Genese 26:28 - Iaai Bible 1901 (New Caledonia)

²⁸ Ke haingödrin, ka habe, Öhmun e wâ wia thö a tha Iehova möu; me haingöhmun, ka habe, ötin e he ka ve khemanyin, a öhmun möu, ke öhmun e he ka ûhihinyköu möu;

Genese 26:28 ပူးပေါင်းရင်းမြစ်များ

Isaia 61:9

Ke ame he ka lung je mâtrânidra unyin ta je hnyei, me lakudra huyi wanben tavat: ame he hia tavat adre me ō ʼdra ka wâhmakhmeto a ödra ta je mâtrân a ohnahicâ Iehova.

Isaia 45:14

Walang hna ha hnö Iehova, ka habe, Haba troban huliwa hnyi Aigupito, me je omjeûiny Aithiope hnân ûcû, me at Seba, tavat ae beû, adre me he ka hum ödra köu, me me ânyâm; adre me he ka he hotom; adre me he ka he ke tiga cʼ ödra ge je tö a fao: ke adre me he ka iyâû köu, me khöu köu me ba, ka habe, E hnathu e bi Khong unyâm; ke ba ju ke at, ke ba ke Khong.

Josua 3:7

Ke haba Iehova ame ha kö Josua, ka habe, Oge me he ka hwân hnyi bong ang ka oganö u hnyi hnyimakan at Isaraela hia thithö, me me khanʼ ödra a tha inya möu, helâji me tha inya me Mose.

Genese 39:5

Ke hwân e ame otilâ e he ka musö hnyaban, me anyin ta je ûnyi hia, me Iehova ame ohnahicâ hnyaban at Aigupito; ga Josefa; ke haba hnahic ûnyi ga Iehova ame ta hon anyin ta je ûnyi hia eiö hnyi, uma, me eû hnyi utkânâ.

Heberu 13:5

Ca he öbun ka munyi hnyokâ mone; sekubun ju ge ta je unyi öbun e hu: anyin a e ame hia but ha, ka habe, Oge me ca he bala he ka hnö u, ke oge me ca he balua ka hna degeci u.

Heberu 6:16

Anyin a hwakecin tavat he ka khemanyin ge at ae gan: ke haba ûhihi-nyköu me wale obiny hnân ohnatho hnyi anyidra ta je iwatretra hia thithö.

I. Korinito 14:25

adre omanenâ ta je ûnyi ae iyong hnyi hnyekon; me e ame he ka ta ju hnyimanan hnyikânâi me khudrung ka Khong me ha, ka habe, e hnathu e unyibun Khong.

Isaia 61:6

Ke adre me he ka hwenyi iöbun, me Tavat bihut kö Iehova: kʼ ame he tavat ka haiöbun me Lathnyabainy Khonguta öbun e he ka an je soiny ta je hnyei, ke öbun e he ka hobeluâ anyidra hmanenang.

Isaia 60:14

Ke ame he lakon tavat adre me oveci u ka o me iyâû gam; ke ame he tavat hia adre me hûkötiö u ka nom ju ka hnyi li hnyeûcam; ke adre me he ka haiö u, a Taun anyi Iehova, Ziona anyin Kabi Isaraela.

II. Man Ûlabainy Je Than. 1:1

KE adre me ohwegiö Solomona nöku Davita hnyi dokhon dokhu, ke tha Iehova a Khongon mē, kʼ ame ogânâ e.

Genese 24:41

waleling mʼ u me he ka gufa hnyi hnâm hna khemanyin könya, u ka o ka anyik lap; ke ödrin e ne ca ham köu hlu, me u me he ka gufa hnyi hnâm hna khemanyin könya.

Genese 24:3

me oge me he ka ha köu he ka khemanyin könya hnyi hnyimakö Iehova, Khongon drany, me Khongon hmeledrany, a u me ca he ka hok âiân nökuk unyin je hlu lakon at Kanana, wale oge me laba unyidra:

Roma 8:31

Ieû ate me he ka ha hnyi ta je ûnyi e? A ne tha hien mʼ öta Khong, ia ûcûta?

Genese 31:44

Aiö u walang ang mʼ ötu me ûhihinyköu; ke wale hnân ohnatho kötu.

Genese 39:3

Ke a wâ but tuhan a tha Iehova mē, ke levoha ame ohnahicâ hia ta je ûnyi e ame ânyâ.

I. Samuela 11:1

KE ame o but Nahasa at Amona me hunuma cicö Jabese-gileada: ke ame ha at Jabese hia kö Nahasa, ka habe, U me he ka ûhihinyköu möbmun, me ohmun e he ka bi athnyabaem.

I. Samuela 18:28

Ke a wâ but Saulo, me wâhmakhmeto a e bi Iehova unyi Davita; ke haba Mikala hlu nöku Saulo ame betenge kâu.

II. Man Ûlabainy Je Than. 15:9

Ke e ame ûkhacaköuâ at Juda me Beniamina hia, me je atkanyua unyidrin ûhedrin Eferaima, me Manase, me Simeona: anyin ae se hia at Isaraela adre me utut unyin, hnyi ûen ödrin e wâ a Iehova Khongon ame tha e më.