Genese 3:19 - Iaai Bible 1901 (New Caledonia)

¹⁹ ke u me he ka han ûnyi ge khuniny hnyimâkâm, ke ne o but ûen u me he ka hmetu ka hnyi kânâ; anyin adre hum u ûnyi hnyin e; anyin a u sesâiny kânâ, ke u me he ka hmetu hmetu ka knyi sesâiny kânâ.

Genese 3:19 ပူးပေါင်းရင်းမြစ်များ

Genese 18:27

Ke Aberahama ame thu me ha, ka habe, Wâ bi, anyin a iny hwege hnyok he ka fuc köu, Than, kʼ iny sesâiny kânâ me hnabadröu;

Genese 2:7

Ke haba Iehova Khong ame op at ge sesâiny kânâ, me menâ ka hnyi li hnyingöiny homenâiny möt; ke haba at ame wia me me hanu ae möt.

Genese 23:4

Iny atkanyua me at ame më laba unyibun: e so öbun e ham könya ke utkânâ hnân khön komok hnyin unyibun mʼ inye konâm kokik mʼ iny ca wâ but.

Genese 3:18

kʼ ame he ka okûâ köu ta je ûö ae ûdedö me watetaföcö; ke u me he ka han je ûö ae ometu hnyi ta hnyei;

Genese 5:5

Ke haba ta je bong hia ame möt hnyin Adamu, me, nain haded ke thöte ta je huna: kʼ ame mokcu.

Jobu 1:21

me haingen, ka habe, Oge o thu ûnyi hnyi hnyeku bai, ke oge me he ka he thu hmetu kâ e: a ham Iehova, kʼ ame he Iehova ka hom hmetu; e so he ka haisoâ iö Iehova.

Jobu 10:9

Ö u ûnykûme ju a u je up nya helâ me kânâ ae kece; Ke hawa, u me he ka ohmetu nya ka hnyi kânâ?

Jobu 19:26

Ke hwaban dö hna ohia unök helâng Me oge me he bi nya ka wâ Khong hnyi vik:

Jobu 21:26

Ödru me tha mokut eû hnyi kânâ, Kʼ ödru tha iyong ut ge je wahnyöng.

Jobu 34:15

Ame he ka tha mok tavat hia, Ke ame he at ka hmetu ka hnyi kânâ.

Jobu 4:19

Awe, ame ca helâe ge tavat adre me labā je uma kânâ ae kece, Ke kânâ dok adre hwân hnyin, Ke adre bödra ka hlic ödrin, ke biliny bi walelaba!

Salamo 103:14

Anyin ae khana bongon hna tretrau ota; E ame labö ûnykûme a ota sesâiny kânâ.

Salamo 104:23

Ame he but at he ka huliwa Me ânyâ hudrân ke ne o but sahac.

Salamo 104:29

U je ikhâlâ hnyimâkâm me adre me hlohlo; U je hom hmetu homenâ gadra, me adre me mokcu, Kʼ adre me hmetuhmetu ka hnyi sesâ.

Salamo 127:2

E ûnyi baû hnobun hna vesâkong, me bec he ka mokut, Me an jeûiny huliwa ae hmak: Anyin a helâe e ame ham mokut kâ laoûnykûminy.

Salamo 22:15

E atgec dö tang hwegiök helâ me wataginy kaia; Ke ame kece bohmök ka hnyi wahicok; Ke u je hia but hum nya ka hnyi sesâiny kânâiny mok.

Salamo 22:29

Ame he hia tavat ae pipikhenya eang hmeledrany ka han me khudrung: Kʼ ame he ka nom kâu tavat hia adre me he ka hnyi kânâ, Wale at ae ca khana he ka omelo e bi.

Salamo 90:3

U je wia at me me sesâiny kânâ; Me ha, ka habe, Hmetuhmetu ju öbun lakon tavat.

Ta je Vejec 21:16

Haba at ame saû monoâ ûnyi hnyi gethen deny metâ, Me ame he ka tha laba me tavat adre mokcu.

At Khet 1:13

Ke oge me kong hnyekunâ he ka elâm me hnö a deny metâ, ta je ûnyi hia adre me ânyâ hnyi hmeledrany: e hmak hmonyin huliwa Khong ame ham ka lakon tavat he ka huliwan.

At Khet 1:3

Ieû troban ka at hnyi anyin ta je huliwa hia e ame mâdrâ hmelen seûno?

At Khet 12:7

ke ame hmetu sesâ hnyikânâi, helâ me ehac, ke ame he hmetu hanu ka Khong at ame ham e.

At Khet 3:20

Kʼ ame he ödru lo hia ka hnyi dok a khaca; ûhedru hia eû hnyi kânâ, kʼ ödru me he ka wia hmetu hia me me kânâ.

At Khet 5:15

Helâji me ioiny a gʼ ame he thu ûnyi hnyi hnyekon hinyen, me helâe minya e ame he ka hmetuhmetu helâ me ûen a o hnyin, ke ba ûnyi e ame he ka hom ûnyi hnyi anyin ta je huliwa me hom hnyi hnyamen bi.

Daniela 12:2

Ke se hia tavat adre me mokut eû hnyi kânâ adre me he ka hmak hmetu, keihen ka hnyi möt nyiele balua, ke keihen ka hnyi hmehma me ikikiâ nyiele balua.

I. Korinito 15:47

Ûnyi eang hmeledrany at a bân, aten kânâ: ke ûheny hnyi drany at a loiny.

Efeso 4:28

Haba at ame venöu, ca he hmetu bi ka venöu: ke so bi e ame he ka huliwa, me ânyâ ge li hnyamen ûnyi ae so, me me hu kâu hnân he ka ham ka at ae theduoc.

I. Thesalonika 2:9

Ke öbun hnyat me lakeiny öbun e ûnykûme anyihmun huliwa ae mak me vec; öhmun e huliwa hnyi lany me lit, mʼ öhmun e ca he ka ohmâkâ ke at gabun, öhmun e khetâ ûthumetu ae so anyin Khong köbun.

II. Thesalonika. 3:10

Anyin a tiga öhmun bi unyibun, walang hnöhmun hna ha, ka habe, A ne höcö ke at he ka hnyi huliwa, awe, e ame ca he ka hnyi han.

Heberu 9:27

Adre me ip ka tavat he ka okhaca mok, ke hwaban e ûhnei;