Genese 26:24 - Iaai Bible 1901 (New Caledonia)

²⁴ Ke Iehova ame manen dut kâu hnyi hnyinghet eling, me ha, ka habe, Inya Khongu Aberahama a kâmâm: ca ot, anyin a tha inya möu, ke oge me he ka ohnahici u, me osehia ta je mâtrânâm can athnyabaik a Aberahama.

Genese 26:24 ပူးပေါင်းရင်းမြစ်များ

Genese 13:16

Ke oge me he ka wia ta je mâtrânâm, me me helâ me sesâiny kânâ: waleling me a ne khana ke at he ka aû sesâing kânâ, me adre me he minya ka aû ta je mâtrânâm.

Genese 15:1

HWABAN ta je ûnyi e ame o thö hofuc ho Iehova kö Aberama hnyi hna omanenâ, haingen, ka habe, Aberama lö, ca ot: inya ang becâm, me troban hobi köu ae ti gan hmâ.

Genese 17:7

Ke oge me he ka ohmâ anyik ûhihinyköu möu me ta je mâtrânâm hwabâm hnyi anyidra ta je dö hnân ûhihinyköu ae ca ba balua, me oge me he ka Khongom me ta je mâtrânâm hwabâm.

Genese 17:8

Me oge me he ka ham köu, me ta je mâtrânâm hwabâm, hnyei u me laba kanyua hnyin, a hnyei Kanana hia, hnân gam nyiele balua; ke oge me he ka Khongudrin.

Genese 21:17

Ke haba Khong ame löng hwan da; me angela anyin Khong ame hongot hnyi drany kö Hagara, ka habe, Hagara lö, ieû gam? ca ot bi, anyin a löng ut Khong hwan da hnyi hnen hna mokut.

Genese 22:17

anyin a wale oge me he ka ti ohnahici u, me ti osiâ je mâtrânâm, me me helâ me ta je okhûiny drany, me helâ me öny hnyi haten köiö; kʼ ame he mâtrânâm ha hu homagöuleiny ta je iwa-hnaimiöny më;

Genese 22:19

Ke Aberahama ame he hmetu ka li hidröu a anyin, me ödrin e tot, me tha he Bere-seba ai; ke Aberahama ame labâ Bere-seba.

Genese 24:12

Me e ame ha, ka habe, Iehova Iö, Khongu Aberahama a tuhök, ö u kunâ so könya hnyi bong ang, me betenge ju kö Aberahama a tuhök.

Genese 28:13

Ke wâ bi, ame tot Iehova ethö hon e, me ha, ka habe, Inya Iehova, Khongu Aberahama a kâmâm, me Khongu Isaaka: haba kânâ u me mokut hnyin, oge me he ka ham e köu, me je mâtrânâm;

Genese 28:15

Ke wâ bi, tha inya möu, ke oge me he ka tuö u hnyi je hnyei hia u je he ka hnyin, me ohmetu u ka hnyi hnyei eang: anyin oge ma ca he ka hnö u ke ne o but oge hia but ânyâ hnök hna ha köu.

Genese 28:3

Ke e so ame he Khong Ataekhanahia he ka ohnahici u, me odedu u, me osi u, me me se hia em je hnyei;

Genese 30:27

Me haingö Labana kâu, ka habe, A ne hu ânyâm ibetengiö könya, me halubahingen ju, anyin a oge me wâhmakhmetoâ a Iehova ame ohnahici nya gam.

Genese 31:5

me haingen ködru, ka habe, Oge wâ but hnyimakan kamöbu a ca helâ hmetu ehac könya; ke so bi a hia but tha e mönya Khongu cica.

Genese 39:2

Ke tha Iehova me Josefa, ke e at ae sot; kʼ ame laba hnyi hnyaban at Aigupito a tuhan.

Genese 39:3

Ke a wâ but tuhan a tha Iehova mē, ke levoha ame ohnahicâ hia ta je ûnyi e ame ânyâ.

Genese 46:1

KE Isaraela ame he me anyin lap hia, me o hnyi Bere-seba, me hudo eling je hut ka Khongu Isaaka a kamen.

I. Je Than 17:13

Haba Elia ame ha kâu, ka habe, Ca ot; he thö ka ânyâ helâ me hnâm hna ha: ke me bâm ka ânyâ hobi könya ke ong areto, me hom könya, ke hwaban dö e, me u me he ka ânyâ hnân hobi köbu bi a liamokon.

