Genese 3:18 - Iaai Bible 1901 (New Caledonia)

¹⁸ kʼ ame he ka okûâ köu ta je ûö ae ûdedö me watetaföcö; ke u me he ka han je ûö ae ometu hnyi ta hnyei;

Genese 3:18 ပူးပေါင်းရင်းမြစ်များ

Genese 3:17

Ke e ame ha kö Adamu, ka habe. Anyin a u je hia but löng hoton hwan âiâm, me han ûnyi hnyi ûö waleji oge me nyibu u gan, me ha ka habe, Ca he ka han ûnyi hnyin; awe hnaûhangö but kânâ ûnyi gam; ke u ma he ka han ûnyi hnyin hnyi vec hnyi ta je bonginy ânyâm möt hia;

Genese 3:19

ke u me he ka han ûnyi ge khuniny hnyimâkâm, ke ne o but ûen u me he ka hmetu ka hnyi kânâ; anyin adre hum u ûnyi hnyin e; anyin a u sesâiny kânâ, ke u me he ka hmetu hmetu ka knyi sesâiny kânâ.

Jobu 1:21

me haingen, ka habe, Oge o thu ûnyi hnyi hnyeku bai, ke oge me he ka he thu hmetu kâ e: a ham Iehova, kʼ ame he Iehova ka hom hmetu; e so he ka haisoâ iö Iehova.

Jobu 31:40

Awe, e so he ka kû iwadekong hwaban hwit, Me je watetaföcö hwaban bali. A um dö je hofuc ho Jobu.

Jobu 5:5

Ke ame han hnödrin hna menu hnen at ae mekihnânem, E ame hûgûnâ e ûnyi hnyi je ûö ae ûdö, A memang ut hnewe hobi kâu anyidrin ta je ûnyi.

Salamo 104:2

U je tubi u ge melam helâ me ûkhaû; Me ulolo drany helâ me imano:

Salamo 90:3

U je wia at me me sesâiny kânâ; Me ha, ka habe, Hmetuhmetu ju öbun lakon tavat.

Ta je Vejec 22:5

E bi ta je ûö ae ûdedö me ta je hnewe hnyi gethen deny at ae hwali: Ke haba at ame ka tuö e bi, me ame he ka ûsâkâûö me je ûnyi e.

Ta je Vejec 24:31

Ke wâ bi, i watetaföcö but e, Kʼ ame kû takoû e ge vhat, Ke kong ut hak vetoiny.

Isaia 32:13

Ame he ka kû hnyi kânâ kânân lakeik ta je iwadekong me je iwateta-föcö, eke, hon je umainy senyin hia hnyi tauniny senyin:

Isaia 5:6

ke oge me he ka oûnyibauâ e; ke adre me ca he ka ânyâwia me jien; ke ame he ka kû hnyin e je iwadekong me watetaföcö: ke oge me he ka hûna ka je ûlâ me me ca he ka ta we kâu.

Isaia 7:23

Ke haba hnyi bong eling, hnyi ta je hnyei hia ae hu vine hnyin a wan thauzan, a hwaban je ong sileva a wan thauzan, me wale ame he bi ka hnen ta je iwadekong me watetaföcö.

Isaia 7:24

Adre me he ka o ang me je fana me je cafana; anyin ame he ka unöngötö hnyei hia ge je iwadekong me watetaföcö.

Jeremia 12:13

Adre hia but belökâ hwit, me meno iwadekong; adre hia but oveci ödra bi, ke ba troban: ke öbun e he ka hmehman je jeûiny ibun hnyei, can hmonyin ae gan hmâ anyi Iehova.

Jeremia 4:3

Anyin a walang hna ha hnö Iehova ka at Juda me Jerusalema, ka habe, Trohnenâ ju könöbun kânâ ae itremacat ut, ke ca he bi ka belökâ dok ae hu wadekong hnyin.

Mataio 13:7

Ke ame kolu but keihen hnyi wanben ta je ûö ae ûdedö; ke ame kû takoû but hnen ta je ûö ae ûdedö:

Roma 14:2

Anyin a ûnykûmenen ke at me so he ka an ta je ûnyi hia: ke haba ke at ae sënyin ame an thibi ta je ûnyi a kû hnyi kânâ.

Heberu 6:8

ke ame ne okûâ ûö ae ûdedö, me watetaföcö, me adre me degec; ke hakekeny jut ka hnyi hnaûhango; ke haba hnyi obiny, adre me he ka thong degecâ e.

Josua 23:13

awe, wâhmakhmeto ju öbun a gʼ ame ca he hmetu bi Iehova Khongubun ka obâ je hnyei eling hnyi hnyimaköbun; ke ödrin e he ka hnân je hnewe me je ofific köbun, me je osö hnyi je vhaköbun, me ûdö hnyi je li emaköbun, ke ne o but ame hiʼ öbun ûnyi hnyi hnyei ae so a ham köbun Iehova Khongubun.