Genese 32:13 - Iaai Bible 1901 (New Caledonia)

¹³ Ke e ame mokut eling hnyi hnyinghet; me e ame hom ûnyi hnyi anyin ta je ûnyi hnân bwihlany hobi kö Esau a tuhan:

Genese 32:13 ပူးပေါင်းရင်းမြစ်များ

Genese 13:16

Ke oge me he ka wia ta je mâtrânâm, me me helâ me sesâiny kânâ: waleling me a ne khana ke at he ka aû sesâing kânâ, me adre me he minya ka aû ta je mâtrânâm.

Genese 15:5

Me e ame su e kâ û, me ha, ka habe, Bwele thö hnyidranyai, me aû thö ta je ohkû, ame ne khanö u he ka aû e: me e ame ha kâu, ka habe, ame he ka helâe ta je mâtrânâm.

Genese 18:2

ke e ame bwele me wâ, ke wâ bi ta hnyat a kun ödrin e tot hnyi hnyimakan: ke e ame ö ʼdrin me wadring dö he ka iouny mödrin ûheny hnyi uma mano, me nom ju hnyikânâi,

Genese 22:17

anyin a wale oge me he ka ti ohnahici u, me ti osiâ je mâtrânâm, me me helâ me ta je okhûiny drany, me helâ me öny hnyi haten köiö; kʼ ame he mâtrânâm ha hu homagöuleiny ta je iwa-hnaimiöny më;

Genese 32:14

lo li haded ta je got momo, ke twente ta je got baga, me lo li haded ta je mamoe momo, ke twente ta je mamoe baga,

Genese 33:10

Ke haingö Jekob, ka habe, Ohe, e ba, ö u betenge gak me kap ju anyik bwihlany: anyin oge wâ hnyimâkâm, helâ me man at ame wâ hnyimakan Khong, kʼ u je kap soi nya.

Genese 33:8

Ke e ame ha, ka habe, Hawa gam ge ta je hnahat hia oge ûkhanö më? Me e ame ha, ka habe, Wale hnân elâm ibetengiö gam könya tuhök.

Genese 42:6

Ke Josefa ame musi hnyi hnyei, kʼ ame ûcû jeû me tavat hia hnyi hnyei: kʼ ame o but je latuhö Josefa me nom ju hnyikânâi kâu.

Genese 43:11

Kʼ ame ha ködrin hnö Isaraela a kamödrin, ka habe, Hawe, a ne helâe, walang hnöbun hna he ka ânyâ, hom dö hnyi tangöbun je tang ta je wan ae ûnyi hnathu hnyi hnyei, ke hom dö ka at ta je bwihlany, wale tap basama, me tap hani, me setura, me muro, me je betuni, me je saked:

Genese 43:26

Ke a o but Josefa ka hnyi uma, mʼ ödrin e hom kâu eiö hnyi uma anyidrin je bwihlany, me ödrin e nom ju hnyikânâi kâu.

Nehemia 4:13

Waleling me oge me ip tavat hnyi je dok ae hnyikânâ hoton hak, me hnyi je dok ae lau, oge me ip ödrin hoton anyidrin je lap, a tha ödrin me anyidrin je hele vat, me je ö, me je cafana.

Ta je Vejec 17:8

Veto ae gan hwaban, bwihlany ka at ae hu e: E so troban e hnyi hna wia e ka ke dok me ke dok.

Ta je Vejec 18:16

Haba bwihlany anyin at, me ame bi hnen hobi kâu; Me hom e ka hnyi hnyimakan tavat ae beönua.

Ta je Vejec 19:6

E se hia adre me he ka sumat ge at ame ham gânâ: Ke haba at ae kuia je bwihlany, me lawaeny thithö tavat hia.

Ta je Vejec 21:14

Haba bwihlany ae iyong ame omenyikâ hmonyin, Me bwihlany hnyi ûlainy ame omenyikâ wathethot ae hwege.

I. Samuela 25:27

Ke walang ang haba bwihlany eû wale a hom athnyabaem ka tuhok, ham dö ka je hidröu, tavat ödrin e he hoton tuhok.

I. Samuela 25:8

Hnö thö ânyâm je hidröu, me ödrin e ho ka thumetu u: anyin a wale e so u me betenge ge je hidröu; anyin a öhmun e o but hnyi bong ae so: ö u ham dö je ûnyi ae hu gam ka athnyabaem me nokom a Davita.