Genese 24:3 - Iaai Bible 1901 (New Caledonia)

³ me oge me he ka ha köu he ka khemanyin könya hnyi hnyimakö Iehova, Khongon drany, me Khongon hmeledrany, a u me ca he ka hok âiân nökuk unyin je hlu lakon at Kanana, wale oge me laba unyidra:

Genese 24:3 ပူးပေါင်းရင်းမြစ်များ

Genese 14:19

Me e ame hahnahicâ, me ba, ka habe, E so e hnahic Aberama ûnyi ge Khong ae Beönua, at a gan drany me hmeledrany:

Genese 14:22

Ke haingö Aberama ka than Sodoma, ka habe, Oge hia but hai hnyamök kö Iehova, Khong ae Beönua, at a gan drany me hmeledrany,

Genese 21:23

anyin a wale e so u ma khemanyinâ ien Khong könya eang, a u me ca he ka iyawö könya, me nokuk, me nokon nökuk: me u me he ka ânyâ könya, me ka hnyei u me laba kanyua hnyin, helâ me hnök hna betenge köu.

Genese 24:7

Haba Iehova, Khongon drany, waleji at a hum nya ûhek hnyi hnyaba cica, me ûnyi hnyi hnyei adre hnöku nya hnyin, at ame ha könya me khemanyin könya, ka habe, Oge me he ka ham hnyei eang ka ta je mâtrânâm; haba at eling ame he ka kunâ anyin angela hnyi hnyimâkâm, ke u me he ka hok ûnyi eling âiân nökuk.

Genese 27:46

Ke haingö Rebeka kö Isaaka, ka habe, E hmak ut hnyekuk can li momo Heth: a ne he Jekob ka hok âiân ûnyi hnyi je lakon Heth a je hlu, helâ mödru li momoiny hnyei, hnân eû hmetu möt könya?

Genese 28:1

KE Isaaka ame hao Jekob, me hahnahicâ e, me hûna kâu, me ha kâu, ka habe, U ma ca he ka hok momo ûnyi hnyi je hluiny hnyei Kanana.

Genese 28:8

ke a wâ Esau a gʼ ame hûkötiâ hnö Isaaka a kamen ta je hluiny hnyei Kanana;

Genese 34:9

Ke so ötin e he ka ihok lakon, ham but köhmun lakubun je hia, ke hom ju öbun lakuhmun je hlu.

Genese 38:2

Ke Juda ame wâ eling ke hlu nokon ke at Kanana, Sua ien; me e ame hom e me tha e më.

Genese 47:31

Me haingen, ka habe, Khemanyin dö könya: me e ame khemanyin kâu. Ke Isaraela ame nom dut hon hageny; hna mokut.

Genese 50:25

Ke Josefa ame kuna je laku Isareala he ka khemanyin, ka habe, E hnathu Khong ame he ha senʼ öbun, ke öbun e he ka hom minya je jeiök ûbeny ang.

Genese 6:2

ke haba je lakon Khong adre me wâ je lakon tavat a je hlu a ödra hmanenang; me adre me hom me laöiödra je hlu ae ve wedra.

Genese 6:4

Haba hnyi je bong eling e hu je Nefilim eang hmelen, me hnyi je bong minya a biliny, waleji hnyi ûen ame o but ta je lakon Khong ka lakon tavat a ta je hlu, ke adre me hnokoâ lakudra: haba tavat eling waleji tavat ae hwege ehac, me tavat ae lung.

II. Je Than 19:15

Ke haba Hezekia ame hic hnyi hnyimakö Iehova, me ha, ka habe, Iehova lö, Khongu Isaraela, at ame laba hnyi wanben li kerubi, u thibi Khong hnyi ta je dökhu hia eang hmeledrany; u je op drany me hmeledrany.

II. Man Ûlabainy Je Than. 2:12

Haingö Hirama minya, ka habe, E so adre me ole kö Iehova. Khongu Isaraela, at a op drany me hmele drany, at a ham nokon ae metâ kö Davita than, at wâhmakhmeto, me wâ ûnykûme, me me op uma hobi kö Iehova, me uma hobi kâu dokhon dokhu.

Ezera 5:11

Ke ödrin e thu kohmun helang, ka habe, Öhmun je athnyabainy Khongon drany me hmeledrany me öhmun e op uma waleji adre op ehac ae se hia je hunainy, waleji hnen ke than Isaraela ae gan hmâ hna op me umo.

Nehemia 13:25

Ke oge me û ödrin, me haikongu ödrin, me kot keihen me hnimö je bödrin, me kunʼ ödrin he ka hâiâ Khong, me ha, ka habe, Öbun e ca he ka ham lakubun wahlu ka lakudrin obaga, me hom lakudrin wahlu hobi kâu lakubun obaga, me hobi köbun bi

Nehemia 9:6

U thibi Iehova, a hake u; u je op drany, wale dranyin ta je drany, me je ûnyi hia hnyin, me hmeledrany me ta je ûnyi hia hnyin, je köiö hia me ta je ûnyi hia hnyin, te u me tuö hia; ke ame khudrung köu ta je ûnyi hia hnyi drany.

Salamo 115:15

Öbun e hnahic ut ga Iehova, At ame op drany me hmeledrany.

Salamo 136:26

Oleâ ju ka Khongon drany: Anyin a nyiele balua anyin ibetengiö.

