Genese 24:60 - Iaai Bible 1901 (New Caledonia)

⁶⁰ Me ödrin e ha hnahici Rebeka, me ha kâu, ka habe, Hanihmun lö, e so u ma he ka hinyen ta je thauzan me je libenyita ta je thauzan, ke so ame he je mâtrânâm ka laba hnyi ta je homagöuleny tavat adre me hûköti ödra.

Genese 24:60 ပူးပေါင်းရင်းမြစ်များ

Genese 1:28

Ke Khong ame hahnahici ödru: ke haba Khong ame ha ködru, ka habe, Si but, me dudu but me ödedoâ hmeledrany, me hom ûhnyûkongo; me musö thö ta je wâ eû hnyi köiö, me ta je meno ame gâ ethö, me ta je ûnyi hia ae möt ame iyâûâ hmeledrany.

Genese 14:19

Me e ame hahnahicâ, me ba, ka habe, E so e hnahic Aberama ûnyi ge Khong ae Beönua, at a gan drany me hmeledrany:

Genese 17:16

Ke oge me he ka ohnahicâ e, ke haba khaca, oge me he ka ham köu nokom da ûnyi gan: eke, oge me he ka ohnahicâ e, kʼ ame he ka hinyen ta je hnyei; kʼ ame he ka o ûnyi gan je thaniny ta je hnyei.

Genese 22:17

anyin a wale oge me he ka ti ohnahici u, me ti osiâ je mâtrânâm, me me helâ me ta je okhûiny drany, me helâ me öny hnyi haten köiö; kʼ ame he mâtrânâm ha hu homagöuleiny ta je iwa-hnaimiöny më;

Genese 24:61

Ke ame todrö Rebeka, me je hluiny a je hlu, ke ödrin e tabâ je kamela, me he hoton at: kʼ ame hum Rebeka hnen athnyaba me he but.

Genese 28:3

Ke e so ame he Khong Ataekhanahia he ka ohnahici u, me odedu u, me osi u, me me se hia em je hnyei;

Genese 32:1

KE Jekob ame he hnyi deny gethen, me e ame ukhanö me je angela anyin Khong.

Genese 48:20

Ke e ame hahnahici ödru hnyi bong eling me ha, ka habe, Ame he Isaraela ka hahnahicâ gam, me ha, ka habe, E so e he Khong ka wiö u helâ me Eferaima me Manase: ke e ame ip Eferaima me at a bân, ke Manase a biliny.

Genese 9:1

KE Khong ame hahnahici Noa, me je lakon, me ha ködrin ka habe, Si but, me dudu but, me dedo hmeledrany.

Jeremia 29:6

hok öiöbun dö me bi lakubun da me in; ke heleû âiân dö lakubun obaga, ke ûham-köuâ thö lakubun wahlu ka je baga, mʼ adre me he ka hnokoâ obaga me wahlu; me öbun e he ka se hia eling, me ca he bi ka wakhalet.

Daniela 7:10

Ke ame hingölö wagewe meic me patrutrua ûnyi hnyi hnyimakan: kʼ adre me bi athnyaba kâu tavat a wan thauzan je thauzan, kʼ ame utitilen hnyi hnyimakan khaca miriad je miriad: kʼ adre me penapena he ka ûhnei, kʼ adre me ulolo je tusi.

Levitiko 25:46

Ke öbun e he ka hnʼ odrin hna hwajekhon lakubun hwaböbun, me me anyidra: öbun e he ka hom je lathnyaba ûnyi gadra nyiele balua; ke haba je liamekeiny möbun a lakon Isaraela, ca he ka musö hwegiâ ke at hnen ke at.

Deuteronomi 21:19

me ame he ka kât e ge kamen me hinyen me hom e ka wahingatiny anyin taun, hnyi homagouleny dok e ame labā;