Genese 24:4 - Iaai Bible 1901 (New Caledonia)

⁴ ke u ma he ka hnyi ik hnyei, me anyik lap, me hok âiân nökuk jia Isaaka.

Genese 24:4 ပူးပေါင်းရင်းမြစ်များ

Genese 11:25

ke khaca haded ke naintin ta je hunainy möt anyi Nahora hwaban hna hnöku Tera, ke ame hnokoâ lakon je baga me hlu.

Genese 12:1

KE haba Iehova ame ha kö Aberama, ka habe, He but ûhem hnyi gam, me ânyâm lap, me hnyaban kâmâm, ka hnyi hnyei oge me he ka omanenâ köu:

Genese 12:7

Ke ame manen dut Iehova kö Aberama, ame ha, ka habe, Oge me he ka ham hnyei ang ka ta je mâtrânâm: me e ame otilâ eling taben hut kö Iehova at ame manen kâu.

Genese 24:38

ke u ma he ka hnyi hnyaba cica, me anyik lap, me hok âiân nökuk.

Genese 24:5

Ke haingen athnyaba kâu, ka habe, Ke so bi ame ne ca hmehmela hlu ka he hotuk ka hnyi hnyei eang: hawa, hamök he ka su nokom ka hnyi hnyei u je he but ûnyi hnyin?

Genese 28:1

KE Isaaka ame hao Jekob, me hahnahicâ e, me hûna kâu, me ha kâu, ka habe, U ma ca he ka hok momo ûnyi hnyi je hluiny hnyei Kanana.

Genese 28:2

Todrö, he thö Padanarama ai, ka hnyi hnyaba Bethuela, kamen hinyâm; me hok âiâm ju ûnyi e unyin je laku Labana a je hlu, a mahinyâm.

II. Man Ûlabainy Je Than. 24:3

Ke haba Jehoiada ame hok li momo hobi kâu than, me e ame hnokoâ lakon je baga me hlu.

Heberu 11:15

Ke adre ne ûnykûme hnyei adre he ûhedra hnyin, me ame ne khanʼ ödra la he ka hmetu ka hnyin.

Owisa 14:3

Haba kamen me hinyen ödru me ha kâu, ka habe, Hawa, e ba momo nokon je liamekeiny mou, me ik hnyei hia, mʼ u me he ka hok âiâm unyin at Filisiti adre ca peritomonâ bi? Ke haingö Samasona ka kamen, ka habe, He thö ka hom e hobi könya anyin ae so e könya.