Genese 37:8 - Iaai Bible 1901 (New Caledonia)

⁸ Me haingen je latuhan kâu, ka habe, Hee u me he ka than huhmun? ke u me he ka musi öhmun? Ke odrin e hûkötiâ hmönyinâ e can je bwiny, ke hwan je hofuc.

Genese 37:8 ပူးပေါင်းရင်းမြစ်များ

Genese 27:41

Ke Esau ame hûkötö ga Jekob, can hnahic a ham kâu kamen: ke haingö Esau eû hnyi hnyekon, ka habe, E hakekeny jut ûen ka hnyamoki Cica, me oge me he ka hlingö Jekob a keik.

Genese 37:4

Ke a wâ but je latuhan a gʼ ame betenge gan hnen kamö-drin hon je latuhan hia; mʼ ödrin e hukötiâ e, me ca ûhnenamö so më.

Genese 37:9

Ke e ame bo hmetu ke bwi, me ha e ka je latuhan, ka habe, Wâ bi, oge bo hmetu ke bwi; ke wâ bi, ame khudrung könya seûnö me tehi me je okhû a libenyita me nua khaca.

Genese 42:10

Kʼ ödrin e thu kâu, ka habe, Than lö, e ba, kʼ ame o but lathnyabaem he ka ûcû jeû.

Genese 44:18

Me haba Juda ame hakekeny kâu, me ha, ka habe, Than lö, ö u hnö nya a athnyabaem he ka ha ong hofuc ka hnyi li hnyikönyen than, ke ca he ânyam hmönyin ka palulu ka athnyabaem: anyin a u ûcû me Farao.

Genese 49:26

Haba je hnahic hna ha hnen kâmâm, me, gan hmâ Hon je hna hahnahicâ hnen je lakamök Ke ne o but ka hnyi hnyigöulen je bucen nyiele balua: Ame he ka ta hon bö Josefa, Wanben bân at waleji adre oûsakâûâ me je liamekeiny më.

Genese 50:18

Kʼ ame he minya je liamekeiny më me ta ju hnyi hnyimakan, me ha, ka habe, Wâ bi öhmun je athnyabaem.

Salamo 118:22

Haba veto waleji a degec hnen tavat up uma, Wale thibi e hnân ban bahebet.

Esodo 2:14

Ke ame thu, ka habe, Ia otilö u hnân than me at owisa unyihmun? u me ûnykûme he ka hlingö nya heli me hnâm hna hlingâ at Aigupito? Ke Mose, ame ot, me habe, E hnatbu e manen dut ûnyi eling.

Luka 19:14

Ke ame hociâ e hnen aten iny hnyei, ke adre me kunâ ûthumetu he ka wadring hoton he ka ha, ka habe, E ca wehmun me me musi ohmun at ang.

Luka 20:17

Me e ame ö ʼdrin me ha, ka habe, Ieû hna sihnalimen, ka habe, Haba veto ame degec hnen tavat hötilö uma, Adre hia but ânyâ hnân ban hon bahebet?

Ta je huliwa 7:35

Wale Mose at ame hmiʼ ödra me ha kâu, ka habe, Ia otilö u he ka musi me owisa? wale Khong ame kunâ hnân at musi me at ûhomeli ge hnyamen angela wale a manen kâu hnyi ong ûö.

Deuteronomi 33:16

Me ta je ûnyi ae ûnyi hnathuiny kânâ, me unöngötiny, Me ibetengiö anyin at waleji ame laba hnyi ûö ae ûdedö: E so e o hnahic ka hnyi hon bö Josefa, Ke hon wanben ban at waleji adre ûsâkâûöâ me je liamekeiny mē.

Heberu 10:29

hawa, öbun e ûnykûme ae ca ûcû bi hwaban ae gan hmâ hon e ka at ame uto hnyikânâi Nokon Khong, me ûnykûme a ûnyi ae ca kap dren ûhihinyköu hnân okabâ e, me okongoâ Hanon ibetengiö baû?

I. Samuela 10:27

Ke ame ha ke je laku Belial, ka habe, Ame he ka kâmâu hna omeli otin at eji? Me ödrin e hûkötiâ e, ke ödrin e ca hom kâu je bwihlany. Ke e bi ame laba hnyibû.

I. Samuela 17:28

Ke haba Eliaba a tuhan ame long hnyi ûen e ame ûhnenamö me tavat; kʼ ame ubâhlâ hmonyin anyi Eliaba kö Davita me e ame ha, ka habe, U je o eang kâ ieû? me u je hna kö ia je ong mamoe hnyi hnyebuba? Oge me wâ bi gan gam, me hnyekom ae monu; anyin a u je he jem he ka hnyi wâ vat.

I. Samuela 18:8

Ke Saulo ame hmonyin gan hmâ, ke kong kâu hofuc eling; ke haingen, ka habe, Ödrin e hna je ten thauzen kö Davita, ke ödrin e hna könya je thauzan thibi: awe, ieû hmetu bi, ama hobi kâu but dökhu?