Genese 32:3 - Iaai Bible 1901 (New Caledonia)

³ Ke Jekob ame kunâ bânâ anyin je metâ kö Esau a tuhan hnyi hnyei Seira, wale atkânâ hnyi Edoma.

Genese 32:3 ပူးပေါင်းရင်းမြစ်များ

Genese 14:6

me at Hori hnyi anyidra bucen a Seira, ke ne o but Eleparana hnyi haten hnyebuba.

Genese 25:30

me haingö Esau kö Jekob, ka habe, Haök ge tap ûnyi e ae dra; anyin a oge sënyin dut: waleling mʼ adre me hwenyi ien Edoma.

Genese 32:11

Ö u, omeli nya ûnyi hnyi hnyamen tuhök Esau: anyin oge me outen e, wâ e nye o but ka kuc nya, tha inya me ta momo me lakudrin.

Genese 32:7

Me Jekob ame ot gan hmâ me hmak hnyekon: me e ame khenâ luâ tavat unyin, me ta je mamoe, me kâu, me kamela;

Genese 33:14

E so u ma he tuhök ka bâm, ke bilik biju athnyabaem: ke oge me he ka omise, helâ me tulutiny ûheny je meno hnyi hnyimakök, me helâ me ûheny je wanakat, ke ne o but oge me o unyâm tuhök e Seira.

Genese 33:16

Ke Esau ame he hmetu hnyi bong eling hnyi gethen Siera ai.

II. Samuela 2:8

Ke Abinera nöku Neri, taben ta je vat anyi Saulo, ame hia but hum Ise-boseth nöku Saulo, me hom e Mahanaima ai;

II. Je Than 6:17

Haba Elisaia ame hic me ha, ka habe, Iehova lö, ö u obwela but li emakan, me me wâ. Me Iehova ame obwela li emakan hidröu; ke e ame wâ: ke wâ bi, ame unöngötö bucen ge je hors me je kariota meic igigili Elisaia.

I. Man Ûlabainy Je Than. 12:23

Ke walang ûseiny je taben hnyat adre me penapena hobi kâu vat, tavat adre utut kö Davita hnyi Heberona, he ka wia kâu dökhu dökhu Saulo, hoton hofuc ho Iehova.

Khumöng Hwanyi Solomona. 7:1

MOMO nokon than lö, shaiba ge hmanenanginy li cam hnyi li taben hnyeûca! E ûcû hna hûjâ jevam me sawakiny ae ûnyi hnathu, Hna huliwan hnen at huliwa ae metâ.

Isaia 21:11

Hok honen Duma. Ame hongot könya ûheny Seira, ke at, me ha, ka habe, At hmâkâ lö, hawa ge lit? At hmâkâ lö, hawa ge lit?

Jeremia 49:7

Ge Edoma. Walang hna ha hnö Iehova tuhan sabaoth, ka habe, Hawa, e ba hmetu metâ hnyi Temana? hawa, a aû but hna khana bongon unyin tavat wâ wia? ke a hia but anyidra metâ?

Malaki 3:1

WÂ bi, oge me kunâ anyik ûthumetu ke e ame he ka ânyâwia gethen hnyi hnyimakök: ke ame he ka ie o ka hnyi uma umen Than wale öbun e elâm; me ûthumetuiny ûhihinyköu at öbun e senyinâ, wâ bi, e ame o, haingö Iehova tuhan sabaoth.

Numera 24:18

Haba Edoma me hwajekhon Kʼ ame he Seira minya ka hwajekhon, waleji iwahnaihmiony mē; Kʼ ame he Isaraela ka ton.

Luka 9:52

me kunâ je ûthumetu he ka he hnyi hnyimakan: me ödrin e he me o hnyi ke taun anyin at Samaria he ka penapena halubahingen.

Deuteronomi 1:2

Eleven ta je bong ka he ûheny Horeba gethen hnyi bucen Seira ke ne o but Kadesi-banea.

Deuteronomi 2:22

helâ me hnen hna ânyâ hobi kâu laku Esau, tavat adre me labā Seira, waleji hnyi hnen hna ohia at Hori hnyi hnyimaködra; kʼ adre me hwöhwabödra me laba hnyi hnödra ke ne o but hnyi bong ang:

Deuteronomi 2:5

ca he öbun ka ivinö mödra; anyin oge me ca he ka ham köbun ûnyi hnyi idra, e ba dok ae ûhnyûkong hmönyin helâ me hnyeuca: anyin oge hia but ham bucen Seira kö Esau hnân iny.

Josua 13:30

Ke haba hnyigöulödrin, me, hwân hnyi Mahanaima, Basana hia, a je dökhu hia dökhu Oga than Basana, me je taun hia anyi Jaira, wale hnyi Basana, je taun a sikste:

Josua 24:4

Ke oge me ham Jekob me Esau kö Isaaka; ke oge me ham bucen Seira kö Esau me me iny; ke Jekob ame he me lakon Aigupito ai.