Genese 23:4 - Iaai Bible 1901 (New Caledonia)

⁴ Iny atkanyua me at ame më laba unyibun: e so öbun e ham könya ke utkânâ hnân khön komok hnyin unyibun mʼ inye konâm kokik mʼ iny ca wâ but.

Genese 23:4 ပူးပေါင်းရင်းမြစ်များ

Genese 17:8

Me oge me he ka ham köu, me ta je mâtrânâm hwabâm, hnyei u me laba kanyua hnyin, a hnyei Kanana hia, hnân gam nyiele balua; ke oge me he ka Khongudrin.

Genese 23:5

Haba je laku Heth adre me thu kö Aberahama me ba kâu, ka habe,

Genese 3:19

ke u me he ka han ûnyi ge khuniny hnyimâkâm, ke ne o but ûen u me he ka hmetu ka hnyi kânâ; anyin adre hum u ûnyi hnyin e; anyin a u sesâiny kânâ, ke u me he ka hmetu hmetu ka knyi sesâiny kânâ.

Genese 47:9

Ke Jekob ame thu kö Farao, ka habe, Khaca haded me thöte ta je huna oge me he kanyua hnyin; wakhalet thibi me kong ta je hunainy möt a inya, ke ca tha ûcû me je bonginy hunainy möt anyin lakamök hnyi je bonginy hnödrin hna he kanyua hnyin.

Genese 49:30

hnyi op hnyi utkâna hnyi Makepela cicö Mamere, hnyi hnyei Kanana, waleji Aberahama ame ûco tha e me utkânâ ûnyi ga Eferona at Heth, me me utkânâ khön komok;

Genese 50:13

anyin a je lakon ödrin e hom e ka hnyi hnyei Kanana, me konâm hnyi op hnyi utkânâ hnyi Makepela, waleji a ûco Aberahama tha e me utkânâ hnân khön komok hnyin, ûnyi ga Eferona at Heth, cicö Mamere.

I. Man Ûlabainy Je Than. 29:15

Anyin a je atkanyua ohmun hnyi hnyimâkâm, me tavat hunuma tot, helâ je lakamöhmun hia: haba bonguhmun je bong eang hmelen helâ me hmenon, ke ba tethmâ.

Jobu 30:23

Anyin ae khanö nya a u me he ka lili nya ka hnyi mok, Me uma adre penapena hobi kâu tavat hia ae möt.

Salamo 119:19

Iny atkanyua eang hmeledrany: Ca ikhâlâ bi gak ânyâm ta je hnanyibu.

Salamo 39:12

Iehova lö, long ju hijik hic, tevehlöng ju anyik tenge; Ca laba hnyibû ge deköiök: Anyin a iny atkanyua unyâm, Me at ame mē laba, helâ me lakamök hia thithö.

Esodo 2:22

Kʼ ame hnokoâ nokon baga, me ame hwenyi ien Geresoma: anyin a haingen, ka habe, Iny atkanyua hnyi ke hnyei bi.

At Khet 12:5

eke, adre me he ka outen ûnyi ae gorany, ke e bi eû hnyi gethen ta je ûnyi hnân outen; kʼ ame he saked ka vhong, kʼ ame he ka hmak ge wahamon, ke ba hmetu hna weny: anyin ame he at ka hnyi umen uma a nyiele balua, kʼ ame vheno gethen hnen tavat adre me hnyamok:

At Khet 12:7

ke ame hmetu sesâ hnyikânâi, helâ me ehac, ke ame he hmetu hanu ka Khong at ame ham e.

At Khet 6:3

A ne khaca haded je lakon ke at, ke se hia hunainy anyin möt, me me ti se hia je bonginy ta je hunainy, ke ame ca sekon bi ge so, ke adre ca konâm bi; inya oge me ha, me so köluhabû hon e;

Levitiko 25:23

Ke adre me ca he ka ûco degecâ kânâ me me hia balua; anyin a ik kânâ: anyin a öbun je atkanyua, me tavat adre me laba ka bi athnyisi unyik.

Ta je huliwa 7:16

ke adre me sam ödrin Sekema ai, mʼ adre me ip ödrin hnyi erkemok waleji a ûcû silevai Aberahama unyin laku Hamora hnyi Sekema.

Ta je huliwa 7:5

ke e ame ca ham kâu ke hwajekhon hnyin, e ba hmonyin ke ong dok helâ me hwadeny hnyeûcan: ke e ame ha bânâ he ka ham kâu me hnân iny, me hnân iny je mâtrâniny hwaban, waleji ke tiga ba nokon.

Heberu 11:9

Hnen labageju e ame laba kanyua hnyi hnyei adre ha bânâ, waleji a ca iny bi, me laba hnyi je uma mano, tha e me Isaaka me Jekob, ae tha hu hwajekhöudru më hnyi hna ha bânâ:

I. Peteru 2:11

Hnyat a oûnykûmik lö, inya oge me ûjongi öbun a ta je atkanyua me tavat menâ tot, ka habe, ûsâkâûö but öbun me ta je weny unyin ae kong, je ûnyi ame vat me hanu;