Genese 32:10 - Iaai Bible 1901 (New Caledonia)

¹⁰ e ca ûcû nya at ae ûhnyûkong hnyi je ibetengiö hia, me hnathu hia, waleji u je omanenâ ka athnyabaem; anyin oge hanyâûâ Joridano eang me anyik uci; ke walang ang lo but anyik li bunyen.

Genese 32:10 ပူးပေါင်းရင်းမြစ်များ

Genese 18:27

Ke Aberahama ame thu me ha, ka habe, Wâ bi, anyin a iny hwege hnyok he ka fuc köu, Than, kʼ iny sesâiny kânâ me hnabadröu;

Genese 24:12

Me e ame ha, ka habe, Iehova Iö, Khongu Aberahama a tuhök, ö u kunâ so könya hnyi bong ang, me betenge ju kö Aberahama a tuhök.

Genese 24:27

Ke haingen, ka habe, E so adre me haisoi Iehova, Khongu Aberahama a tuhök, at ame ca hota degecâ anyin ibetengiö me hnathu ka tuhök: ke haba inya, me a hia but Iehova su nya hnyi getheniny hnyaban liamekeiny me tuhök.

Genese 28:13

Ke wâ bi, ame tot Iehova ethö hon e, me ha, ka habe, Inya Iehova, Khongu Aberahama a kâmâm, me Khongu Isaaka: haba kânâ u me mokut hnyin, oge me he ka ham e köu, me je mâtrânâm;

Genese 28:15

Ke wâ bi, tha inya möu, ke oge me he ka tuö u hnyi je hnyei hia u je he ka hnyin, me ohmetu u ka hnyi hnyei eang: anyin oge ma ca he ka hnö u ke ne o but oge hia but ânyâ hnök hna ha köu.

Genese 30:43

Me ame ti tren gan hmâ thatûnyi hnen at e, ke ti se hia haleny ta je meno, me je lathnyabainy omomo me obaga, me je kamela me asina.

Genese 31:3

Ke Iehova ame ha kö Jekob, ka habe, He hmetu thö ka hnyi hnyei iny lakâmâm, me lahanâm; me ame he ka tha inya möu.

Genese 32:5

ke e hu gak ta je kau, me asina, me je hnahat, me je athnyaba obaga, me je athnyaba omomo: ke inya oge me ûkhûnöng ka thumetu u tuhök, mʼ u ma betenge gak.

Genese 32:7

Me Jekob ame ot gan hmâ me hmak hnyekon: me e ame khenâ luâ tavat unyin, me ta je mamoe, me kâu, me kamela;

II. Samuela 17:24

Ke ame o but Davita hnyi Mahanaima. Ke Abasoloma ame hanyâûâ Joridano, e me at Isaraela hia unyin.

II. Samuela 7:18

Haba Davita than ame didro me laba ju hnyi hnyimakö Iehova; me haingen, ka habe, Iny ia Than Iehova, ke ieû anyik lap mʼ u je hum nya ke ne o but walang ang?

Jobu 17:9

Ke so bi ame he at ae wisa ka vheno balua deny gethen, Ke ame he ka hwege tot at ae tren li hnyam ae kalaöt.

Jobu 8:7

Eja ke ne a ne ûhnyûkong hnâm hna hwân ehac, Ame he ka he bi ka ti se hia obiny köu.

Salamo 16:2

Oge hia but ha kö Iehova, ka habe, U thibi Tuhok: E ba soik ke unyâm thibi.

Salamo 18:35

U je hia but ham minya könya becin ânyâm ûhomeli: Kʼ ame kop nya goranyai hnyamâm a metâm, Kʼ ame oganö nya hwakecâm ae menyik.

Salamo 61:7

E ame he ka laba hnyi hnyimakan Khong nyiele balua: U na penapena thö ibetengiö me hnathu, hnân he ka tuö e.

Salamo 8:5

Anyin ʼa u je op e me me omi ûhnyûkong bi hnyi hmelen Khong, Me obicâ e ge mec me ûoganö.

Salamo 84:7

Adre me he ka hwege tot, Adre me ve manen dut hnyi hnyimakan Khong hnyi Ziona.

Salamo 85:10

A ûkhanö thö ibetengiö me hnathu; A ûcimhnyimak dö wisa me ûsoköu.

Ta je Vejec 4:18

Ke haba gethen deny tavat ae wisa me helâ me melam ae hadröngöc, Ame melam tot ke ne o but jebigö.

Isaia 6:5

Me oge me ha, ka habe, Ekölö gak! anyin oge ngâ but; anyin a inya at ae kong esongodiny, ke inya oge me laba unyin tavat ae kong je esongodidra: anyin a li emakök ame wâ Than, a Iehova tuhan sabaoth.

Isaia 63:7

Oge me he bi nya ka ha ge tang betenge anyi Iehova, me je hnân oganö Iehova, hoton ta je ûnyi hia thithö waleji a ham köta Iehova; me so ae gan hmâ ka lap anyi Isaraela, waleji e ame ham ködra hoton anyin ibetengiö baû, ke hoton anyin tang betenge ae gan hmâ.

Mika 7:20

U me he ka ohwâdâ hnathu kö Jekob, ke ibetengiö kö Aberahama, waleji u je khemanyinâ ka lakamöhmun hwân hnyi je bong kâû adrem.

Luka 17:10

Helâe minya öbun, öbun ka hia but mâdrâ ta je ûnyi adre hûna köbun, ha thʼ öbun, ka habe, Öhmun ang je athnyaba ae ba troban; öhmun e hia but mâdrâ thibi hanymöhmun he ka mâdrâ.

Luka 5:8

Ke a wâ but ga Simona Peteru, me e ame ta ju hnyi li bouca Iesu me ha, ka habe, Than lö, he thö gak, anyin a iny at ae kong.

II. Korinito 12:11

Iny monu but: öbun e kunö nya; anyin ae ûcû köbun he ka haisoi nya: ke eja ke ne oge ne ca ûnyi hnathu bi, ke so bi ca inya bi hmelen ta je hing aposetolo.

Deuteronomi 8:18

Ke so u ma ûnykûme ko Iehova Khongom, anyin a e at ame ham köu tang hwege he ka hu tang omjeû; me me ohmâ anyin ûhihinyköu waleji e ame khemanyin ka je lakâmâm, helâ me hnyi bong ang.

I. Peteru 5:5

Helâe minya öbun hnyat ae teb unyi, löng ju hoton wahingat. Eke, öbun hia thithö lö, weikâ ju hwakecin ae hnyikânâ he ka uhuliwaköu: anyin a Khong ame hagutâ tavat bi gan, me ham ibetengiö baû ka tavat ae hnyikânâ oûnykûmidra.