Genese 32:7 - Iaai Bible 1901 (New Caledonia)

⁷ Me Jekob ame ot gan hmâ me hmak hnyekon: me e ame khenâ luâ tavat unyin, me ta je mamoe, me kâu, me kamela;

Genese 32:7 ပူးပေါင်းရင်းမြစ်များ

Genese 32:11

Ö u, omeli nya ûnyi hnyi hnyamen tuhök Esau: anyin oge me outen e, wâ e nye o but ka kuc nya, tha inya me ta momo me lakudrin.

Genese 32:3

Ke Jekob ame kunâ bânâ anyin je metâ kö Esau a tuhan hnyi hnyei Seira, wale atkânâ hnyi Edoma.

Genese 32:8

ke haingen, ka habe, A ne iouny Esau me ke bunyen me kucʼ ödra, me ame he ka möt biju ke bunyen.

Genese 33:1

KE Jekob ame bwele me wâ, ke wâ bi, Esau ame he jem me tavat a vak ta haded. Me e ame khenâ but je wanakat kö Lea, me Rakela, me li athnyaba a li momo.

Genese 35:3

kʼ ate me tot me he thö Bethela ai; kʼ oge me he ka otilâ taben hut eling ka Khong, at ame ling nya hnyi bong oge me vec hnyin, me tha e mönya eû hnyi gethen oge me he hnyin.

Salamo 107:6

Me adre me tenge kö Iehova hnyi anyidra hloûhloû, Me e ame omeli ödra ûnyi hnyi anyidra ta je vec.

Salamo 112:5

Hnahic hnen at ame menyik, me mē ham; E ame he ka tuö anyin te je ûnyi hnyi hna owisa.

Salamo 142:4

Wâ ju hnyi ke keihök a metök, me wâ; anyin ae ba at ae khana inya: E ba but hnyeutök; ke ba at ame ûnykûme hanuk.

Salamo 31:13

Anyin oge hia but long hna bifuco hnen tavat ae se, Kʼ adre me öbubuny hnyi je ke keihen hia: Ke adre me tiga tha fakatau nya, Me adre me sihnök he ka ohia anyik möt.

Salamo 61:2

Oge me he ka hongot köu ûnyi hnyi can hmeledrany, e ka hloûhloû hnyekuk: Lili nya ju ka hnyi kic gorany hok.

Esodo 14:10

Ke Farao ame hakekenyâ, me lakon Isaraela adre me wâ, ke wâ bi ame hnu hotudra at Aigupito; kʼ adre me ot gan hmâ: ke lakon Isaraela adre me tenge kö Iehova.

Ta je Vejec 2:11

Ame he ka ō u hnen ûnykûme, Kʼ ame he ka tuö u hnen wâ ûnykûme:

Isaia 28:26

Anyin a Khongon ame ometâ e hoton wisa, me nâ e.

Mataio 10:16

Wâ bi, inya oge me kunʼ öbun helâ me ta je mamoe hnyi wanben ta je luko: anyin a wale metâ but öbun helâ me ta je on, me menyik helâ me ta je biny.

Mataio 8:26

Me e ame ha ködrin, ka habe, Ieû gabun öbun e ot hnyat labageju ûhnyûkong? Me e ame todrö, me thawâ ang me köiö; me ame ta but hau ae gan hmâ.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Ta je huliwa 14:22

ödru me ohmâ je hnyekon laten, me sihwegi ödra he ka tethmâ hnyi labageju, me ha, ka habe, hamöta he ka dit ka hnyi dokhu dokhon Khong deny ta je vec ae se hia.

II. Korinito 1:4

at ame okahwʼ öhmun hnyi anyihmun je vec hia, me me khanʼ öhmun dut he ka okahwʼ ödra adre me vec, ge kahwa ame okahwʼ öhmun kâu hnen Khong.

II. Timoteo 3:12

Eke, ke adre me he ka oveci ödra hia tavat adre me weny he ka laba me hwakecin ae ûcû me Khong unyin Keriso Iesu.