Genese 31:7 - Iaai Bible 1901 (New Caledonia)

⁷ Ke a iyawö nya hnen kamöbu, me olibenyita wia hwabök; ke Khong ame ca hna but kâu he ka okongu nya.

Genese 31:7 ပူးပေါင်းရင်းမြစ်များ

Genese 15:1

HWABAN ta je ûnyi e ame o thö hofuc ho Iehova kö Aberama hnyi hna omanenâ, haingen, ka habe, Aberama lö, ca ot: inya ang becâm, me troban hobi köu ae ti gan hmâ.

Genese 20:6

Me Khong ame ha kâu hnyi bwi, ka habe, Eke, e khanö nya a u je ânyâ e hnyi hnyekom ae hnathu, me oge me hom behanö u, wâ u nye kong könya: waleling mʼ oge me ca hnö u he ka kâlâ e.

Genese 29:25

Ke wâ bi, hnyi hnyomakatu Lea bi eling: me e ame ha kö Labana, ka habe, Ieû e u je ânyâ könya? hawa, oge ca huliwa köu hwabö Rakela? ieû gam u je iyawö nya.

Genese 30:28

Ke e ame ha, ka habe, Ha wia thö könya hwâbâm me oge me ke ka ham.

Genese 31:24

Ke Khong ame o but kö Labana at Suria hnyi bwi hnyi hnyinghet, me ha kâu, ka habe, Wâ eâu kʼ u he thö ka ha kö Jekob so me kong.

Genese 31:29

E hu manik; man he ka okongu öbun: ke a ha könya: hnen Khongon kamöbun et hnyinghet, ka habe, Wâ eâu, kʼ u he thö ka ba kö Jekob so me kong.

Genese 31:41

Twente je hunaik hnyi hnyabam; oge bi athnyaba köu fortin ta huna hwaban lakom li hlu, ke siks ta huna hwaban halem je meno: ke u je olibenyita wia hwabök.

Nehemia 4:12

Ke ame o but at Juda hnyat adre me laba hakekenyi ödrin, me olibenyita ha kohmun hnyi je dok hia, ka habe, Hamöbun he ka hmetu kohmun.

Jobu 1:10

Hawa, u je ca hwö hak igigilo e, ke igigilo hnyaban, ke igigilo anyin ta je ûnyi hia hnyi je ke keihen hia? u je hia but ohnahicâ anyin huliwa, me osehia haleny je meno hnyi hnyei.

Jobu 19:3

Öbun e hia but olibenyita but û nya kongu nya: Öbun e ca hmehma ge hnobun hna omonumonu nya.

Jobu 19:8

E ame hia but hwo hak hnyi dek gethen, me me ca khanö nya bi he ka vheno. Me omenekhulumâ dek je gethen.

Salamo 37:28

Anyin a Iehova ame weny hna owisa, Ke e ame ca degec bi anyin wakap. Kʼ adre me tuʼ ödra balua bi: Ke adre me he ka subâ degecâ je mâtrân tavat ae kong.

Isaia 4:1

KE hnyi bong eling ame he ta momo a seven ka kât baga a khaca me ha, ka habe, Öhmun e he ka an ö ʼhmun bi jeû, ke khavâ anyihmun bi je ûkhaû: haba wehmun thibi a u me ip iâm huhmun; mʼ u ma ohia but hna haikongu öhmun.

Isaia 54:17

E ba ûnyi adre ânyâ hnân vat möu ame he ka ton; ke haba ta je bohmen hia thithö tavat adre me he ka tot ka ivino möu hnyi hna owisa, u me he ka haikongoâ. Wale jekhon je athnyabai Iehova, me hwakecidra ae wisa ûnyi gak, haingö Iehova.

Daniela 1:20

Ke haba hnyi ta ûnyi hia ge metâ me wâhmakhmeto, wale ame hnei ödrin gan than, e ame ö ʼdrin a ten beonuâ anyidrin metâ hon metâiny ta je magoi hia me tavat bihihwakecin hnyi dokhon dokhu hia.

Levitiko 26:26

Hnyi ûen oge me thu uciny anyibun jeû, me ame he ten ta momo ka tha inyâ ö ʼbun hnyi wahnainyâ a khaca, kʼ odrin e he ka ham hmetu ö bun hoton tulut: kʼ öbun e he ka han ke ca sekon bi.

Zakaria 8:23

Walang hna ha hnö Iehova tuhan sabaoth, ka habe, Hnyi je bong eling, me ame he hnyat a ten ka kât obiny ûkhaû anyin at Juda, walödrin hnyi ta je hwen hnyei hia, me ha, ka habe, Ohmun e he ka tha he möbun, anyin ae khanʼ ohmun dut a e unyibun Khong.

Numera 14:22

ke can anyin a olibenyita cubic nya hnen tavat hia eang adre me wâ hmanenangik me anyik je ûöman, waleji oge ânyâ hnyi Aigupito, me hnyi hnyebuba, kʼ adre ca löng hok hofuc;