Genese 38:24 - Iaai Bible 1901 (New Caledonia)

²⁴ Ke helâke kun ta tehi adre me thumetu Juda, ka habe, a hia but bi ûnyi monu Tamara a ûngom; ke wâ bi, a erkin dut hnyi hnen hna bi unyi monu. Ke haingö Juda, ka habe, Hom but, mʼ adre me he ka thong degecâ.

Genese 38:24 ပူးပေါင်းရင်းမြစ်များ

Genese 20:3

Ke Khong ame o but kö Abimeleke hnyi bwi hnyi hnyinghet, me ha kâu, ka habe, Wâ bi u me helâ me at ae mokcu can momo u je hom; anyin a e âiân ke at.

Genese 20:7

Anyin a wale, he thö u ka hna hmetu momo ka âiân: anyin a e perofeta, kʼ ame he ka hic hobi köu, me u me he ka möt: ke u je ne ca he ka hna hmetu, wâhmakhmeto ju a u me he ka mokcu, u bi, me je waem hia.

Genese 20:9

Me Abimeleke ame hawo Aberahama, me ha kâu, ka habe, Ieû ang u je hia but ânyâ köhmun? ke ieû anyik monu köu, wale me u je bi jönik gan hmâ me dökhuk dökhu? u je hia but ânyâ könya ta je ûnyi a ca hnân ânyâ.

Genese 34:31

Ke ödru me thu, ka habe, Hawa, hamen he ka ânyâ ka hanihmum helâ me momo hnyi gethen.

Genese 38:23

Ke Juda ame ha, ka habe, Hnen ju unyin momo, wâ adre nye hlumʼ ötu: wâ bi oge hia but kunâ got ang, kʼ u je ca wâ momo.

II. Samuela 12:5

Me ame ûbahlâ gan hmâ hmonyin anyi Davita ka at; ke e ame ha kö Nathana, ka habe, Kia inya Iehova, ae ûcû he ka mok at ame ânyâ helâe:

II. Samuela 12:7

Haba Nathana ame ha kö Davita, ka habe, U at eling, Walang hna ha hnö Iehova, Khongu Isaraela, ka habe, Oge hû u hnân thaniny Isaraela, ke oge omeli u ûnyi hnyi hnyamö Saulo;

At Khet 7:26

ke oge me wâ ke ûnyi ae hiny hon mok, wale momo a haba hnyekon bi me je hnewe me je ert, ke je ûnyi hnân ûce at li hnyamen: haba at ae so hnyi hnyimakan Khong, me ame he ka kec gan; ke ame he ka hnok at ae kong gan.

Jeremia 2:20

Anyin a hwân ehac oge hia but thu degecâ ânyâm hna ûhûkâlâköuâ, me thamuâ hna cö u; ke haingâm, ka habe, Oge me ca he ka bi athnyaba; anyin a u me mokut hon je bucen hia ae beû, ke hmelen je ûö hia ae hât, he ka bi ûnyi monu.

Jeremia 3:1

HAINGODRA, ka habe, A ne ke at ame degec âiân, ke ame he gan me ame âiân ke baga bi, hawa, e ame be ka hmetu ka momo? Ame ca he ka ti kong hnyei eling? Ke u je hia but bi ûnyi monu me tavat ae se hia; ke so bi, hmetu ju könya, haingö Iehova.

Jeremia 3:6

Ke haba Iehova ame ha könya hnyi je bong bongu Josea than, ka habe, Hawa, u je wâ but hnö Isaraela, at ame labö kolu, hna ânyâ? E ame ölö ka hnyi je bucen hia ae beû goranyai ke he hmelen je ûö hia ae hât, me bi ûnyi monu eling.

Jeremia 3:8

Ke oge me wâ but, anyin a hnyi hna bi ûnyi monu hnö Isaraela, at ame labö kolu, me oge me degec e, me ham kâu tusiny thang hna faipoipo, ke so bi, ame ca ot bi Juda at iyawo a liamekeiny më; ke e ame he minya bi, me bi ûnyi monu.

