Genese 3:15 - Iaai Bible 1901 (New Caledonia)

¹⁵ ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Genese 3:15 ပူးပေါင်းရင်းမြစ်များ

Genese 49:17

Ame he Dana ka on eû hnyi gethen, Me vaipa hnyi hna cit gethen, At ame oloû ohmâiny can ta je hos, Me me kölu hoton at ame tabâ.

Salamo 132:11

Ahia but Iehova khemanyin kö Davita hnyi hnathu; E ame ca he ka hwio gan, ka habe, Ûnyi hnyi mâtrân unyâm oge me he ka otilâ hon ânyâm theron.

Isaia 53:12

Anyin a wale, oge me he ka khene jekhon me tavat ae beönua, ke e ame he ka tha khenâ je hna söh me tavat ae hwege: anyin a e ame hingâlâ anyin möt ka mok, ke adre me tha lelö e me tavat hanyâûâ: ke so bi e ame vadren hulo anyin tavat ae se hia, kʼ ame khöûâ tavat hanyâûâ.

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Jeremia 31:22

Ke ne o but kehö u me he ka he monu, u hlu ame labö kolu? anyin a Iehova ame hia but op ûnyi ae teb ûnyi hnyi hnyei, ame he momo ka ton ge baga.

Daniela 9:26

Ke hwaban ta je wik a sikste tu, me adre me he ka subâ degecâ at adre me hû, ke ba ûnyi gan: ke haba lakeiny than ame he ka o, mʼ adre me he ka ohia taun ke dok ae kap; ke ame he ka obiny e ge di, kʼ ame he ka hu vat ke ne o but obiny; kʼ adre me ohmâ but he ka öba wan.

Amosa 9:3

Eja ke ne adre ne lubaduöng ethö hon Karemela, oge me he ka elâm me lili ödrin ûheny e; eja ke ne ödrin e ne oiyongi ödra ge li emakök eû hnyi hmelen köiö, oge me he ka kunâ on he ka ûlû ödra eling,

Mika 5:3

Anyin a wale e ame he ka hnʼ ödra, ke ne o but ûen ame he ka hnokoâ hnen momo ame vec hnyekon: me ame he ka hmetu je kolon a je liamekeiny më ka lakon Isaraela.

Mataio 1:23

Wâ bi, ame he hlu ka erkin, me hnokoâ da, Kʼ adre me he ka hwenyi ien Emanuela; walang bongon, E but unyita Khong.

Mataio 1:25

ke e ame ca tha e mē ke ne o but e ame hnokoâ nokon a da: ke e ame hwenyi ien Iesu.

Mataio 12:34

Je lakon on lö, öbun e he ka kâmâu he ka ha je hofuc ae so, kʼ öbun kong bi? anyin ame fuc hnyem ûnyi ge unöngötiny hnyok.

Mataio 13:38

ke haba utkânâ, me wale hmeledrany; ke haba wan ae so, me wale lakon dokhu; ke haba zizania, me wale lakon at ae kong;

Mataio 23:33

Öbun je on lö, ke lakon je vaipa, öbun e he ka kâmâu ka kec ge hnaûhangöiny gena?

Mataio 3:7

Ke hnyi ûen e ame wâ ta je Faresaio me ta je Sadukaio ae se hia adre me o but ka hnyi anyin bapataiso, me e ame ha kodra, ka habe, Je lakon on lö, ia koû köbun mʼ öbun e he ka kec ge hmonyin ame he ka o?

Mareko 16:18

adre me he ka kât je on, ke adre ne ijem ke ûnyi hnân mekiny, me ame ca be ka okongu ödrin; adre me he ka ip je hnyamödrin hon ta je komok, me ame he ka möt dö.

Luka 1:76

Eke, ke haba u, da, me adre me he ka haiö u me perofeta anyi Beönua: Anyin a u me he ka bân hnyi hnyimakan Than he ka ânyâwia deny ta je gethen.

Luka 10:19

Wâ bi, oge hia but ham köbun man he ka uto ta je on me ta je sekopio, me maniny hia thithö iwahnaihmiony: ke ba ke ûnyi ame he ka okongu öbun.

Luka 22:53

Oge tha e möbun hnyi je bong hnyi uma kap, ke öbun e ca hinöbeny könya: ke ûöbun eang, me man maniny lit minya.

Luka 24:27

Ke e ame hwân ga Mose me ta je perofeta hia, he ka omanenâ ködru ta je hna sihnalimen hia gan.

Ioane 8:44

Ûnyi ge kamöbun öbun, wale diabolo, ke öbun e behe ka ânyâ weny ae kong anyin kamöbun. E at ûhlingö hwân hnyi can, kʼ ame ca tethmâ hnyi hnathu, anyin ae ba hnathu gan. E ka he ka ha thoi, me ka ûnyi gan, anyin a e at thoi, ke kamen thoi.

Ta je huliwa 13:10

me ha, ka habe, At ae unöngötö ge je thoi hia, me monu, u nokon diabolo, ke iwahnaihmiony me hwakecin hia ae wisa, hawa, u me ca menâ he ka ohwalö je hwakecin hia ae wisa anyin Than?

Roma 16:20

Ke ame ie he Khongon hnahic ka uti Satana hnyi hmelen je li cabun. E so e unyibun ibetengiö baû anyin Tuhöta Iesu Keriso.

Roma 3:13

Helâ me erkemok ae memang je jeköwidra; Kʼ adre me iyawo ge je bohmödra: Eû hnyi hnyin je esongodidra öginyin asip;

Galatia 4:4

ke ame o but ûen adre thu, me haba Khong ame kunâ Nokon, adre hnokoâ hnen momo, a hnokoâ hmelen hnanyibu,

Efeso 4:8

Anyin a wale, e ame ha, ka habe, Hnyi ûen e ame ölö thö goranyai, me e ame lelo aten hwenbâ ka hnyi bâ, Kʼ ame ham ta je bwihlany ka tavat.

Kolose 2:15

ke e ame ka uny degecâ ta je musi me ta je man, e ame omanenʼ ödra bi hnyi dok ae manen, ke ame dokhu hudrin hnyin e.

Heberu 2:18

E ûcû kâu he ka hadru ödra adre cubic ödra, anyin a e ame hom vec hnyi hna cubec.

Heberu 5:7

Ke haba hnyi ta je bong a e tiga at hnyin, me e ame hic me khöû me tenge hwege, ke hu deköien, ka at ae khana he ka omelö e ûnyi hnyi mok, me adre me löng kâu, anyin a e outen Khong,

I. Ioane 3:10

Ûnyi hnyi e, me manen dut lakon Khong me lakon diabolo: anyin a ca ûnyi ge Khong at ame ca ânyâ hwakecin ae wisa, me at minya ame ca betenge me liamekeiny më.

I. Ioane 3:8

ûnyi ge diabolo at ame ânyâ hulo; anyin ame ânyâ hulo diabolo ûnyi hnyi can. Kʼ a manen dut Nokon Khong, me me he ka ohia ta je huliwa anyin diabolo.

I. Ioane 5:5

Anyin a ie at ae hwege hon hmeledrany, hawa ca at bi ame kap a Nokon Khong thibi Iesu Keriso?

Hna Omanenâ 12:17

Kʼ ame hmonyin drakona ka momo, me he but he ka vat me je kolon a je mâtrâniny momo, tavat adre me löng hoton hnanyibu anyin Khong, kʼ adre kât hmâ hna ohnathu Iesu:

Hna Omanenâ 13:7

Ke adre me hna kâu he ka vat me wakap, me he ka hwege hudra: ke adre me ham kâu musi hon ta je tribu hia, me tavat, me hwen hnyei, me ta je hnyei.

Hna Omanenâ 2:10

U ma ca outen ta je ûnyi ame he ka oveci u: wâ bi, ame he diabolo ka khûâ keihen gabun ka hnyi uma ceat, mʼ adre me he ka cubic öbun: ke ame he ka libenyita je bonginy vec a öbun. U ma hnathu ju ke ne o but ka hnyi mok, me oge me he ka ham köu koronainy möt.

Hna Omanenâ 20:10

Ke adre me khûö diabolo at ame omonu ödra ka hnyi nem a meic me teio, waleji a hnen minya meno me perofeta thoi; ke adre me he ka oveci ödra hnyi lany me lit nyiele nyiele balua.