Genese 27:41 - Iaai Bible 1901 (New Caledonia)

⁴¹ Ke Esau ame hûkötö ga Jekob, can hnahic a ham kâu kamen: ke haingö Esau eû hnyi hnyekon, ka habe, E hakekeny jut ûen ka hnyamoki Cica, me oge me he ka hlingö Jekob a keik.

Genese 27:41 ပူးပေါင်းရင်းမြစ်များ

Genese 27:42

Ke adre me thumetu Rebeka ge hofuc ho Esau nokon a bân; me e ame ûkhûnöng ka hao Jekob nokon a wakeiat, me haingen kâu, ka habe, Wâ bi, Esau a tuhâm ame ip hnâm he ka hlingö u.

Genese 32:11

Ö u, omeli nya ûnyi hnyi hnyamen tuhök Esau: anyin oge me outen e, wâ e nye o but ka kuc nya, tha inya me ta momo me lakudrin.

Genese 32:3

Ke Jekob ame kunâ bânâ anyin je metâ kö Esau a tuhan hnyi hnyei Seira, wale atkânâ hnyi Edoma.

Genese 32:6

Ke ame hmetu ju kö Jekob ta je metâ, me ha, ka habe, Öhmun e mwi but unyi Esau a tuhâm, ke wale but ang ame he ka iouny möu, ke e unyin tavat a vak ta haded.

Genese 35:29

Ke Isaaka ame khûö homenâ me mokcu, me e ame ûkhacaköu me lakamen, a hingat ut ke se hia bongon je bong; ke a konâm e hnö Esau me Jekob a li lakon.

Genese 37:18

Ke ödrin e wâ but e ke tiga sâkâû, ke e tiga ca hakekeny ködrin, me ödrin e ûhnenamö he ka hlingâ.

Genese 37:4

Ke a wâ but je latuhan a gʼ ame betenge gan hnen kamö-drin hon je latuhan hia; mʼ ödrin e hukötiâ e, me ca ûhnenamö so më.

Genese 37:8

Me haingen je latuhan kâu, ka habe, Hee u me he ka than huhmun? ke u me he ka musi öhmun? Ke odrin e hûkötiâ hmönyinâ e can je bwiny, ke hwan je hofuc.

Genese 50:15

Ke a wâ but je liamekeiny me Josefa a ga mokcu kamödrin, me haingödrin, ka habe, Ame ne he ka he Josefa ka liûkötiʼ ota, me bi hwaban köta anyitin ta je monu waleji ötin e ânyâ kâu.

Genese 50:2

Ke Josefa ame hûna ka lathnyabainy a je hnyat tren bubun he ka onâkâ kamen: kʼ ame onâki Isaraela hnen je hnyat tren bubun.

II. Man Ûlabainy Je Than. 35:24

Me lathnyabainy ödrin e hom e ûnyi hnyi kariota e, me ip e hon anyin kariota a loiny, me hom e Jerusalema ai; me ame mokcu, me adre me konâm e hnyi je erkemok anyin lakamen. Me ame hnyamok Juda me Jerusalema hia ga Josea.

Salamo 142:3

Hnyi hna hûlûlûâ hanuk eû hnyi hnyekuk, e khanö u dek gethen. Hnyi dek gethen adre hia but töu hnewe hobi könya.

Salamo 35:14

Ke haba hwakecik kâu, me helâ me liamewaeny kʼ ame ne liamekeiny mē: Kʼ oge me nom me tenge helâ me at ame tenge thungaû ge hinyen.

Salamo 37:16

E nua ûhnyûkong hna hu hnen at ae wisa hwakecin Hon tang omjehen tavat ae kong.

Ta je Vejec 1:16

Anyin ame wadring je cadra ka hnyi hulo, Ke adre he mweimwei he ka hingâlâ dra.

Ta je Vejec 18:19

E gan huliwa he ka ohmehmela liamekeiny e ka hu joniny, hon taun ae hwege, Ke haba je ivino eling, me helâ me je ohmâiny hnabâ.

Ta je Vejec 6:14

Eû hnyi hnyekon hwali, kʼ ame labö vak ûnyi ae kong; E ame okûâ iwatretra.

At Khet 7:9

Ca logot hnyekom he ka hmonyin, anyin a haba hnyekon at ae monu, me wale hnyaban hmonyin.

Ezekiela 35:5

Anyin a hwân ehac ânyâm hmonyin, ke u je hia but hna but lakon Isaraela ka hnyi maniny hele vat hnyi ûen anyidra vec, hnyi ûen umö hwakecin ae kong:

Deuteronomi 34:8

Ke haba lakon Isaraela, me adre me tengiö Mose hnyi je dok ae tha hon hnyi Moaba, hnyi je bong a thote: me adre me um dö je bong bonginy hnyamoki Mose.

Tito 3:3

Anyin a öta ta je monu ehac, me tavat ca ûling, me tavat adre iyawâ, me bi athnyabainy ta je weny ae kong, me ta je ûnyi hnân osenyinâ unyin a ve bongon bi, ate me laba hnyi hnyok ae kong me ihunyinköu, tavat hnân ikikiâ, me tavat adre me ûikikiköu.