Genese 3:12 - Iaai Bible 1901 (New Caledonia)

¹² Haingö Adamu, ka habe, Haba momo u je hna könya me me tha e mönya, e ame ham könya ûnyi hnyi ûö, me oge me hnyi han.

Genese 3:12 ပူးပေါင်းရင်းမြစ်များ

Genese 2:18

Haba Iehova Khong ame ha, ka habe, E ca so e he ka hake laba at; oge me he ka ânyâ hobi kâu ke ûhadruo ae ûcû kâu.

Genese 2:20

Ke ame hwenyi ien ta je meno hia a vak can hnen at, me ta je meno ame gâ ethö, me ta je menoiny hnyot hia; ke adre tiga ca wâ hobi kâu at ke ûhadruo ae ûcû kâu.

Genese 2:22

ke haba jehvak wale Iehova Khong ame hia but hom ûnyi ge at, me ame op me me momo but, me su thö e ka at.

Genese 3:11

Me e ame ha, ka habe, Ia thumetu u mʼ u me he thu? Hawa, u je hia but han ûnyi hnyi ûö waleji oge me hûna köu, a u ma ca he ka han?

Jobu 31:33

Oge ne ikhâlâ hnok je hna hanyâûâ helâji me Adamu, Ke oiyongâ anyik monu hnyi ûlaik;

Ta je Vejec 19:3

Haba hwen monu anyin at, me ame ohwalö deny gethen; Ke ame hmonyin hnyekon ko Iehova.

Ta je Vejec 28:13

Haba at ame ikhâlâ hnen je hna hanyâûâ, me ame ca he ka sot: Ke adre me he ka betenge ge at ame omanenâ me degecâ.

Luka 10:29

Ke e ame weny he ka hai wisa e bi, me e ame ha kö Iesu, ka habe, Ie at ae hakekeny könya?

Roma 10:3

Anyin ae ca khanʼ ödra hwakecin ae wisa anyin Khong, ke adre me elâm he ka otethmâ hwakecidra bi ae wisa, me adre me ca long bi hoton hwakecin ae wisa anyin Khong.

I. Samuela 15:15

Me Saulo ame ha, ka habe, Adre me hom ûnyi ge at Amaleka: anyin a haba tavat adre me omelö je mamoe me je bolok ae so hnân hut kö Iehova Khongom; ke öhmun e hia but ti ohia je kolon.