Genese 39:4 - Iaai Bible 1901 (New Caledonia)

⁴ Kʼ ame betenge ga Josefa, me huliwa kâu: me e ame otilâ e he ka musö hnyaban, me hna kâu anyin ta je ûnyi hia.

Genese 39:4 ပူးပေါင်းရင်းမြစ်များ

Genese 15:2

Ke haingö Aberama, ka habe, Than Iehova lö, ie ûnyi u me he kahna könya, ke inya ang at ae ba nokon, ke haba at ame he ka hwö hwabök hnyi hnya-bak, me, Eliezera at Damaseko?

Genese 18:3

me ha, ka habe, Than lö, u ka na betenge gak, ca he but ka hnö nya a athnyabaem:

Genese 19:19

me wâ ju a hia but athnyabaem wâ ibetengiö baû hnyi hnyimâkâm, ke u je hia but ogânâ ânyâm ibetengiö, wale u je omanenâ könya me me omeli nya but; ke ca khanö nya he ka kec ka hnyi bucen, wâ e nye hom tilö nya hnen kong, mʼ iny mokcu:

Genese 24:2

Ke Aberahama ame ha ka athnyabainy, a hingatiny hnyaba, at ame musö anyin ta je ûnyi hia, ka habe, Inâ ju hnyamâm hmelen jevak:

Genese 32:5

ke e hu gak ta je kau, me asina, me je hnahat, me je athnyaba obaga, me je athnyaba omomo: ke inya oge me ûkhûnöng ka thumetu u tuhök, mʼ u ma betenge gak.

Genese 33:10

Ke haingö Jekob, ka habe, Ohe, e ba, ö u betenge gak me kap ju anyik bwihlany: anyin oge wâ hnyimâkâm, helâ me man at ame wâ hnyimakan Khong, kʼ u je kap soi nya.

Genese 33:8

Ke e ame ha, ka habe, Hawa gam ge ta je hnahat hia oge ûkhanö më? Me e ame ha, ka habe, Wale hnân elâm ibetengiö gam könya tuhök.

Genese 39:8

Ke e ame höcö, me ha ka âiân tuhan, ka habe, Wâ bi, E ca khana tuhök ta je ûnyi unyik hnyi uma; kʼ a hia but hna hia anyin ta je ûnyi könya;

I. Je Than 16:9

Ke haba Zimeri athnyabainy, taben hafiny anyin je kariota, ame sihnân: ke e bi hnyi Tireza ame ic me ka omono e bi hnyi uma umö Areza, at ame tuö hnyaban hnyi Tireza:

Esetera 2:9

Kʼ ame so hlu eling, me e ame betenge gan; ke e ame ie ham kâu ta je ûnyi hnân obosoâ, me je jekhon, me seven ta hlu adre me ûca hnân hobi kâu bi, ûnyi hnyi uma umen than: kʼ ame hna e me anyin je hlu ka hnyi dok ae so hnyi uma umen omomo.

Ta je Vejec 14:35

Ame betenge than ge athnyaba ame huliwa metâ Kʼ ame he ka hmonyin ka at ame ohmehma.

Ta je Vejec 16:7

Ame ne osenyini Iehova ge je gethen deny at Me e ame oûsoköuâ e me je iwahnaihmiöny mē.

Ta je Vejec 17:2

Ame he athnyaba ae metâ ka muso wanakat amo ohmehma, Kʼ ame he ka tha hu jekhoû unyin je liamekeiny.

Ta je Vejec 22:29

U je wâ but at ame ânyâ logotâ anyin huliwa? awe, e ame he ka tot hnyi hnyimakan je than; E ame ca he bi ka tot hnyi hnyimakan hoûmonu.

Ta je Vejec 27:18

Haba at ame tuö imeta, me ame he ka an wan; Ke haba at ame tuö tuhan, me adre me he ka ogânâ.

Ta je Vejec 3:4

Me u me he bi ka wâ ibetengiö me laba wia Hnyi hnyimakan Khong me at.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

Rutha 2:6

Me haba athnyaba a homakan tavat subö bali, ame thu, ka habe, Wale hlu Moaba a tha o me Naomi ûheny Moaba:

I. Samuela 16:22

Ke haba Saulo ame ûkhûnöng kö Jese, he ka ha, ka habe, Ama me tot Davita hnyi hnyimakök, anyin oge me betenge gan.

I. Samuela 2:26

Ke ame gan tot wanakat Samuela, ke ame betenge gan Iehova, me tavat minya.