Genese 24:7 - Iaai Bible 1901 (New Caledonia)

⁷ Haba Iehova, Khongon drany, waleji at a hum nya ûhek hnyi hnyaba cica, me ûnyi hnyi hnyei adre hnöku nya hnyin, at ame ha könya me khemanyin könya, ka habe, Oge me he ka ham hnyei eang ka ta je mâtrânâm; haba at eling ame he ka kunâ anyin angela hnyi hnyimâkâm, ke u me he ka hok ûnyi eling âiân nökuk.

Genese 24:7 ပူးပေါင်းရင်းမြစ်များ

Genese 13:15

anyin a haba hnyei hia u ma wâ, oga ma he ka ham köu, me je mâtrânâm nyiele balua.

Genese 15:18

Haba hnyi bong eling Iehova ame ha ûhihinyköu me Aberama, ka habe, Oge hia but ham hnyei ang ka ta je mâtrânâm, hwân hnyi wageweiny Aigupito keneo but wagewe ae gan, wale wagewe Euferate:

Genese 16:7

Ke ame ö e hnen angela anyi Iehova hnyi an ame pupua hnyi hnyebuba, wale ame pupua hnyi gethen ka he Sura ai.

Genese 17:8

Me oge me he ka ham köu, me ta je mâtrânâm hwabâm, hnyei u me laba kanyua hnyin, a hnyei Kanana hia, hnân gam nyiele balua; ke oge me he ka Khongudrin.

Genese 21:17

Ke haba Khong ame löng hwan da; me angela anyin Khong ame hongot hnyi drany kö Hagara, ka habe, Hagara lö, ieû gam? ca ot bi, anyin a löng ut Khong hwan da hnyi hnen hna mokut.

Genese 22:11

Ke haba angela anyi Iehova ame hawâ e ûnyi hnyi drany me ha, ka habe, Aberahama, Aberahama lö: me haingen, ka habe, Inya ang.

Genese 24:3

me oge me he ka ha köu he ka khemanyin könya hnyi hnyimakö Iehova, Khongon drany, me Khongon hmeledrany, a u me ca he ka hok âiân nökuk unyin je hlu lakon at Kanana, wale oge me laba unyidra:

Genese 24:40

Me haingen könya, ka habe, Ame he Iehova, wale oge me he hnyi hnyimakan, ka kunâ anyin angela ka tha e möu, me ohnahicâ ûhem; ke u ma he ka hok âiân nokuk ûnyi hnyi anyik lap, me hnyaba cica:

Genese 26:24

Ke Iehova ame manen dut kâu hnyi hnyinghet eling, me ha, ka habe, Inya Khongu Aberahama a kâmâm: ca ot, anyin a tha inya möu, ke oge me he ka ohnahici u, me osehia ta je mâtrânâm can athnyabaik a Aberahama.

Ezera 1:2

Walang hna ha hnö Koreso than Peresi, ka habe, A hia but ham könya ga Iehova Khongon dran ta je dokhu hia eang hmelen; ke a hia but hûna könya he ka op umen uma hnyi Jerusalema, wale hnyi hnyei Juda.

Salamo 103:20

Haisoi Iehova ju, öbun ta je angela unyin: Öbun hnyat ae man hnyi tang hwege, a hnyat ânyâ hwan hofuc, Me tevehlöng ifucin.

Salamo 136:26

Oleâ ju ka Khongon drany: Anyin a nyiele balua anyin ibetengiö.

Salamo 32:8

Oge me he ka nö u, me ku köu gethen u me he ka vheno: Oge me he ka ûhnenamö möu me ecmakö u.

Salamo 34:7

Ame hunuma angela anyi Iehova igigilo tavat adre me outen e, Me omeli ödra.

Salamo 73:24

U me he ka su nya ge hnâm hna ûhnenamö, Ke hwaban dö e u me he ka hum nya ka hnyi hmanenang.

Esodo 13:5

Ke e ka he Iehova ka hum u ka hnyi hnyei Kanana, me Heth, me Amora, me Hivi, me Jebusi, waleji a khemanyin ka lakâmâm he ka hani köu, a hnyei ame di ge dân basin me hani, me u ma he ka ânyâ huliwa eang hnyi tehi eang.

Esodo 32:13

Ûnykûme ju kö Aberahama, me Isaaka, me Isaraela, a lathnyabaem, waleji hnyat u je khemanyin gam bi ködrin, me ha, ka habe, Oge me he ka osehia je mâtrânibun helâ me je okhûiny drany, ke haba hnyei hia eang waleji oge ha köbun, oge me he ka ham ka je mâtrânibun hnân idrin nyiele balua.