Esodo 20:7

U ca he ka ha mono iö Iehova a Khongom: anyin ame ca he Iehova ka haisoâ tavat adre me haimono ien.

Esodo 22:11

me ödru me he ka khemanyin hnyi hnyimakö Iehova, a ga ca inâ hnyam ka hom ûnyi anyin ke at; kʼ ame he ka kap e hnen at a haleny ke ame ca he ka bi hwaban.

Esodo 23:13

Ke hnyi ta je hofuc hia oge ha köbun, wâ eâu: ke ca he öbun ka ha ien ke ta je khong, kʼ adre me ca he ka löng e ûnyi hnyi hnyimâm.

Esodo 34:16

ke wâ u nye he ka hom lakudra je hlu hobi kâu lakom je baga, me ame he lakudra je hlu ka bi ûnyi monu me anyidra je khong, kʼ ame he minya lakom je baga ka bi ûnyi monu me anyidra je khong.

Isaia 45:23

Oge hia but khemanyin gak bi, ame he but hofuc ûnyi hnyi hnyimök hnyi wisa, ke ame ca he bi ka hmetu a gʼ adre me he hia ka cibouca könya, ke ame he ta je hnyem hia thithö ka khemanyin gak.

Isaia 48:1

LAP anyi Jekob lö, long ju ang, öbun tavat adre hwenyi iödra hoton iö Isaraela, a tavat adre me o but ûnyi hnyi je köien Juda; a tavat adre me khemanyin hnyi iö Iehova, me ha ge Khongon Isaraela, ke ca hnathu bi me wisa.

Isaia 65:16

me me he at ame ha hnahicâ e bi hnyi hmeledrany, me ame he ka ha hnahicâ e bi ge Khong ae hnathu; ke haba at ame khemanyin hnyi hmeledrany, me ame he ka khemanyin ge Khong ae hnathu; anyin a hia but hnying ta je vec a bân, ke adre hia but ikhâlâ ta je ûnyi e ge li emakök.

Jeremia 10:11

Walang hnobun hna he ka ha kodra, ka habe, Haba ta je khong wale adre ca op drany me hmeledrany, ame he ka hiʼ ödra eang hon kânâ hia; me hnyi hmeledrany.

Jeremia 12:16

Ke ödra ka he ka ti nâ je gethen deny lakeik, me khemanyin hnyi iök, ka habe, Kia inya Iehova; helâji me hnödra hna nâ lakeik he ka khemanyin ga Baala; awe, adre me he ka up ödra goranyai wanben ik hnyei.

Jeremia 29:6

hok öiöbun dö me bi lakubun da me in; ke heleû âiân dö lakubun obaga, ke ûham-köuâ thö lakubun wahlu ka je baga, mʼ adre me he ka hnokoâ obaga me wahlu; me öbun e he ka se hia eling, me ca he bi ka wakhalet.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

Levitiko 19:12

Ke ca he öbun ka khemanyin thoi hnyi iök, anyin a u je okongoâ ien Khongom helâe: Inya Iehova.

Zefania 1:5

ke tavat adre me hic hon ban je uma ka ta je ûnyi hnyi drany, ke tavat adre me khemanyin ko Iehova, kʼ adre me khemanyin ge anyidrin than;

Numera 5:21

me hamen at bihut he ka kunâ momo he ka khemanyin a khemanyin hnân ohnaûhangöâ, kʼ ame he at bihut ka ha ka momo, ka kabe, Ame he Iehova ka wiö u hnân hangâ me khemanyin hnyi wanben em hnyei, e ka he Iehova ka oavâ jevam me okhibö hnyekom;

I. Korinito 7:39

Adre ca momo hnen hnanyibu, e ka tiga möt âiân; ke e ka mokcu baga, me e khana he ka faipoipo me hnen hna weny kâu; ke ûnyi ge Than thibi.

Deuteronomi 10:20

U me he ka outö Iehova Khongom; u me be ka bi athnyabainy, me kece kâu, me khemanyin hnyi ien.

Deuteronomi 6:13

U me he ka outö Iehova Khongom; me bi athnyabainy, me khemanyin hnyi ien.

Heberu 6:16

Anyin a hwakecin tavat he ka khemanyin ge at ae gan: ke haba ûhihi-nyköu me wale obiny hnân ohnatho hnyi anyidra ta je iwatretra hia thithö.

Josua 2:12

Ke walang ang ö öbu khemanyin könya hnyi iö Iehova, a öbu me be ka betenge ge lap anyi cica helâ me oge me betenge gabu, ke ham könya haten ae hnathu:

Owisa 14:3

Haba kamen me hinyen ödru me ha kâu, ka habe, Hawa, e ba momo nokon je liamekeiny mou, me ik hnyei hia, mʼ u me he ka hok âiâm unyin at Filisiti adre ca peritomonâ bi? Ke haingö Samasona ka kamen, ka habe, He thö ka hom e hobi könya anyin ae so e könya.

I. Samuela 20:17

Ke Jonathana ame kunö Davita hmetu he ka khemanyin, can anyin ibetengiö gan: anyin a e ame betenge gan helâ me hing hanon bi.

I. Samuela 30:15

Ke Davita ame ha kâu, ka habe, Hawa, u me he ka su nya ka hnyi deö vat eling? Me haingen, ka habe, Khemanyin dö könya unyin Khong a u me ca he ka hlingö nya, me hnö nya hmetu ka tuhok, me oge me he ka hum u kâe ka hnyi deö vat.