uma, ke âiân dö e, kʼ ame hnokoâ nokon a da. Ke kong kö Iehova ûnyi eling a ânyâ Davita.

II. Samuela 12:13

Haba Davita ame ha kö Nathana, ka habe, Oge hia but ânyâ hulö kö Iehova. Ke haingö Nathana kö Davita, ka habe, Iehova ame hia but ohia minya ânyâm hulö; u me ca he ka mok.

Nehemia 5:15

Ke haba je gavena ehac, ödrin e ohmakâ tavat, kʼ ödrin e hom ûnyi gadrin jeû me waina, me fâte je sekel sileva; eke, ke lathnyabaidrin minya ödrin e muso tavat: ke oge me ca ânyâ helâe, anyin a iny outen Khong;

Nehemia 6:11

Ke haingök, ka habe, Ame he at a helâ mönya ka kec? ke ewa at ae ûcû mönya ame he ka kec ka hnyin uma kap he ka omelö e bi? Oge me ca he ka kec ka hnyin.

Jobu 31:23

Haba hlöûhiöû ûnyi ge Khong waleji hnân öbubuny könya, Ke ca khanö nya he ka ânyâ ke ûnyi ge ibeönuainy.

Salamo 51:4

Oge hia but monu köu, köu thibi, Me ânyâ ûnyi ae kong hnyi hnyimâkâm, Mʼu me he ka wisa u ka ha, Ke so hnyi hnâm hna owisa.

Esodo 20:14

U ca he ka bi ûnyi monu.

Ta je Vejec 6:29

Ke helâe at ame he ka âiân ke at; Ame ca he ka ba hwaban ka at ame kâlâ momo e.

Ta je Vejec 6:32

Ke haba at ame bi ûnyi monu me momo, e at ae ba hnyekon; E ame ânyâ ke ûnyi wale ame he ka ohia hanon bi.

At Khet 7:26

ke oge me wâ ke ûnyi ae hiny hon mok, wale momo a haba hnyekon bi me je hnewe me je ert, ke je ûnyi hnân ûce at li hnyamen: haba at ae so hnyi hnyimakan Khong, me ame he ka kec gan; ke ame he ka hnok at ae kong gan.

Jeremia 28:16

Anyin a wale, walang hna ha hnö Iehova, ka habe, Wâ bi, oge me he ka obö u ûnyi eang hmeledrany; u me he ka mok hnyi huna eang, anyin a u je hia but fuc ûkhin fuc me Iehova.

Jeremia 50:7

Ame hia but ön ödra hnen tavat hia adre me ö ʼdra: ke haingen je iwahnaihmiony mödra, ka habe, Ohmun ca kong anyin adre hia but ânyâ hulo kö Iehova, a hnyaban wisa, wale Iehova hna gejon hnen lakamödra.

Levitiko 20:10

Haba at ame bi ûnyi monu me âiân ke at, me adre me he ka tha hlingâ baga me momo, a li at bi ûnyi monu.

Levitiko 6:2

A ne ke at ame ânyâ monu, me hanyâûâ hnanyibu anyi Iehova, me iyawö ka at ame laba hakekenyâ ge ûnyi ame hna kâu he ha tuö, ame ne ge ûhihinyköu, ame ne ûnyi adre hûgûnâ, ame ne ovecâ ke at;

Numera 32:23

Ke öbun e ne ca ânyâ e, me wâ bi, öbun tavat hulö kö Iehova: ke wâhmakhmeto ju öbun, a gʼ ame he ka omanenʼ öbun ge anyibun hulö.

Luka 12:48

ke haba at ae ca khana, kʼ ame ânyâ ûnyi ae ûcû he ka kot hnyin, me ame he ka wakhalet hna kot e. Ke haba at adre me ham gânâ kâu, me adre me he bi ka elâm gânâ unyin: ke haba at adre me ip gânâ unyin, me adre me he bi ka hawâ gânâ kâu.

I. Korinito 4:2

Ke haba khaca, hamen tavat walang adre me tuö omjeû he ka ve hnathu.

Tito 2:10

ke ca hwenenöu bi, ke so adre me omanenâ but hwakecin ae hnathu me so; mʼ adre me he ka ohmanenangâ hnyi ta je ûnyi hia thithö hna ûne anyin Khong At omeli öta.

Heberu 13:4

E so e he tavat hia he ka oûnyihnathoâ hna faipoipo, me hna mokut ae ba hnyikongon: anyin ame he Khong ka ohnaûhangʼ ödra adre me bi ûnyi monu, me tavat adre me venöu âiân ke at.

I. Ioane 3:9

Ame ca ânyâ hulo at adre hnokoâ ûnyi ge Khong, anyin ame laba eû hnyi hnyekon wan gan; ke e ca khana he ka ânyâ hulo, anyin adre hnokoâ ûnyi ge Khong.

Hna Omanenâ 21:8

Ke haba tavat adre me ot, ke tavat adre me ca labageju, ke tavat ae ikiki, ke tavat ûhlingö, ke tavat bi ûnyi monu, ke tavat tren khong, ke tavat adre me hmi ka je hnatheat, ke tavat hia adre me thoi, me ame he ka hu hwajekhöûdra hnyi nem ame hiâ ge meic me teio; wale mok a loiny.

Hna Omanenâ 22:15

Eû hnyi hoton ta je kuli, me tavat tren khong, me tavat bi ûnyi monu, me tavat ûhlingö, me tavat adre me hmi ka je hnatheat, me tavat hia adre me weny me mâdrâ thoi.