Genese 30:4 - Iaai Bible 1901 (New Caledonia)

⁴ Me e ame ham kâu anyin hlu wale Bila hnân âiân: ke Jekob ame hom e.

Genese 30:4 ပူးပေါင်းရင်းမြစ်များ

Genese 16:2

Ke Sarai ame ha kö Aberama, ka habe, Wâ ju, ame musö Iehova a oge me ca he ka hnokoâ; ö u he thö ka anyik hlu; ame ne he ka hu lakuk ûnyi gan. Me Aberama ame löng hwan Sarai.

Genese 21:10

Waleling me me ha ko Aberahama, ka habe, Tha obâ but momo eang adre ûco me nokon: anyin ame ca he nokon momo eang adre ûco ka tha hu hwajekhon me Isaaka nökuk.

Genese 22:24

Ke haba anyin ke momo, Reuma ien, e ame hnokoâ minya Teba, me Gaama, me Takasa, me Maaka.

Genese 25:1

KE haba Aberahama ame hok âiân hmetu Ketura ien.

Genese 25:6

Ke Aberahama ame ham ta je bwihlany ka lakon li momo anyi Aberahama; me kunʼ ödrin ka hnyi hnyei e deiö, me me ûsâkâûö me Isaaka a nokon, ke e tiga möt.

Genese 29:29

Ke Labana ame ham Bila a athnyabainy kö Rakela a nokon, me hnân anyin hlu.

Genese 30:5

Me Bila ame erkin dut, me e ame hnokoâ nöku Jekob a da.

Genese 33:2

Ke e ame ip li athnyaba momo me je lakudru hnyi hnyimakan, ke hwabö-drin jia Lea me je lakon, ke a bili Rakela me Josefa.

Genese 35:22

Ke ame tiga laba Isaraela hnyi hnyei eling, me haba Reubena ame tha mokut me Bila, ke momo anyin kamen: ke a löng ut Isaraela. Ke ödrin twelv ta laku Jekob a baga;

Genese 46:25

Wale je laku Bila hnö Labana hna ham kö Rakela a nokon, kʼ ame hnöku ödrin je laku Jekob: ke haba hnyat hia, me, ödrin seven.

II. Samuela 12:11

Walang hna ha hnö Iehova, ka habe, Wâ bi, oge me he ka okûâ ûnyi ae kong köu ûnyi hnyi hnyabam, ke oge me he ka hom laâiâm hnyi hnyimâkâm, me ham bi ka ke at, ke e ame he ka tha mokut me laâiâm hnyi hnyimakan seûno ang.