Genese 32:30 - Iaai Bible 1901 (New Caledonia)

³⁰ Ke Jekob ame hwenyi ien dok e Peniela, haingen, anyin a oge iohnyimak me Khong, kʼ iny möt bi.

Genese 32:30 ပူးပေါင်းရင်းမြစ်များ

Genese 16:13

Haba momo ame hwenyi iö Iehova at ame fuc kâu, ka habe, U thibi Khong at ame wâ: anyin a haingen, ka habe, Hawa oge hap wâ ju ang at ame ö nya?

Genese 28:19

Ke e ame hwenyi ien dok e, me, Bethela: ke Luza ien hnyei e a bân.

Genese 35:9

Ke Khong ame manen hmetu kö Jekob, hnyi ûen e ame he ûheny Padanarama, me hahnahicâ e.

I. Je Than 12:25

Ke haba hnyi ûen e Jeroboama ame op Sekema hnyi hnyei ae hut hnyi Eferaima, me laba eling: ke e ame he ûheny e me op Penuela.

Esodo 33:14

Ke e ame ha, ka habe, Ötu tha he, ke oge me he ka omeno u.

Isaia 6:5

Me oge me ha, ka habe, Ekölö gak! anyin oge ngâ but; anyin a inya at ae kong esongodiny, ke inya oge me laba unyin tavat ae kong je esongodidra: anyin a li emakök ame wâ Than, a Iehova tuhan sabaoth.

Isaia 9:5

Anyin a haba je omjehen vat hia anyin tavat penapena hnân vat, ke je ûkhaû adre me kina hnyin dra, me adre me he ka ip hnân thong, ke hnân hlogon meic.

Numera 12:8

me oge me he ka ûcû hnyem mē me ha manenâ, ke ca hnyi je hofuc ae lit; ke e ame he ka wâ unyu Iehova: ke ieû gabu a öbu ca ot he ka fuc ga Mose a athnyabaik

Ioane 1:18

E ba at ame wâ Khong; kʼ ame omanenâ e hnen Nokon a khaca thibi, wale at hnyi ûlainy Kamen.

I. Korinito 13:12

Anyin a walang ang ate me bwele hnyi uselat ae hûkehmuen; ke haba nyiele, me ûhnyimakötaköu: walang ang e khanö nya thibi hanen; ke nyiele oge me he ka wâhmakhmeto helâ me hnödra hna hia but wâhmakhmetu nya.

II. Korinito 3:18

Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

Galatia 1:6

Oge me lâiâ anyin a öbun logot ûsâkâû öbun me at a hawʼ öbun ka hnyi ibetengiö baû anyin Keriso ka hnyi ke evangelia;

Efeso 1:17

me me he Khongon Tuhöta Iesu Keriso, Kamen ae hmanenang, ka ham köbun hanuiny metâ me hna omanenâ, mʼ öbun e he ka wâhmakhmeto e:

Deuteronomi 34:10

Ke ba ke perofeta bala helâ me Mose ame o hmetu hnyi Isaraela, wale hnö Iehova hna iohnyimak mē;

Deuteronomi 5:24

ke öbun e ha, ka habe, Wâ bi, Iehova Khonguta ame omanenâ köta hmanenanginy me ûganiny, kʼ ate me hia but löng hwan ame fuc ûnyi hnyi wanben meic: ate me wâhmakhmeto but hnyi bong ang a Iehova ame ûhnenamö me at, kʼ ame möt bi.

Kolose 1:15

e thibi a we Khong ae ca manen bi, atöiny ta je ûnyi hia adre op;

II. Timoteo 1:10

ke manen walang ang ge ioiny At omeli öta a Keriso Iesu, waleji at a ohia mok, me omanenâ möt, me ca mok hmetu bi hnen ûthumetu ae so,

Heberu 11:27

Hnen labageju e ame hna but Aigupito, e ame ca outen hmonyin anyin than: anyin a e ame hokhnyok, helâke at ka wâ at ae ca manen bi.

Josua 5:13

Ke e Josua hnyi Jeriko, me e ame bwele me wâ, ke wâ bi, ame tot cicö e at ame tot me hele vat adre oc hnyi hnyamen: ke haba Josua ame he kâu me ha kâu, ka habe, U me tha hiâm möhmun, hawa, me je iwahnaihmiony möhmun?

Owisa 13:17

Me Manoa ame ha kö angela anyi Iehova, ka habe, Ia iâm, mʼ ohmun e he ka oganö u e ka āt dö hwâm hofuc?

Owisa 13:18

Me ame ha angela anyi Iehova, ka habe, Anyin a ieû u me hnö iök, anyin a e me hnân lâiâ gan?

Owisa 8:17

Ke e ame kiâ hnabâ hnyi Penuela, me hlingâ aten taun.

Owisa 8:8

Ke e ame he ûheny e Penuela ai, me ha helâe hodrin: me ame thu kâu at Penuela helâ me hna thu ge at Sukotha.