Ezekiela 16:15

Ke u je gejon ânyâm hmanenang, me bi ûnyi monu ge ânyâm lung, me hingâlâ ânyâm je bi ûnyi monu kodra hia adre me gethen unyâm; ka anyin dut.

Ezekiela 16:25

U je hia but op ânyâm je dok ae gorany, hnyi je hna saû hia, me oikikiâ ânyâm hmanenang, ke u je öûsakâûöâ li hnyeûcam ka tavat adre me gethen unyâm, me osehia hnâm hna bi ûnyi monu.

Ezekiela 16:26

Ke u je hia but bi ûnyi monu me tavat Aigupito, tavat adre me laba hakekenyi u, tavat ae gan hmaidro; ke u je hia but osehia hnâm je hna bi ûnyi monu, me ohmö-nyini nya.

Ezekiela 16:28

U je hia but minya bi ûnyi monu me at Asuria, anyin a u me ca hmâ; eke, u je hia but bi ûnyi monu mödra, ke so bi u je ca sekon bi.

Ezekiela 16:41

Ke adre me he ka thong degecâ umâm je uma ge meic, me bi hwaban köu hnyi hnyimakan omomo ae se hia; kʼ oge me he ka thao u mʼ u me ca he hmetu ka bi ûnyi monu, ke u me ca he hmetu ka hawâ at ge hwaban.

Ezekiela 23:19

Ke e ame osehia hnen hna bi ûnyi monu, ame ûnykûme je bonginy anyin hlu, waleji e ame bi ûnyi monu hnyi hnyei Aigupito.

Ezekiela 23:44

Ke ödrin e he kâu helâ me ûhedra ka momo hnyi gethen: helâe ödrin e he kö Ahola me Aholiba, li at ae ikiki hwakecidru.

Ezekiela 23:5

Ke tiga anyik momo Ahola, me e ame bi ûnyi monu; kʼ ame betenge ge je laweny, a at Asuria, tavat adre me laba hakekenyâ,

Hosea 2:5

Anyin a hiny-ödrin ame bi ûnyi monu: momo a hnöku ödrin ame ânyâ ûnyi hnân hmehma; anyin a haingen, ka habe, Oge me he ka hnu hoton lawek, tavat adre me ha ök, me belik köiö, me leûnen mamoe,, me lino, me wakaco, me belik.

Hosea 3:3

me haingök ka momo, ka habe, U me he ka laba halubahing nya hnyi ta je bong ae se hia; u ma ca he ka bi ûnyi monu, ke u me ca he ka âiân ke baga bi: me oge me he bi nya ka helâe köu.

Hosea 4:15

Isaraela lö, eja ke ne u je ne bi ûnyi monu, ke so u Juda ame ca he bi ka monu; ke ca he öbun Gilegala ai, ke ca he Beth-aven ai, ke ca khemanyin bi, ka habe, Kia inya Iehova.

Levitiko 20:10

Haba at ame bi ûnyi monu me âiân ke at, me adre me he ka tha hlingâ baga me momo, a li at bi ûnyi monu.

Levitiko 21:9

Ke e ka he nokon at bihut a hlu ka okongoâ e bi, ame bi ûnyi monu, me e ame okongoâ kamen: kʼ adre me he ka thong degecâ e ge meic.

Roma 14:22

Haba ânyâm labageju, me so e me ka hu bi gam hnyi hnyimakan Khong. Hnahic hnen at ame ca ka hangâ e bi hnyi ûnyi e ame haisoâ.

Deuteronomi 24:16

Adre me ca he ka hlingâ je kamen can je nokon, kʼ adre me ca he ka hlingâ je nokon can je kamen: kʼ adre me he ka ve hlingâ at can anyin hulö bi.

Owisa 19:2

Ke ame bi unyi monu anyin momo, me kec gan ka hnyi hnyaban kamen hnyi Bethe-leema-juda, me e ame laba eling vak ta tehi.