Esodo 14:13

Ke haba Mose ame ha ka tavat, ka habe, Ca ot, tot ju, me wâ ûhomeli anyi Iehova, wale ame he ka ânyâ hobi köbun hnyi bong ang: anyin a haba at Aigupito öbun e wâ hnyi bong ang, me öbun e ca he ka wâ hmetu nyiele balua.

Esodo 3:6

Ke e ame ha minya ka habe, Inya ang Khongon kâmâm, me Khongu Aberahama, me Khongu Isaaka, me Khongu Jekob. Ke Mose ame tube hnyimakan; anyin a e ot ka wâ Khong.

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 44:2

walang hna ha hnö Iehova at a huliwön u, at a up u hwân hnyi hnyekon hinyâm, at ame he ka hadruo u, ame ha, ka habe, Ca ot bi, Jekob a athnyabaik; me u Jesuruna, waleji oge ûca.

Isaia 51:12

Inya, inya at ame otubweli öbun: u ia, at ame outen at ame he ka mok, ke nokon at adre me he ka wia me me ûcû me hna önying:

Isaia 51:7

Ling nya ju öbun tavat ae khanʼ öbun wisa, tavat ae hu anyik hnanyibu eû hnyi hnyekudra; ca he ju öbun ka outen hna haikongu öbun ge at, ke ca gāubun ge hnödra hna hlumʼ öbun.

Je tenge anyi Jeremi 3:57

U je hakekenyâ hnyi bong oge me hao u hnyin: u je ha, ka habe, Ca ot bi,

Levitiko 26:42

awe, oge me he ka ûnykûme hnok hna ûhihinyköu me Jekob; me hnok hna ûhihinyköu me Isaaka; ke oge me he ka ûnykûme hnok hna ûhihinyköu me Aberahama; ke oge me he ka ûnykûme ka hnyei.

Levitiko 26:45

ke oge me he ka ûnykûme ködrin, cadrin bi, waleji hnok hna ûhihinyköu me lakamödrin, tavat oge me hom ûnyi hnyi hnyei Aigupito hnyi hnyimakan aten ke je hnyei, mʼ inye he ka Khongudrin: Inya Iehova.

Mataio 22:32

Inya ang Khongu Aberahama, me Khongu Isaaka, me Khongu Jekob? Haba Khong, me ca Khongon bi tavat adre mokcu, ke so bi tavat ae möt.

Luka 12:32

Hnahat mamoe ae wakhalet lö, ca ot bi, anyin ae weny Kamöbun he ka ham köbun dokhu.

Ta je huliwa 7:32

ame ha, ka habe, Inya ang Khongon lakâmâm, wale a Khongu Aberahama, me Isaaka, me Jekob. Haba Mose ame öbubuny me ot ka wâ.

Deuteronomi 13:17

Ke e so ame ca he ka kece ka hnyi hnyamâm ûnyi adre ohnauhangoâ: me me he Iehova ka degec ûbâhlâiny hmönyin, kʼ ame he ka betenge gam, me hnyok köu, me osehiö u, helâ me hnen hna khemanyin ka lakâmâm;

Deuteronomi 31:6

Hwege thʼ öbun me hnyok baga but, ca ot bi, ke ca öbubuny bi gadra: anyin a Iehova Khongom me e at ame tha he möu; e ame ca he ka hia unyâm, me hna degeci u.

Heberu 11:16

Ke walang ang adre me weny ke hnyei ae beönua hnyin so, a wale thö drany: waleling me me ca hmehma bi Khong, e ka he ka hâiâ e, ka habe, e Khongudrin; anyin a e ame penapena taun hobi ködra.

Heberu 13:6

Anyin a wale e khanʼ öta he ka ha hwegiâ, ka habe, Haba Than, me wale thibi e at ame hadruo nya, oge me ca he ka ot, Ieû ke ûnyi ae khana at he ka ânyâ könya?

Hna Omanenâ 1:17

Ke oge me wâ e, me oge me ta hnyi hmelen li can helâ me at a mokcu. Me e ame ip hnyamen a metân huk, me ha, ka habe, ca ot; Inya ang a bân me biliny,

Rutha 3:11

Ke walang nokuk i u ma ca ot; oge me he ka ânyâ hobi köu helâ me hna ha gam, anyin a wâ but taun hia anyin lahanök a u momo ae so hwakecin.