Genese 3:14 - Iaai Bible 1901 (New Caledonia)

¹⁴ Ke Iehova Khong ame ha ka on, ka habe, u je hnaûhangö but hon ta je meno a vak can hia thithö, me hon ta je menoiny hnyot hia thithö, anyin a u je ânyâ helâe; u ma he ka iyâûâ hnyekom, me an sesâiny kânâ hnyi ta je bong hia bonginy ânyâm möt:

Genese 3:14 ပူးပေါင်းရင်းမြစ်များ

Genese 3:1

E e khana he ka bibihwakeoin hnen on, hon ta je menoiny hnyot hia, I hnö Iehova Khong hna op. Haba e ame I ha ka momo ka habe. Hawa, a um dö ha Khong, ka habe, Öbu ma ca he ka han ûnyi hnyi ta je ûö hia thithö hnyi hnyei?

Genese 4:11

Ke walang ang u je hnaûha-ngö but ûnyi ge kânâ, waleji a memang ut me cem dren kem ûnyi hnyi hnyamâm;

Genese 9:6

Haba at ame hingâlâ dren ke at, me ame he bi ka hingâlâ dren hnen ke at: anyin adre op at e me we Khong.

Salamo 72:9

Ame he ka nom kâu tavat adre me laba hnyi hnyebuba; Ke ame he je iwahnaihmiöny mē ka drem kânâ.

Isaia 29:4

Ke u me he ka hnyikânâ, me fuc eû hnyi kânâ, ke ame he ka ûhnyûkong ifucâm eû hnyi sesâ; ke ame he ifucâm ka helâ me hwan at tren biobotkong, eû hnyi kânâ, ke ame he hnâm hna fuc ka ulit eû hnyi sesâ

Isaia 65:25

Ame he bi luko ka tha han me nokon mamoe, ke ame he liona ka han thatûnyin hwit helâ me bolok: ke haba sesâiny kânâ, me wale an ta je on. Ke adre me ca he bi ka okongo me ohia hnyi anyik bucen hia ae kap, haingö Iehova.

Levitiko 20:25

Anyin a wale, öbun e be ka ovebongonâ omeno ae bo so, me omeno ae bo kong, me omeno ame gâ ae bo kong, me bo so: ke ca he öbun ka oikiki öbun bi hnen meno, me meno ame gâ; me ta je unyi adre iyâû hon kânâ, waleji oge ve khenâ unyibun ae bo kong.

Mika 7:17

Kʼ adre me he ka drem kânâ helâ me on; adre me he ka o me öbubuny helâ me ta je ûnyi adre me iyâwâ kânâ ûnyi hnyi je dok ae nedrong: adre me he ka o me ot kö Iehova Khonguta, ke adre me he ka outö u.