Genese 3:20 - Iaai Bible 1901 (New Caledonia)

²⁰ Haba Adamu ame hwenyi ien âiân, me, Eva; anyin a e hinyen tavat ae möt hia thithö.

Genese 3:20 ပူးပေါင်းရင်းမြစ်များ

Genese 16:11

Ke haingen angela anyi Iehova kâu, ka habe, Wâ bi, u erkin dut, ke u ma he ka hnokoâ da; me hwenyi ien Isamaela, anyin a löng ut Iehova ânyâm vec.

Genese 2:20

Ke ame hwenyi ien ta je meno hia a vak can hnen at, me ta je meno ame gâ ethö, me ta je menoiny hnyot hia; ke adre tiga ca wâ hobi kâu at ke ûhadruo ae ûcû kâu.

Genese 2:23

Ke haingen at, ka habe, Walang jö hanen je jeiök, me utiö hanen vik: adre me he ka hwenyi ien, me, Momo, anyin adre hom ûnyi ge baga.

Genese 3:21

Ke haba Iehova Khong ame ânyâ li ûkhaû a unen meno hobi kö Adamu me âiân, me okhavʼ ödru.

Genese 35:18

Ke ame tiga he ka he but banon (anyin a mokcu) me e ame hwenyi ien e Benoni: ke haba kamen ame hwenyi ien, me Beniamina.

Genese 5:29

ke e ame hwenyi ien bi, me, Noa, ke haingen, Walang at ame he ka otubweli ötin ge anyitin huliwa, me vecin li hnyamöta ûnyi ge kânâ waleji a hangâ Iehova.

Esodo 2:10

Ke gan dut wanakat, me e ame hom e ka hlu nöku Farao, ke nokon dut e. Ke e ame hwenyi ien Mose, ke haingen, ka habe, Anyin a oge hom ûnyi hnyi köiö.

Mataio 1:21

Ke e ame he ka hnokoâ da, ke u me he ka hwenyi ien Iesu; anyin a e at ame he ka omelö lakeiny ûnyi hnyi anyidra ta je hulö.

Mataio 1:23

Wâ bi, ame he hlu ka erkin, me hnokoâ da, Kʼ adre me he ka hwenyi ien Emanuela; walang bongon, E but unyita Khong.

Ta je huliwa 17:26

ke e ame op hnyi dra a khaca tavat hia he ka labâ hmeledrany, ke a hia but thu je ûen adre otilâ ehac, me je hnyigoulen je idra;

II. Korinito 11:3

Ke inya oge me ot, wâ e nye okongoâ je hnyekubun ûnyi hnyi hwakecin ae wisa me kalaöt unyi Keriso, helâ me hna iyawo Eva ge on hnen anyin tang iyawo.

I. Timoteo 2:13

Anyin adre bödra ka up Adamu ke bili Eva bi;

I. Samuela 1:20

Ke a hwâdâ thö ûen me ame erkin dut Hana, me e ame hnokoâ da, me hwenyi ien Samuela, ame ha, ka habe, anyin oge sumâtâ ga Iehova.