Esodo 33:2

ke oge me he ka kunâ hnyi hnyimâkâm ke angela; ke oge me he ka obâ at Kanana, me Amora, me Heth, me Perizi, me Hivi, me Jebusi:

Isaia 63:9

E ame tha vec mödra hnyi anyidra ta je vec hia, ke e ame omeli ödra ge angelainy hnyimakan: e ame ûcû ödra hnyi anyin ibetengiö, ke hnen hna betenge baû; ke ame hum ödra me kop ödra bala bi hnyi je bong ehac.

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Jona 1:9

Haingen ködrin, ka habe, Iny at Heberu; ke inya oge me outö Iehova, Khongon drany, at ame op köiö me hot.

Numera 11:12

Hawa oge erkinâ tavat hia ang? hawa oge hnöku ödra, mʼ u me he ka ha könya, ka habe, Kop ödra ka hnyi ûlâiâm, helâ me kamen wale at ame tuö wanakat adre asen, ka hnyi hnyei u je khemanyin ka lakamödra?

Numera 14:16

Anyin ae ca khanö Iehova he ka hom tavat eang ka hnyi hnyei e ame khemanyin ködra, me wale e ame hlingʼ ödra hnyi hnyebuba.

Numera 14:30

e hnathu öbun e ca he ka o ka hnyi hnyei waleji oge hai hnyamok he ka olabʼ öbun hnyin, ke so thibi Kaleba nöku Jefune, me Josua nöku Nuna.

Numera 32:11

Haba tavat adre he jem ûhedra Aigupito, hwân ge tavat a twente huna me gan hon e, me adre me ca he ka hnyi wâ hnyei waleji oge khemanyin kö Aberahama me Isaaka, me Jekob; anyin adre me ca hnu hotuk hnyi ta je ûnyi hia:

Ta je huliwa 7:5

ke e ame ca ham kâu ke hwajekhon hnyin, e ba hmonyin ke ong dok helâ me hwadeny hnyeûcan: ke e ame ha bânâ he ka ham kâu me hnân iny, me hnân iny je mâtrâniny hwaban, waleji ke tiga ba nokon.

Deuteronomi 1:8

Wâ bi, oge hia but ip hnyei hnyi hnyimaköbun: he thʼ öbun me labā hnyei waleji ame khemanyin ka lakamöbun, a Aberahama, me Isaaka, me Jekob, he ka ham ködrin, me je mâtrânidrin hwabödrin.

Deuteronomi 34:4

Ke Iehova ame ha kâu, ka habe, Walang hnyei oge me khemanyin kö Aberahama, me Isaaka, me Jekob, me ha, ka habe, Oge me he ka ham e ka ta je mâtrânâm: oge hia but omanenâ e ka hnyi li emâkâm, ke u me ca hnyi he bi ka hnyin.

Heberu 1:14

Hawa, ca je hanu adre bi athnyaba ödra hia, kʼ adre kunʼ ödra he ka bi athnyaba hobi kodra adre me he ka hu möt bi?

Heberu 11:9

Hnen labageju e ame laba kanyua hnyi hnyei adre ha bânâ, waleji a ca iny bi, me laba hnyi je uma mano, tha e me Isaaka me Jekob, ae tha hu hwajekhöudru më hnyi hna ha bânâ:

Josua 1:6

Hwege thö, ke hnyok baga but: anyin a hamâm he ka ohuâ hnyei ka tavat eang, waleji oge me khemanyin he ka ham ka lakamödra.

Josua 24:3

Ke oge me hom kamöbun Aberahama ûnyi hnyi ke keihen Wagewe, me lelö e he ka vheno hnyei Kanana hia thithö, me osehia je mâtrâniny, me ham kâu Isaaka.

Hna Omanenâ 11:13

Ke hu hwiöi ae gan hnyi awa eling, me ame ū but ke keihen a libenyitainy taun; ke haba hwiöi, me ame hlingâ tavat a seven thauzan: me ame ot je kolon, mʼ adre me ogânâ Khongon drany.

Owisa 2:1

KE ame o hnyi Bokim ûheny Gelegala angela anyi Iehova. Me e ame ha ka habe, Oge me kunʼ öbun ûheny Aigupito, me hum öbun ka hnyi hnyei waleji oge khemanyin ka lakamöbun; ke oge me ha, ka habe, Oge me ca he balua ka oûnyibâûâ anyik ûhihinyköu möbun: