Genese 32:31 - Iaai Bible 1901 (New Caledonia)

³¹ Ke ame o thö seûnö hon hnyi ûen e ame he hanyâûâ Penuela, ke e ame he hwali ge jevan.

Genese 32:31 ပူးပေါင်းရင်းမြစ်များ

Genese 16:13

Haba momo ame hwenyi iö Iehova at ame fuc kâu, ka habe, U thibi Khong at ame wâ: anyin a haingen, ka habe, Hawa oge hap wâ ju ang at ame ö nya?

Genese 19:15

Ke ame o thö hnyomakatu, me haba li angela Ödru me sihwegiö Lota, ka habe, Todrö hom dö âiâm, me lakom li hlu eang; wâ u nye hmunyi mokcu, at ka he ka bi hwaban ka hnyei.

Genese 19:23

Ame görany dö seûnö hon hnyei ke Lota ame o thö Zoara.

Genese 32:25

Ke a löng ut a e ca hwege hmetu hon, me e ame kâlâ jebalainon; me ame nik dö jebailainou Jekob kʼ ame tiga ûsöu më.

Genese 32:32

Waleling me me ca han hnen lakon Isaraela ta je toiny fetrin hnyi jevan ke ne o but hnyi bong ang, anyin e ame kâlâ jebalainon ca Jekob huyi töiny fetriny.

I. Je Than 12:25

Ke haba hnyi ûen e Jeroboama ame op Sekema hnyi hnyei ae hut hnyi Eferaima, me laba eling: ke e ame he ûheny e me op Penuela.

I. Je Than 18:26

Ke ödrin e hom bolok adre ham ködrin, me penapena, me hawâ iö Baala hwân hnyi hnyomakatu ke ne o but jebigö, me ha, ka habe, Baala lö, long ju kohmun. Ke ba hwan, me ba at ame thu. Me ödrin e gâ hon taben hut adre hia but ânyâ.

Salamo 38:17

Anyin a helâke oge me he ka ta but eâu, Ke haba anyik hloûhloû ka e bala bi hnyi hnyimakök.

Esodo 24:10

ke odrin e wa Khongon at Isaraela; ke eû hnyi hmelen li can helâ me dek veto a safairo, ke helâ me drany ae alai.

Esodo 24:11

Ke e ame ca ip hnyamen hon je thaniny lakon Isaraela: kʼ odrin e wâ Khong me han me ic.

Isaia 6:5

Me oge me ha, ka habe, Ekölö gak! anyin oge ngâ but; anyin a inya at ae kong esongodiny, ke inya oge me laba unyin tavat ae kong je esongodidra: anyin a li emakök ame wâ Than, a Iehova tuhan sabaoth.

Malaki 4:2

Ke haba öbun tavat öbun e outen iök, me ame he ka o köbun seûnöiny hwakecin ae wisa, me ûnyi hnân ometo hnyi li labenyin; ke öbun e he ka he but me ututut helâ me nokon kau ûheny hnyi haginy.

II. Korinito 12:7

Ke wâ adre nye ogoranyi nya bi hnen nuainy ta je ûthumetu, me adre ham könya ûdöiny unyin, wale hna ûkhûnöng hno Satana he ka kulup nya, me inye ca ti görany bi.

II. Korinito 12:9

Ke e ame ha könya, ka habe, E ûcû köu anyik ibetengiö baû: anyin adre obekhötâ manik man hnyi sēnyin. Anyin a wale oge me sēnyin gan hmâ he ka hobeluâ hnyi anyik je sënyin, me me tubi nya hnen man manin Keriso.

Deuteronomi 5:24

ke öbun e ha, ka habe, Wâ bi, Iehova Khonguta ame omanenâ köta hmanenanginy me ûganiny, kʼ ate me hia but löng hwan ame fuc ûnyi hnyi wanben meic: ate me wâhmakhmeto but hnyi bong ang a Iehova ame ûhnenamö me at, kʼ ame möt bi.

Deuteronomi 5:26

Anyin a ewa at unyin tavat hia ame löng hwan Khong ae möt ame fuc hnyin meic helâ me hnöhmun hna löng, kʼ ame möt bi?

Owisa 6:22

Ke Gideona ame wâ a angela anyi Iehova; me haingö Gideona, ka habe, Ekölö Iehova Khong! anyin oge iohnyimak me angela anyi Iehova.

Owisa 6:23

Me Iehova ame ha kâu, ka habe, E so e hu gam hnahic; ca ot bi: u me ca he ka mok.

Owisa 8:8

Ke e ame he ûheny e Penuela ai, me ha helâe hodrin: me ame thu kâu at Penuela helâ me hna thu ge at Sukotha.