Genese 3:8 - Iaai Bible 1901 (New Caledonia)

⁸ Ke ödru me löng hwo Iehova Khong ame ngeno hnyei, hnyi ke hnyi bân bong ae menyik: ke haba Adamu me âiân ödru me lubaduöng ge hnyimakö Iehova Khong hnyi ta je ûö hnyi hnyei.

Genese 3:8 ပူးပေါင်းရင်းမြစ်များ

Genese 18:33

Ke a um dö ûhnenamö Iehova me Aberahama, me ame he but: ke Aberahama ame hmetu ka hnyi hnyaban.

Genese 3:10

Ke haingen, ka habe, Oge löng ut hwâm hnyi hnyei, ke oge ot, anyin oge me he thu; me inya oge me lubaduöng.

Jobu 22:14

Kʼ ame oiyongâ e ge je ulâ ae haki, me me ca wâ bi; Ke e ame vheno wathelabainy drany.

Jobu 31:33

Oge ne ikhâlâ hnok je hna hanyâûâ helâji me Adamu, Ke oiyongâ anyik monu hnyi ûlaik;

Jobu 38:1

KE haba Iehova ame thu kö Jobu ûnyi hnyi weneû, kʼ ame ha, ka habe,

Ta je Vejec 15:3

Ka e bi li emakö Iehova hnyi ta je dok hia, E ame wâ so me kong.

Jeremia 23:24

E hu at ama ikhölö hnyi dok ae iyong ke oge me ca he ka wâ? haingö Iehova. Hawa, e ca unöngöt drany me hmeledrany gak? haingö Iehova.

Hosea 10:8

Adre me he ka ohia minya je dok ae gorany hnyi Aven, wale hulöiny Isaraela: ame he ka kû ûö ae ûdedö me watetaföcö hon anyidra je taben hut; ke adre me he ka ha ka je bucen, ka habe, Tubi ohmun ju; me ka je hut, ka habe, öbun kolu takû ohmun ju.

Levitiko 26:12

Ke oge me he ka ngenu hnyi wanböbun, ko oge me he ka Khongubun, ke öbun e he ka lakeik.

Jona 1:3

Me haba Jona ame tpdrö me kec Tasesa ai ge hnyimakö Iehova; ke e ame he Jopa ai, me wâ ke hu ame he Tasesa ai: ke e ame bi hwaban hna houden e, me dit hnyi hnyin hu, he ka tha kec mʼ ödrin Tasesa ai, ame kec ge hnyimakö Iehova.

Roma 2:15

anyin adre me omanenâ ta je huliwainy hnanyibu adre set hnyi je hnyekudra, kʼ ame tha ohnathoâ hnen sah oûnykûmidra, ke haba je ûnykû-menödra adre me ve haikongoâ ame ne ve haisoi ödra bi;

Deuteronomi 23:14

anyin a Iehova Khongom ame he hnyi wanben hnâm hna hunuma, he ka omeli u, me hna je iwahnaihmiony mou hnyi hnyimâkâm; anyin a wale ame he ka kap bi hnâm hna hunuma: me me ca he ka wâ unyâm ke ûnyi ae kong, me me hna degeci u.

Deuteronomi 4:33

Hawa, e hu ke hnyei ame löng hofuc hwan Khong ame fuc hnyin meic, helâ me hnâm hna löng, ke möt bi?

Deuteronomi 5:25

Anyin a wale geû ate me he but ka mok? anyin ame he meic eang ae gan he ka thung ota: ate me ne löng hmetu hofuc ho Iehova Khonguta, me ate me he ka mokcu.

Heberu 4:13

Ke ca iyong bi ke unyi adre op hnyi hnyimakan: ke ame ve he thu me manen wia but ta je ûnyi hia thithö ka hnyi li emakan at, wale ate me he ka ve omanenâ kâu hwakecita.

Hna Omanenâ 6:15

Ke haba ta je thaniny hmeledrany, me ta je tuhan, me je taben vat ae nua, me tavat tren omjeû, me tavat ae hwege, me ta je athnyaba hia, me tavat he baû hia, adre me ve ikhölö hnyi je hmonop me je khūth hnyi ta je bucen;