Genese 39:3 - Iaai Bible 1901 (New Caledonia)

³ Ke a wâ but tuhan a tha Iehova mē, ke levoha ame ohnahicâ hia ta je ûnyi e ame ânyâ.

Genese 39:3 ပူးပေါင်းရင်းမြစ်များ

Genese 21:20

Ke tha e Khong me da, ke e ame hûhûö thö; ke e ame laba hnyi hnyebuba, me e at ame fana bi.

Genese 21:22

Ke haba hnyi ûen eling Abimeleke me Fikolo tuhan anyin je deö vat, ödru me ûhnenamö me Aberahama me ha, ka habe, E unyâm Khong hnyi ta je ûnyi hia u je ânyâ:

Genese 21:23

anyin a wale e so u ma khemanyinâ ien Khong könya eang, a u me ca he ka iyawö könya, me nokuk, me nokon nökuk: me u me he ka ânyâ könya, me ka hnyei u me laba kanyua hnyin, helâ me hnök hna betenge köu.

Genese 26:24

Ke Iehova ame manen dut kâu hnyi hnyinghet eling, me ha, ka habe, Inya Khongu Aberahama a kâmâm: ca ot, anyin a tha inya möu, ke oge me he ka ohnahici u, me osehia ta je mâtrânâm can athnyabaik a Aberahama.

Genese 26:28

Ke haingödrin, ka habe, Öhmun e wâ wia thö a tha Iehova möu; me haingöhmun, ka habe, ötin e he ka ve khemanyin, a öhmun möu, ke öhmun e he ka ûhihinyköu möu;

Genese 30:27

Me haingö Labana kâu, ka habe, A ne hu ânyâm ibetengiö könya, me halubahingen ju, anyin a oge me wâhmakhmetoâ a Iehova ame ohnahici nya gam.

Genese 30:30

Anyin ae wakhalet thibi gam ehac ke tiga hiö nya, kʼ ame si gan dut walang ang; ke a hia but Iehova ohnahici u hnyi je deny hia waleji oge wia kâu: ke haba walang ang, oge me he ka penapena hobi kâu anyik lap kehö?

Genese 39:2

Ke tha Iehova me Josefa, ke e at ae sot; kʼ ame laba hnyi hnyaban at Aigupito a tuhan.

Genese 39:21

Ke tha Jehova me Josefa, kʼ ame betenge gan, me okûâ he ka betenge gan hnen tuhan uma ceat.

Genese 39:23

Ke ame ca wâ tuhan uma ceat ke ûnyi unyin, anyin a tha Iehova me, ke Iehova ame ohnahicâ hnen hna ânyâ.

II. Je Than 18:7

Ke haba Iehova ame tha e mē; haba hnyi je dok hia e ame he ka hnyin e ame hnahic, ke e ame hota degecâ than Asuria, me ca bi athnyabainy.

I. Man Ûlabainy Je Than. 22:13

Me u me he ka hnahic u je ne kong hnyekunâ he ka ânyâ je hna otilâ me je hna owisa waleji a hûna Iehova kö Mose ge at Isaraela: hwege thö, me hnyok baga but; ca ot bi me öbubuny.

I. Man Ûlabainy Je Than. 9:20

ke Fineasa nöku Eleazara at ame musi ödrin ehac, ke tha Iehova mê.

II. Man Ûlabainy Je Than. 1:1

KE adre me ohwegiö Solomona nöku Davita hnyi dokhon dokhu, ke tha Iehova a Khongon mē, kʼ ame ogânâ e.

II. Man Ûlabainy Je Than. 26:5

Ke e ame penapena hnyekon he ka elâm Khong hnyi je bong bongu Zakaria, at a hu metâ hnyi je hna omanenâ hnen Khong: ke haba hnyi ta je bong e ame elöm Iehova me haba Khong ame ohnahicâ e.

Nehemia 2:20

Me oge me thu ködrin, me ha, ka habe, Ame he Khongon drany ka ohnahici ohmun; anyin a wale ohmun e he, a lathnyabainy, ka todrö me op: ke ba jekhöûbun, me musi, me hnân oûnykûmeâ hnyi Jerusalema.

Salamo 1:3

Me e ame he ka ûcû me ûö adre ta hnyi i baten ta je wagewe, Kʼ ame wa but wan hnyi huna, Kʼ ame ca meleca thö lan; Kʼ ame he bi ka hnahic ta je ûnyi hia e ame ânyâ.

Zakaria 8:23

Walang hna ha hnö Iehova tuhan sabaoth, ka habe, Hnyi je bong eling, me ame he hnyat a ten ka kât obiny ûkhaû anyin at Juda, walödrin hnyi ta je hwen hnyei hia, me ha, ka habe, Ohmun e he ka tha he möbun, anyin ae khanʼ ohmun dut a e unyibun Khong.

Mataio 5:16

Helâ ju e öbun, omelamâ thö melamibun hnyi hnyimakan tavat, mʼ adre me wâ anyibun ta je huliwa ae so, mʼ adre me he ka ogânâ Kamöbun ethö hnyi drany.

I. Korinito 16:2

Hnyi bong a bâniny seven e so öbun e ve ip unyibun bi helâ me hna ve hu, me me ba ûhnöhnö iny ka o thö.

Deuteronomi 2:7

Anyin a Iehova Khongom ame hia but ohnahici u hnyi ta je huliwa hia anyin li hnyamâm: e ame wâhmakhmeto hnâm hna vheno hnyebuba eang ae gan: kʼ ame tha e mou Iehova Khongom hnyi ta je huna a fâte; ke ba ke ûnyi a hia gam.

Josua 1:9

Hawa, oge ca hûna köu? Hwege thö, ke hnyok baga but; ca ot, ke ca öbubuny bi, anyin a e bi unyâm Iehova Khongom hnyi je dok u me be ka hnyin.

Hna Omanenâ 3:9

Wâ bi, oge me he ka ham keihen hanen sunago anyi Satana, wale a tavat adre me ha, ka habe, Ödra tavat Juda, ke ba bi, kʼ adre me thoi; wâ bi, oge me he ka wiʼ ödra, mʼ adre me he but jem he ka khudrung hnyi hmelen li cam, ke adre me he ka khana a oge me hia but betenge gam.

I. Samuela 18:14

Ke Davita ame ânyâ metâ hnyi ta je hwakecin; ke e bi Iehova unyin.

I. Samuela 18:28

Ke a wâ but Saulo, me wâhmakhmeto a e bi Iehova unyi Davita; ke haba Mikala hlu nöku Saulo ame betenge kâu.

I. Samuela 3:19

Ke ame gan tot Samuela, ke tha Iehova mê, ke e ame ca hna he ka kolu ka hnyi kânâ khaca hnyi hwan je hofuc.