Genese 37:34 - Iaai Bible 1901 (New Caledonia)

³⁴ Ke Jekob ame kia anyin je ûkhaû, me khavâ mano ae gan nân me tenge can nokon, ae se hia je bong.

Genese 37:34 ပူးပေါင်းရင်းမြစ်များ

Genese 37:29

Ke Reubena ame hmetu ka hnyi hmonop, ke wâ bi, e hiö Josefa but eû hnyin hmonop; me e ame kia je ûkhaûen.

Genese 42:38

Ke e ame ha, ka habe, Ame ca he nökuk ka tha he möbun; anyin a mokcu keiny, ke hake biju e: ke a ne o but kong kâu eû hnyi gethen öbun e he, me öbun e he ka otengiö nya kʼ iny hûen dut ke ne o but ka hnyi erkemok.

Genese 44:13

Me ödrin e kia anyidrin je ûkhaû me ve ip hmetu je hok hnyi haledrin je asina, me hmetu ka hnyi taun.

II. Samuela 1:11

Ke Davita ame kât anyin je ûkhaû, me kia, ke helâe minya tavat hia unyin:

II. Samuela 3:31

Ke haba Davita ame ha kö Joab, me tavat hia unyin ka habe, Kia but anyibun je ûkhaû, me weikâ ec mano ae gan nân, me tengiö Abinera. Ke haba Davita a than ame he hoton taben komok.

I. Je Than 20:31

Haba lathnyabainy ödrin e ha kâu, ka habe, Wâ bi ohmun e long ut a je than ae betenge je thaniny lap anyi Isaraela; Ö u hnʼ ohmun he ka khavâ je ecmano ae gan nân hnyi je hnyihmun, me je tö ae gan kahmen hon je hohmun, me he ka than Isaraela: ame ne he ka omeli u.

I. Je Than 21:27

Ke a long ut Ahaba ta je hofuc eling, me e ame kia anyin ûkhaû, me khavâ ecmano ae gan nân, kʼ ame ca han, kʼame mokulec ec mano ae gan nân, me he menyöng.

II. Je Than 19:1

Kʼ a long ut Hezekia than, me e ame kia anyin je ûkhaû, me khavâ mano ae gan nân, me he ka hnyi uma umo Iehova.

II. Je Than 2:12

Ke haba Elisaia ame wâ e, me e ame hongot, ka habe, Cica, cica, je kariota anyin at Isaraela me aten tabô hors! Ke ame ca wâ hmetu bi e: me ame kât anyin bi je ûkhaû me kia luâ.

II. Je Than 22:11

Ke a long ut than ta je hofuc hnyi tusiny hnanyibu, me e ame kia anyin je ûkhaû.

I. Man Ûlabainy Je Than. 21:16

Ke Davita ame bwele goranyai me wâ angela anyi Iehova ame tot hnyi wanben hmeledrany me drany, ke e hnyi hnyamen hele vat adre oc me hai hon Jerusalem. Me ame ta hnyikânâi Davita me wahingat kʼ ödrin e khavâ mano ae gan nân.

I. Man Ûlabainy Je Than. 7:22

Ke ame tenge gadru Eferaima a kamödru hnyi je bong ae se, ke ame o but je liamakeiny mē he ka otubwelâ e.

Nehemia 9:1

KE haba hnyi bong a twente foainy tehi ang ame ûkhacaköu thö lakon Isaraela me ca han, me mano ae gan nân, me konâm je bodrin ge kânâ.

Jobu 1:20

Haba Jobu ame todrö me kia but anyin ûkhaû, me giâ ban, me ta ju hnyikânâi me khudrung;

Jobu 16:15

Oge hia but tibet hon unyik mano ae gan nân, Ke oge hia but ip anyik faoiny meno eû hnyi kânâ.

Jobu 2:12

Ke tiga sâkâû me ödrin e wâ, ke ödrin e ca wâhmakhmeto e bi, me ödrin e tenge hwege goranyai; ke ödrin e ve kia anyidrin je ûkhaû, me iâ kânâ ka hnyi hon je bodrin.

Salamo 69:11

Hnyi ûen oge me khavâ ûkhaû ae gan nân, Me adre me wiö nya bi hnân taben ûhiö kodra.

Isaia 32:11

Öbun je momo adre me laba wia lö, öbubuny ju; tavat adre me laba monu lö, ot ju: uny jut me me ba ûkhaû, ke hûkölö hnamejibun ju mano ae gan nân.

Isaia 36:22

Me haba Eliakima nöku Hilekia at ame muso hnyaba, me Sebena at sihnalimen, me Joa nöku Asafa at oûnykûmeâ, me ödrin e he kö Hezekia me je ûkhaû adre kia, me thumeto e ge je hofuc ho Rabesake.

Jeremia 36:24

Ke ödrin e ca ot bi, me kia anyidrin je ûkhaû, wale than me je athnyabainy hia, tavat ödrin e löng ta je hofuc hia eling.

Jeremia 48:37

Ke hadreû je hodra hia, ke adre giâ je waidra hia: e hu hwadeny hna kave hon je hnyam hia, ke ecmano ae gan nân hon je nyidra.

Joela 2:13

kia but je hnyekubun, ke ca kia je ûkhaû bi, me hwio thö kö Iehova Khongubun: anyin a e at ame betenge baû, ke betenge vec, ke bec he ka hmonyin, ke gan hmâ anyin ibetengiö, kʼ ame ka ietra hulo.

Mataio 11:21

Ekölö gam Korazin! ekölö gam Bethesaida! anyin adre ne ânyâ hnyi Turo me Sidona ta je huliwa ae man adre ânyâ unyibun, adre me ne hia but ietra me ecmano ae gan nân me hnabadröu.

Mataio 26:65

Me haba at bihut ae nua ame kia anyin je ûkhaû, me ha, ka habe, E ame hia but fuc bigan ka Khong: ke hnân eû hmetu a gʼ ame he ke at ka ohnatho? wâ bi, öbun e hia but long walang ang hofuc bigan:

Ta je huliwa 14:14

A long ut li aposetolo wale Banaba me Paulo, me ödru me kia but anyidru li ûkhaû, me wadring ka hnyi wanben tavat ae se hia, me fuc hwege,

Josua 7:6

Ke haba Josua ame kia anyin je ûkhaû, me ta but hnyikânâi hnyi hnyimakan tang anyi Iehova ke ne o but sahac, a e me wahingatiny Isaraela; ke ödrin e ip dröu hon je bodrin.

Hna Omanenâ 11:3

Ke oge me he ka hna ka li at ohnathu nya he ka perofeta hnyi ta je bong a wan thauzan tu haded ke sikste, adre khaû ödru ge mano ae gan nân.

Owisa 11:35

Ke e ame wâ e, me e ame kia anyin ûkhaû, me ha, ka habe, Ekölö ge nokuk! u je hia but ohmakâ hnyekuk, ke iny vec ut gam: anyin a oge hia but fuc kö Iehova, ke ca khanö nya bi he ka hmetu.