Genese 24:40 - Iaai Bible 1901 (New Caledonia)

⁴⁰ Me haingen könya, ka habe, Ame he Iehova, wale oge me he hnyi hnyimakan, ka kunâ anyin angela ka tha e möu, me ohnahicâ ûhem; ke u ma he ka hok âiân nokuk ûnyi hnyi anyik lap, me hnyaba cica:

Genese 24:40 ပူးပေါင်းရင်းမြစ်များ

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Genese 24:56

Ke haingen ködru, ka habe, Ca ovheli nya, anyin a hia but Iehova ohnahicâ anyik he; hnö nya but mʼ inye he hmetu ka tuhök.

Genese 24:7

Haba Iehova, Khongon drany, waleji at a hum nya ûhek hnyi hnyaba cica, me ûnyi hnyi hnyei adre hnöku nya hnyin, at ame ha könya me khemanyin könya, ka habe, Oge me he ka ham hnyei eang ka ta je mâtrânâm; haba at eling ame he ka kunâ anyin angela hnyi hnyimâkâm, ke u me he ka hok ûnyi eling âiân nökuk.

Genese 48:15

Ke e ame hahnahici Josefa, me ha, ka habe, E so ame he Khong, wale hnen lakamök Aberahama me Isaaka hna he hnyi hnyimakan, a Khong waleji at ame ha ök hwân kʼ iny tiga wanakat ke ne o but hnyi bong ang,

Genese 5:22

ke Enoka ame labö tha he me Khong hnyi kun ta haded ta je huna hwaban hnen hna hnöku Methusela, ke ame hnokoâ ta je da me in:

Genese 5:24

haba Enoka ame labö tha he me Khong: kʼ ame hia thiju; anyin a Khong ame hom dö e.

Genese 6:9

Walang ta je dö anyi Noa. Haba Noa, at ae wisa, ke fâfâ but hnyi anyin ta je dö: haba Noa ame tha he me Khong.

I. Je Than 2:3

ke tuö je hanymâm ûnyi ga Iehova Khongom, he ka vheno deny je gethen, me tuö anyin je hna hûna, me anyin je hnanyibu, me hnen je hna owisa, me hnen je hna otilâ, helâji me hna sihnalimen hnyi tusi anyi Mose, mʼ u me hnahic hnyi ta je ûnyi hia u me he ka ânyâ, me ta je dok u me he ka he kâu:

I. Je Than 3:6

Ke haingö Solomona, ka habe, U je betenge gan hmâ ga cica Davita athnyabaem, hoton hnen hnaʼ he hnyi hnyimâkâm hnyi hnathu, me hwakecin ae so, me hnyekon ae wisa köu; ke u je tuö hobi kâu ibetengiö ang ae gan, a u je ham kâu nokon he ka laba hon anyin theron, helâ me hnyi bong ang.

I. Je Than 8:23

ke haingen, ka habe, Iehova lö, Khongu Isaraela, e ba ke khong ae ûcû möu, ethö hnyi drany, me eang hmeledrany; at ame tuö ûhihinyköu mo ibetengiö ka je laathnyabaem, tavat adre me vheno hnyi hnyimâkâm me hnyekudrin ae bekhot:

II. Je Than 20:3

Iehova lö, oge me khöû köu, Ö u ûnykûme ju walang ang hnok hna he hnathu hnyi hnyimâkâm, me hnyok ae wisa, me ânyâ ûnyi ae so hnyi hnyimâkâm. Ke Hezekia ame tenge hwege.

Salamo 1:3

Me e ame he ka ûcû me ûö adre ta hnyi i baten ta je wagewe, Kʼ ame wa but wan hnyi huna, Kʼ ame ca meleca thö lan; Kʼ ame he bi ka hnahic ta je ûnyi hia e ame ânyâ.

Salamo 16:8

Oge hia but ip Iehova bala hnyi hnyi-makök: Oge me ca he ka bwebwet, anyin a e bi hnyi ke keihök a metök.

Salamo 91:11

Anyin a e ame he ka hûna anyin ta je angela gam, He ka tuö u hnyi dem ta je gethen hia,

Esodo 23:20

Wâ bi, inya oge me kunâ angela he ka bân hnyi hnyimâkâm he ka tuö u eû hnyi gethen, me hum u ka hnyi dok oge hia but penapena.

Esodo 33:2

ke oge me he ka kunâ hnyi hnyimâkâm ke angela; ke oge me he ka obâ at Kanana, me Amora, me Heth, me Perizi, me Hivi, me Jebusi:

Daniela 3:28

Ke haba Nebukaneza ame ha, ka habe E so adre haisoâ Khongu Saderaka, me Mesaka, me Abedenego, at ame kunâ anyin angela, me omelo je athnyabainy hnyat adre me labageju kâu, ke ödrin e wia hofuc hwan than, me hna je unyidrin, mʼ ödrin e ca he ka bi athnyaba me khudrung ka ke khong bi.

Heberu 1:14

Hawa, ca je hanu adre bi athnyaba ödra hia, kʼ adre kunʼ ödra he ka bi athnyaba hobi kodra adre me he ka hu möt bi?

Hna Omanenâ 22:16

Inya Iesu oge hia but kunâ anyik angela he ka thumetu öbun ge ta je ûnyi e hobi kâu ta je ekalesia. Inya khûen me Nöku Davita, ke okhû lany ae hadröngöc.

Hna Omanenâ 22:8

Ke inya Ioane at ame löng me wâ ta je ûnyi e. Ke hnyi ûen oge me löng me wâ, me oge me ta ju hnyi hmelen li can angela, at ame omanenâ könya ta je ûnyi e.