Genese 37:4 - Iaai Bible 1901 (New Caledonia)

⁴ Ke a wâ but je latuhan a gʼ ame betenge gan hnen kamö-drin hon je latuhan hia; mʼ ödrin e hukötiâ e, me ca ûhnenamö so më.

Genese 37:4 ပူးပေါင်းရင်းမြစ်များ

Genese 27:41

Ke Esau ame hûkötö ga Jekob, can hnahic a ham kâu kamen: ke haingö Esau eû hnyi hnyekon, ka habe, E hakekeny jut ûen ka hnyamoki Cica, me oge me he ka hlingö Jekob a keik.

Genese 37:11

Ke ame hmönyin kâu latuhan; ke haba kamen ame ip ûnyi e hnyi ûnykûmânen.

Genese 37:5

Ke Josefa ame bo ke bwi, me e ame thumeto latuhan; me ödrin e hûkötiâ hmönyinâ e.

Genese 4:5

kʼ ame ca oûnyihnathu Kaina me anyin hut. Me Kaina ame hmönyin gan hmâ, me khöt ut hnyimakan.

Genese 49:23

Adre ti ovecâ hnen tavat fana Me fana kâu, me okongoâ:

Salamo 38:19

Ke ame tot je iwahnaihmiony mönya, kʼ ödra hwege: Ke se hia tavat adre me hûkhötiö nya baûö nya.

Salamo 69:4

Ödra se hia but hon leûnen bok tavat adre me hmiödra inya ke ba can: E hwege tavat adre me behlingö nya, wale je iwahnaihmiony mönya ge can ae ca hnathu: Waleling mʼ oge me ham hmetu ûnyi oge me ca hûgûnâ.

Jeremia 12:6

Anyin a hia but iyawo u hnen je liamekeiny möu, ke hnen minya lap anyin kâmâm; ke adre me hao u hwegiö u: eja ke ne adre ne ha so köu, ca kop ödra bi.

Mareko 3:25

Ke a ne imouköu ke lap a je liamekeiny, me ca khana lap eling he ka tethmâ.

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.

I. Ioane 2:11

Ke haba at ame hûkotiâ liamekeiny më, e bala hnyi lit, kʼ ame he hnyi lit, ke ca khana hnen hna he ka hnyin, anyin ame owadruâ li emakan hnen lit.

I. Ioane 3:10

Ûnyi hnyi e, me manen dut lakon Khong me lakon diabolo: anyin a ca ûnyi ge Khong at ame ca ânyâ hwakecin ae wisa, me at minya ame ca betenge me liamekeiny më.

I. Ioane 3:12

ca helâ me Kaina, a ûnyi ge at ae kong, kʼ ame hlingâ keiny. Ke can ieû e ame hlingâ e? Can ae kong anyin bi ta je huliwa, ke wisa bi ta je huliwa anyin keiny.

I. Ioane 4:20

E ka ha hnen ke at, ka habe, Oge me hnyokâ Khong, kʼ ame hûkotiâ liamekeiny më, me at thoi bi: anyin a haba at ame ca betenge ka liamekeiny më, ame wâ, me ca khana he ka hnyokâ Khong, ame ca wâ.

I. Samuela 17:28

Ke haba Eliaba a tuhan ame long hnyi ûen e ame ûhnenamö me tavat; kʼ ame ubâhlâ hmonyin anyi Eliaba kö Davita me e ame ha, ka habe, U je o eang kâ ieû? me u je hna kö ia je ong mamoe hnyi hnyebuba? Oge me wâ bi gan gam, me hnyekom ae monu; anyin a u je he jem he ka hnyi wâ vat.