Genese 3:7 - Iaai Bible 1901 (New Caledonia)

⁷ Me ame metâ but li emaködru, me me khanʼ ödru thö a ödru me he thu; me ödru me ûtibetköuâ ta je lan meta, me hnân bnamejidru.

Genese 3:7 ပူးပေါင်းရင်းမြစ်များ

Genese 2:25

Ke ödru lo ödru me he thu, wale liamâiân, kʼ ödru me ca hmehma bi.

Genese 3:5

anyin ae khana Khong a haba hnyi bong öbu ma han hnyin, wale ame he ka metâ but li emaköbu, mʼ öbu me he ka helâ but me Khong, ka wâhmakhmeto so me kong.

II. Je Than 6:20

Ke ödrin e o but hnyi Samaria, me haingö Elisaia, ka habe, Iehova lö, obwela but li emakan tavat ang, mʼ Ödrin e wâ. Me Iehova ame obwela je emaködrin, me ödrin e wâ, ke wâ bi ödrin dut hnyi Samaria.

Isaia 28:20

Anyin ae okhulit hna mokut, me me ca khana bi at he ka hlöhlöu hnyin; ke ûhnyûkong aven kubö, me ca ûcû bi e ka tube e.

Isaia 47:3

Ame he ka manen ânyâm hmehma, eke, adre me he ka wâ unyâm: oge me he ka bi hwaban, oge me ca he ka betenge ge ke at.

Isaia 59:6

Kʼ ame ca he bi ka ûkhaû anyidra je ûhaihnâ, ke adre me ca he bi ka tubi ödra ge anyidra ta je huliwa: haba anyidra je huliwa, me je huliwa ae kong, ke e bi hnyi hnyamödra ûokonguny.

Je tenge anyi Jeremi 1:8

Jerusalema ame hia but hulo gan hmâ; anyin a wale e ame helâ me ûnyi ae ikiki: Haba tavat, adre me ogânâ e adre me hûkotiâ e, anyin adre hia but wâ a e ame he thu: Eke, e ame mâng, me hwio.

Luka 16:23

Ke e ame vec hnyi Hedis, me bwele goranyai, me ame ō Aberahama hnyi dok ae sâkâû, me Lazaro minya hyni ûlainy.

I. Korinito 12:23

ke haba je ong outhunyin ate me oûnyibâûâ, me wale ate me ti oûnyihnathoâ; ke adre ohmanenangâ ûnyi ae ca hmanenang bi;

Deuteronomi 28:34

me me omonu u ge ta je ûnyi u me he ka wâ ge li emakâm.

Owisa 3:2

waleling me me khana je dö anyin lakon Isaraela he ka ûne vat ködrin, a tavat ödrin e ca hnyi wâ ehac: